နိယာမ၏ ပြင်ပ OTL (မြန်မာပြန်) [Complete]

EXTRA 1 - A Dream of 15 Years (Unicode)

Outside the Law Extra 1
A Dream of 15 years - ၁၅ နှစ်တာ အိပ်မက်တစ်ခု

အပိုင်း - ၁ ။

ချစ်စခင်စ ကြင်နာစ အခြေအနေသို့ တစ်ဖန်ပြန်လည်ရောက်ရှိလာသော ချစ်ရေးချစ်ရာ အကြောင်းကိုတော့ သူဌေးကြီး နှစ်ဦးက ကမ္ဘာကြီးကိုမပြောပြပေ။ ထိုအစား သူတို့နှစ်ယောက်လုံးက လက်စွပ်ကို တိတ်တဆိတ်ပြန်လည် ဝတ်ဆင်ခဲ့ကြပေသည်။

Jiang Qi (ကျန်းချီ) က Ruan Zheng (ရွမ်ကျန်း) အစား အားလုံးရှေ့တွင် ကိုယ်စားပြု လုပ်ကိုင်လေ့ရှိသောကြောင့် Ruan Zheng က လူများကိုတွေ့ရန်မလိုပေ။ ဒါပေမယ့် Luo Yu က လိုပေသည်။ လက်သူကြွယ်ပေါ်ရှိ လက်စွပ်သည် သိသာထင်ရှားစွာ ရုတ်တရက် ဝတ်ဆင် လာသောကြောင့် လူများ၏ မေးခွန်းများကို မလွဲမရှောင်သာ ရရှိခဲ့သည်။

သူက အခြားသူများအား ဘာအဖြေမှ မပြောခဲ့သော်လည်း ရက်အနည်းငယ် အကြာတွင် သူ၏မိခင် Yu Xinxin (ယွီရှင်းရှင်း) က သူမ၏ သူငယ်ချင်းများနှင့်တွေ့ဆုံရန် Ping မြို့သို့ ရောက်လာခဲ့သည်။ သူမက Luo Yu ၏ လက်စွပ်ကို တစ်ချက်တည်း ကြည့်လိုက်ရုံနှင့် သတိထားမိပေသည်။

Luo Yu က သူ၏အဖေကို သူနှင့် Ruan Zheng တို့အကြား ဆက်ဆံရေးကို လမ်းကြုံသလို တိုတိုတုတ်တုတ် ပြောပြခဲ့ဖူးသည်။ သူ့အဖေ၏ Luo Yu အပေါ် သဘောထားက အမြဲသူကြိုက်တာ သူ့ကို လုပ်ခွင့်ပေးထားခြင်း ဖြစ်သည်။ Luo Yu ၏ စီးပွားရေး အဆင်ပြေပြေလည်ပတ်နေသ၍ အဆင်ပြေကာ နောက်တော့ မှ တစ်နည်းနည်းနဲ့ ကလေး ယူဖို့ ပြောလိုက်မည်။ သူက အခြားအရာအားလုံးကို မေးရန် အလွန်ပျင်းပေသည်။

Luo Yu ရဲ့အမေက Luo Yu ရဲ့လက်ကို စက္ကန့်အနည်းငယ်ကြည့်လိုက်သည်။ Luo Yu ရှင်းပြရန် ပြင်လိုက်သော်လည်း သူ့အမေက မေးလိုက်သည်။

"မင်းနဲ့ Ruan Zheng က တကယ်လက်ထပ်တော့မှာလား။ ဘယ်တော့လက်ထပ်မှာလဲ။"

"အမေ က နာမည်ကိုတောင် သိနေပြီလား။"

Luo Yu က သူ့အမေကို ဒီလောက် နောက်ဆုံးရသတင်း တိတိကျကျ ရထားပြီးမှန်း မမျှော်လင့်ထားချေ။ သူက သူ့အဖေက ဒီလိုမျိုး သတင်းများအား တိတိကျကျ ပြန်ပြောပြလိမ့်မည်ဟု မထင်ထား သောကြောင့်ဖြစ်သည်။