ခရီးကနေပြန်လာပြီးကတည်းက ဟန်ကသူ့ကိုသိသိသာသာ တိုက်ခိုက်နေသည်ဟု သူခံစားနေရ၏ ။ သူနဲ့မျက်နှာချင်းဆိုင်နေတိုက်ခိုက်တာမျိုးမဟုတ်ဘဲ ရှင်းရခက်သည့်ပြသနာများကို သူ့ရုံးခန်းထဲသို့ တန်းတန်းမတ်မတ်ပို့ပေးတတ်သည်။ သူကတော့ ဟန်နဲ့လက်တွဲလုပ်ရတာကို သဘောကျပေမယ့် တခါတရံနားလည်ရခက်တဲ့ ဟန်ရဲ့လုပ်ရပ်တွေကိုတော့ လိုက်မမှီနိုင်ပေ ။
" ကိုကို ... နွယ်နဲ့အတူ နေ့လည်စာသွားစားရအောင်လေ "
သူ့ကိုတွေ့တာနဲ့ ချက်ချင်းကိုလက်ချိတ်ကာ ချွဲလာသောကလေးမလေးကို သရီကပြုံးပြလိုက်သည်။ ထို့နောက် ဓာတ်လှေကားကို အောက်ထပ်ဆင်းရမယ့်နံပါတ်နှိပ်လိုက်ပြီး သူမအားချော့မော့လိုက်သည်။
" ကုမ္ပဏီမှာ ဒီလိုမလုပ်ရဘူးလို့ ဘယ်နှခေါက်ပြောပြထားရမလဲ နွယ် ။ ကိုယ့်ထက် နွယ့်ကိုလူတွေက အတင်းပြောကြမှာ မကြောက်ဘူးလား "
" မကြောက်ပေါင်း ... နွယ်ကဘာကို ဂရုစိုက်နေရမှာလဲ ၊ သူတို့နဲ့ဆွေမျိုးတော်စပ်မှာလည်း မဟုတ်ဘဲနဲ့ "
သူမသည်သူ့လက်မောင်းကို တွဲခိုရင်းနှင့်ပင် လျှာလေးထုတ်ကာ ချစ်စဖွယ်ကောင်းအောင် ပြန်ပြောလာလေ၏ ။ သရီကလည်းပြောရဆိုရခက်သည့် ကလေးမလေးကို လက်လျော့ထားသဖြင့် သူ့အားတွယ်ခိုထားသောလက်ကို ပြန်မဖြုတ်ခဲ့ ။
ထိုအချိန် ဟန်ကသူတို့အနားရောက်ရှိလာပြီး သူတို့နှစ်ဦးကိုမျက်လုံးပြူးကာ ကြည့်လာသည်။ ကုမ္ပဏီမှာ ဘယ်လိုတွေတောင်ရဲတင်းနေရတာလဲ ။
" ဟိုကလေးမ ... "
ဟန်၏မာဆတ်ဆတ်အသံကြောင့် ရတနာနွယ်သည် သရီ၏လက်မောင်းကိုတွဲထားရင်းပင် ခေါင်းပြူကြည့်လာလေသည်။ သရီကလည်း ဟန်ကိုမြင်တော့ အနည်းငယ်ထိတ်လန့်သွားသည်။ ဟန်ကဘယ်လောက်ထိ သဝန်တိုတတ်ပြီး ဘယ်လောက်ထိ ဒေါသကြီးသလဲ သူအသိဆုံးမဟုတ်လား ။
" ဟိုကလေးမဆိုတာ ကျွန်မကိုပြောတာလား "
ရတနာနွယ်က သူမကိုယ်သူမ လက်ညိုးပြန်ထိုးရင်း ကြောင်တောင်တောင်နှင့် ကြည့်လာလေ၏ ။ ဟန်ကတော့ ဖုံးကွယ်၍မရနိုင်လောက်အောင် ကမ္ဘာပျက်နေသည်။
YOU ARE READING
ချစ်မိခဲ့တဲ့ ၉ နှစ်တာ
Romanceလူတော်တော်များများက အတိတ်ကိုပြန်ပြင်ချင်တဲ့ စိတ်ဆန္ဒရှိကြမယ်လို့ ကျွန်တော်ယုံတယ် ။ မတော်တဆ အဲ့ဒီအခွင့်အရေးက ကျွန်တော့်မှာသာ ရှိလာခဲ့ရင်တော့.... cover credit to the owners of the original drawings လူေတာ္ေတာ္မ်ားမ်ားက အတိတ္ကိုျပန္ျပင္ခ်င္တဲ့ စိတ္ဆႏၵရွ...
