ျမဴႏွင္းမ်ားေဝ၍ အ႐ိုးထိပင္ေအးေသာ ဒီဇင္ဘာလသို႔ေရာက္ခဲ့ၿပီ။ ဒီေန႔သည္ ခရစၥမတ္ေန႔ျဖစ္၏။ ေကာင္းခန္႔တို႔မိသားစုေရာ တိုးတိုးတို႔မိသားစုပါ ဗုဒၶဘာသာဝင္မ်ားျဖစ္ၾကေသာ္လည္း ခရစ္စၥမတ္ေန႔ဆိုလွ်င္အထူးတလည္ပင္ေပ်ာ္႐ႊင္ေနတတ္ၾကသည္။
ေကာင္းခန္႔တို႔လမ္းထဲတြင္ ရွားရွားပါးပါးခရစ္ယာန္အိမ္တစ္အိမ္ရွိသည္။ ထိုအိမ္မွဘဘဦးတင္ဦးသည္ ခရစၥမတ္ေန႔ေရာက္တိုင္း လက္ေဆာင္ထုပ္ေလးမ်ားထုပ္၍ လမ္းထဲရွိကေလးမ်ားကို ေဝေပးတတ္သည္။ ညေနေစာင္းခ်ိန္အေအးဓာတ္ပိုလာၿပီဆိုသည္ႏွင့္ ဘဘဦးတင္ဦးက ၿခံေရွ႕လမ္းမေဘးတြင္မီးပုံဖိုလိုက္သည္။ ထို႔ေနာက္လမ္းထဲမွကေလးမ်ားကိုေခၚ၍ မီးလႈံရင္းပါဆယ္ဂိမ္းမ်ားကစားၾကရသည္။
မီးပုံအားဝိုင္းပတ္ထိုင္၍ သီခ်င္းသံႏွင့္အတူ ပါဆယ္ထုပ္တစ္ထုပ္ကို လက္ဆင့္ကမ္းသယ္ၾကရင္း သီခ်င္းရပ္သြားခ်ိန္တြင္လက္ထဲသို႔ ပါဆယ္ထုပ္ေရာက္ရွိေနသူက မဲႏႈိက္၍က်ရာဇာတ္႐ုပ္တစ္ခုခုကို သ႐ုပ္ေဆာင္ျပရသည္။ ထိုသို႔ကစားရျခင္းကို ေကာင္းခန္႔တို႔က ပါဆယ္ဂိမ္းဟုေခၚၾက၏။ ေကာင္းခန္႔တို႔လမ္းထဲမွကေလးမ်ားအားလုံး ခရစၥမတ္ေန႔ေရာက္တိုင္း ဘဘဦးတင္ဦးအိမ္ေရွ႕တြင္ ထိုဂိမ္းကိုမေဆာ့ဖူးသူဟူ၍မရွိၾကပါ။ ျမတ္သႏၲာေအာင္တို႔ေမာင္ႏွမေတြပင္ေဆာ့ဖူးၾက၏။
"ကိုေလးေရ... အိငယ္တို႔သြားႏွင့္မယ္"
အိငယ္က မ်က္ေစာင္းထိုးအိမ္မွစည္သူေအာင္ေလး၏လက္ကိုဆြဲ၍ ဘဘဦးတင္ဦးအိမ္ေရွ႕သို႔ေျပးေတာ့သည္။ ေကာင္းခန္႔က တိုးတိုးအားေအာ္ေခၚ၍ ေနာက္မွလိုက္သြားရ၏။ ကိုညီႏွင့္ မမကလ်ာတို႔က ႀကီးေနၿပီဟုဆိုကာ ပါဆယ္ဂိမ္းကစားရာသို႔ဝင္မပါၾကေတာ့ေသာ္လည္း ေဘးမွအားေပးရန္လိုက္လာၾကသည္။
"စည္သူေအာင္ နင့္အစ္မေရာ"
မမကလ်ာက ျမတ္သႏၲာေအာင္ကိုမေတြ႕သျဖင့္ စည္သူေအာင့္အားလွမ္းေမးသည္။
"မႀကီးျမတ္သႏၲာက အေမနဲ႔လိုက္သြားတယ္"
စည္သူေအာင္ကျပန္ေျဖၿပီး ကေလးမ်ားၾကားထဲတြင္တိုးေဝွ႔၍ ဝင္ထိုင္၏။ ထိုစဥ္ စည္သူေအာင္၏ေဘးမွကေလးတစ္ေယာက္က စည္သူေအာင့္ပုခုံးကိုေဆာင့္တြန္းပစ္လိုက္သည္။
YOU ARE READING
The Promise Of Summer
Romance(Myanmar Boy Love Fiction-OC) (အရမ်းချမ်းသာပြီး လိုတရဘ၀မျိုးတွေမဟုတ်ပဲ real life နဲ့ အနီးစပ်ဆုံး ၂၀၀၆ ခုနှစ်ဝန်းကျင်ခန့်က သင်္ကြန် အငွေ့သက်လေးတွေ အဆောင် အငွေ့သက်လေးတွေ နဲ့ သာမာန်ရိုးရှင်းတဲ့ အဆောင်နေ အင်ဂျင်နီယာကျောင်းသား ဘ၀ အချစ်ဇာတ်လမ်းလေးတခုပါ)
