Eleventh Lord

Volume 1 : Chapter 1

_Unicode_

အတွဲ(၁)

အခန်း(၁)

အကနတ်ဘုရားဝိဉာဉ်၏ပြန်လည်မွေးဖွားခြင်း

ဟွမ်ယွီယွမ်သည် ဟွမ်အိမ်၏နောက်ဆုံးမျိုးဆက် ဖြစ်သည်။

ဟွမ်ယွီယွမ်၏ မိခင်သည် ခေတ်တစ်ခေတ်၏အချိန်အပိုင်းအခြားတစ်ခု၌ လွန်စွာ ကျော်ကြားခဲ့သော အကသမားတစ်ဦးဖြစ်သည်။ထိုခေတ်အချိန်များ၌ 'အက နတ်ဘုရားမ' ဟုပင် ဝိုင်းဝန်းသမုတ်ခဲ့ကြပေ၏။

အကနတ်ဘုရားမ၏ သွေးများစီးဆင်းနေသော ဟွမ်ယွီယွမ်သည်လည်း စင်မြင့်ထက်၌ ချီးကျူး ဂုဏ်ပြုခံရမှု များစွာဖြင့် ရှင်သန်လာခဲ့သည်။

သွေးသည်ရေထက်ပစ်၏။သွေးသားကိုလိမ်၍မရနိုင်။

သူ့ဘဝ၏နတ်ဘုရားမသည် သေဆုံးချိန်မတိုင်ခင်အထိ လက်ဆစ်များ၏ အချိုးအကွေ့ကို ရပ်တန့်ခဲ့ခြင်း မရှိပေ။ ရှင်သန်နေသရွေ့ကသွားမည်။ အကသမား တစ်ယောက်သည် သူ၏ခြေထောက်များကို ဆုံရှုံးရခြင်းထက်ပို၍ သေခြင်းတရား ကို မကြောက်ဝံ့ပြီ။

ဟွမ်ယွီယွမ်သည် ၂၅နှစ်တာ၌ ဆုပေါင်း ၁၀၀ ကျော် သိမ်းပိုက်ခဲ့ပြီး နတ်ဘုရားမ နှင့်အတူ ပွဲပေါင်းနှစ်ဆယ် ယှဉ်တွဲကပြနိုင်ခဲ့သည်။

နတ်ဘုရားမသည် ဟွမ်ယွီယွမ်က သူမ၏ ဘဝ၌ ဆုလာဘ် တစ်ခု ဖြစ်သည် ဟု အမြဲပြောကြားခဲ့၏။ နတ်ဘုရားမ သည်လည်း ဟွမ်ယွီယွမ့် နှလုံးသား၏ ထာဝရ နတ်ဘုရားမ ဖြစ်ပေသည်။

ဆောင်းတွင်းနှင်းပွင့်တို့မကျခင် မှေးတင် အချိန်လေး တွင်ပင် နတ်ဘုရားမ ကို ကောင်းကင်ဘုံက ပြန်လည် ခေါ်ဆောင်သွားခဲ့ပါ၏။

နတ်ဘုရားမ၏ဈာပနကြောင့် လူတိုင်းပူဆွေးဝမ်းနည်းရပေမယ့် ယွီယွမ် ကတော့ ပေါ့ပါးလို့နေသည်။ နတ်ဘုရားမသည် သူ၏ နှလုံးသား အတွင်း ရှင်သန် နေဆဲ ဖြစ်သည်။ ခမ်းနားဖြူလွသော တိမ်ဆိုင်းနန်းတော်တွင် နတ်ဘုရားမက သူမ ဝတ်ရုံ အဖျားစ တို့ကို လွင့်စေလျက် ရွှင်မြူးစွာ ကနေမည့် မြင်ကွင်း ကို ပုံဖော် ကြည့်မိတိုင်း သူ့ရင်ထဲ အေးချမ်းသွားရသည်။