_Unicode_
အခန်း(၁၂)
ငါပြန်ရမယ်
“ ပြေးချင်သေးလား? ”
ယွီကျို့က ယွီယွမ့် မေးဖျားကို ညှစ်၍ မျက်နှာကို ပင့်ယူကာ ပြော၏။
‘ ငါ့ကံကိုက မကောင်းတာပါ..’
ယွီယွမ် စိတ်ထဲတွင် ရေရွတ်မိသည်။
ဝါးခမောက်ကို ချွတ်ပေးကာ ဘေးသို့ ချထားလိုက်ပြီးနောက် ယွီကျို့က ယွီယွမ့် မေးဖျားဆီ တစ်ဖန် လက်ပြန်လှမ်းသည်။
“ ခရီးတစ်ဝက်က ကြာဦးမှာ ကိုယ်တို့ စိတ်ဝင်စားစရာ တစ်ခုလောက် လုပ်ကြည့်ကြမလား ”
“ ကျားကွက်ကစားဖို့ ဖိတ်ခေါ်နေတာမလား? ”
ယွီကျို့က စိုက်ကြည့်လာ၏။
“ ကျားကွက် ကစားဖို့မလား? ”
ယွီယွမ် ထပ်မံ၍ မေးလိုက်သည်။ ယွီကျို့မျက်ဝန်းများက ကွေးညွှတ် သွားကာ.....
“ ဘယ်လိုလုပ်မလဲ ကျားကွက်ခုံ ထည့်မလာမိဘူး။ တစ်ခြားဟာ ပြောင်းပြီး ကစားကြမယ်လေ ”
ယွီယွမ်က နှာမှုတ်ကာ အရည်မရအဖတ်မရ စကားများ ပြောခြင်းကို ရပ်တန့်လိုက်သည်။
ယွီကျို့က ရယ်မောလာပါ၏။
“ မင်းခံစားချက်ကို လှုပ်ရှားအောင် လုပ်ဖို့ တော်တော်ခက်တာပဲ ”
လူသိန်းပေါင်းများစွာ ၊ မျက်လုံးပေါင်း သန်းချီတို့၏ အကြည့်အောက် တွင် အမြဲ စောင့်ကြည့်ခံ၍ ရှင်သန်လာသူ ဖြစ်သည့်အလျောက် ယွီယွမ့်ထံတွင် တော်ရုံ စိတ်လှုပ်ရှားမှုမျိုး မဖြစ်တည်ပါတော့ချေ။
“ ဒါပေမယ့် ကိုယ်က လွယ်လွယ်နဲ့ လက်မလျှော့တတ်ဘူး ”
မျက်နှာအရေထူသော ယွီနှစ်ယွီ တွေ့ကြပြီ ဖြစ်သည်။
ယွီကျို့က ဟန်လုပ်ရယ်ကာ အခြေအနေကို ထိန်းသိမ်းလိုက်သည်။ ယွီယွမ် ကတော့ တစ်ဖက်လူနှင့် လိုက်ရယ်ပေးရန် မစဉ်းစားမိပါပေ။
“ ကျွန်တော်က အရှင် ၁၁ အတွက် ပျင်းရင် ဆော့ဖို့ လောက်ပဲလေ ဟုတ်တယ် မဟုတ်လား? ”
YOU ARE READING
Eleventh Lord
RomanceEleventh Lord : Rebirth in Qing Dynasty အရှင်၁၁ : ချင်မင်းဆက်ခေတ်၌ပြန်လည်မွေးဖွားခြင်း အရွင္၁၁ : ခ်င္မင္းဆက္ေခတ္၌ျပန္လည္ေမြးဖြားျခင္း Author : Amata LaoYu Genre : Own Creation , Rebirth , Romance CP name : Yu-pair Volume 1 : ရည်ရွယ်ချက် [ Chapter...
