" ဟန် .........."
" ရာမင်းဟန် ....."
" ရာမင်းဟန် ... အဲ့ခွေးသား .... "
အမြင်အာရုံတွေက လင်းလိုက်မှောင်လိုက်နဲ့ ၊ အသိက သတိရတစ်ချက် ၊ မရတစ်ချက်နှင့် ။ မျက်လုံးဖွင့်လိုက်တော့ မျက်နှာကြက်ဖြူဖြူကိုမြင်လိုက်ရတာကြောင့် ဒီနေရာကငရဲတော့မဟုတ်နိုင်လောက်ဘူးထင်ပါရဲ့ ။
" ခွန်းသရီ ........ သတိထားဦး ။ ဟေ့ကောင် သရီ .... "
သူ့နာမည်ကို တစ်ယောက်ယောက်ကခေါ်နေလို့ သရီအားတင်းပြီး မျက်လုံးကို ဖွင့်လိုက်သည် ။ မူးဝေနေသေးပေမယ့် အလင်းရောင်က နေ့ခင်းကဲ့သို့ လင်းလင်းထင်းထင်းပင် ။ သူမရင်းနှီးသည့်အခန်းတစ်ခုထဲတွင် ရောက်နေပြီး သူ့ကိုငုံ့ကြည့်ကာပြောလာသူက တံခွန်ပင်။
" ခွန်းသရီ ........ ဒီပုံစံအတိုင်းဆို မင်း ဟန်ရဲ့အချစ်ကိုမရသေးခင် နှလုံးရောဂါနဲ့အရင်သေမှာ "
ရာမင်းဟန် ။
သူ့ကိုသတ်ပြီးရင် သူ့နောက်ကိုလိုက်လာမယ်ပြောပြီး အခုတော့ သူ့ကိုလူလည်ကျသွားပြီထင်ပါရဲ့ ။ ဘာမှမရှိတဲ့နိဗ္ဗာန်မှာ အခုတော့သူနဲ့တံခွန် နှစ်ယောက်တည်း ။
" ဟိုကောင်ဘယ်မှာလဲ .... ငါ့ကိုသတ်ပြီး သူကျလိုက်မသေဘူးလား "
သူ အရင်ဆုံး ဟန်ကို မေးလိုက်မိသည် ။ တံခွန်ရှိလို့အဖော်ရှိတယ်ဆိုပေမယ့် တရားခံ ဟန်ကရှိမနေ၍ မတရားသလိုခံစားလိုက်ရသည် ။ ဖြစ်နိုင်တာက လူသတ်မှုနဲ့ ငရဲတံခါးဝရောက်နေတာများလား ။ တံခွန်က သူ့ကိုရယ်လျှက် ပုခုံးကိုညစ်ပြီး အားပေးသလိုပြောလာသည် ။
" မင်းရဲ့ အူတုန်အသဲတုန်လေးက ကျောင်းအုပ်ကြီးခေါ်လို့ အစောနလေးတင် ထွက်သွားတာ ။ သူက မင်းမူးလဲပြီး ဒီရောက်နေတုန်း မင်းကို စိတ်ပူနေရှာတာ ။ စိတ်မပူနဲ့ ဒီတစ်ခါ မင်းပင်ပန်းရကြိုးနပ်ပြီ ။ သူ မင်းကို လက်ခံတော့မှာပါ "
" ဟန်က ကျောင်းအုပ်ကြီးရုံးခန်းဘာသွားလုပ်တာလဲ ။ သူသွားရမှာ ငရဲလေ ။ ပြီးတော့ ဒါကဘယ်နေရာလဲ ၊ နတ်ပြည်တော့မဟုတ်ဘူးမလား ။ ငါတကယ်ကြီး သေသွားတာတော့မဟုတ်ပါဘူးနော် "
YOU ARE READING
ချစ်မိခဲ့တဲ့ ၉ နှစ်တာ
Romanceလူတော်တော်များများက အတိတ်ကိုပြန်ပြင်ချင်တဲ့ စိတ်ဆန္ဒရှိကြမယ်လို့ ကျွန်တော်ယုံတယ် ။ မတော်တဆ အဲ့ဒီအခွင့်အရေးက ကျွန်တော့်မှာသာ ရှိလာခဲ့ရင်တော့.... cover credit to the owners of the original drawings လူေတာ္ေတာ္မ်ားမ်ားက အတိတ္ကိုျပန္ျပင္ခ်င္တဲ့ စိတ္ဆႏၵရွ...
