~The brightness that follows a sunrise will never be bright for a long day. But it can change the brightness of Moonlight after a sunset~
ဒီနေ့တော့ ချေမိုးနဲ့တူတူ ချေမိုးအဖေ့ဆီသွားတွေ့ဖို့ လုပ်ထားကြသည်။ ချေမိုးသူ့ကိုပြောတာကတော့ သူကအဖေနဲ့အဆက်အသွယ်မလုပ်ဖြစ်တာ ကြာပြီတဲ့။ ဒါပေမယ့် ရုတ်တရက်ကြီး အဖေ့ဆီတူတူသွားကြမယ်လို့ ချေမိုးသူ့ကိုပြောလာတော့ အံ့သြသွားခဲ့သည်။ လန့်နေခဲ့တာဆို ပိုမှန်မည်။ သွားတွေ့လို့ ရလာမယ့်အကျိုးဆက်ကို ကြိုသိနေတယ်လို့ပဲ စိတ်ထဲမှာ တစ်ထစ်ချယုံကြည်နေသည်။
"မကြောက်ပါနဲ့။ ကိုယ်ရှိတယ်"
"ငါမကြောက်ပါဘူး။ ဒါပေမယ့် ငါတို့ကြောင့် မိဘတွေစိတ်ဆင်းရဲနေတာတွေးမိတော့ အပြစ်ရှိသလိုခံစားရတယ်"
တစ်ကယ်တမ်းတော့ တစ်ယောက်နဲ့တစ်ယောက်ချစ်ကြတာ အပြစ်မရှိပေမယ့် သူရဲ့ချစ်ခြင်းဟာအပြစ်ရှိတယ်လို့ ရည်မွန်ခံစားနေရသည်။ အခြားလူတွေအတွက်က ချစ်ခြင်းဟာလှပတဲ့အရာတစ်ခုဖြစ်နေပေမယ့် သူ့အတွက်ကတော့ လိပ်ပြာမလုံနိုင်ဘူးလို့ ခံစားနေရသည်။
"ကိုယ့်ကိုကြည့်.."
ချေမိုးက သူ့အနားကပ်လာပြီး စိတ်ဓာတ်ကျသလိုဖြစ်နေတဲ့ သူ့မျက်နှာကို မေးကနေသာသာလေးကိုင်ပြီး နှစ်သိမ့်စကားဆိုလာသည်။
"ကိုယ်တို့က ဘာအပြစ်မှ မလုပ်ထားဘူး။ ပြီးတော့ ကိုယ်တို့တွေကသာမာန်ပဲ။ အခြားသူတွေလိုမျိုးပဲ ချစ်တယ် ၊ ကြိုက်တယ်။ တစ်မူထူးခြားနေတာလည်းမဟုတ်သလို သူတစ်ပါးကိုလည်း ထိခိုက်အောင်လုပ်နေတာ မဟုတ်ဘူး။ ကိုယ့်ရဲ့ချစ်ခြင်းကို ကိုယ်ကိုယ်တိုင်က ယုံကြည်မှုရှိရမယ်။ လေးစားရမယ်။ ဒါမှလည်း တစ်ပါးသူက ကိုယ်တို့တွေကို လက်ခံလေးစားလာကြမှာပေါ့"
ချေမိုးပြောတဲ့ သူတစ်ပါးတွေလေးစားကြမယ်ဆိုတာက သူတို့ချစ်ခြင်းကို တမူထူးခြားတယ်လို့မမြင်ဘဲ ပုံမှန်အတိုင်း ပြောဆိုဆက်ဆံ လက်ခံပေါင်းသင်းပေးလာနိုင်မယ်လို့ ပြောချင်တဲ့သဘောဖြစ်တာကို သူနားလည်သည်။
"ငါသိပါပြီ။ ကြိုးစားနေတယ်"
"ကိုယ့်ရဲ့ချစ်သူလေးက လိမ္မာတယ်။ ကိုယ်ကဘေးနားကနေ အမြဲရှိပေးနေမှာမို့ မင်းလေးဘာမှစိတ်မပူနဲ့။ ဟုတ်ပြီလား"
YOU ARE READING
Rain💛Moon (Completed)
Romance"I LOVE YOU" If the eyes do not admire, the heart will not desire~💛 Rose Thornless_အဲ့ဒီပန်းလေးရဲ့အဓိပ္ပါယ်ကမြင်မြင်ချင်းအချစ်တဲ့။ (မင်းလေးရဲ့စာအုပ်ကြားမှာညှပ်ထားတဲ့ပန်းလေးတစ်ပွင့်ရဲ့အဓိပ္ပါယ်ကကိုယ့်ရဲ့အချစ်ကိုကိုယ်စားပြုတာပဲ)။ မြင်မြင်ချင်းအချစ်ကခ...
