သူ့မျက်စိရှေ့မှာ ပေစောင်းပေစောင်းနှင့်ရပ်နေသည့် မိန်းကလေးငယ်ကိုကြည့်ပြီး ဟန်သည်ထိုမိန်းကလေးကို ခေါ်ဝင်လာသည့် နေဒွန်းကိုသာ အံသြနေမိ၏ ။ ဒီကလေးမကို ဘာသဘောနဲ့များ သူ့မျက်စိရှေ့ပို့လိုက်ပါလိမ့် ။
" သူ့ကို အချိန်ပိုင်းလေးပဲ ဟန့်ဆီအပ်ပါရစေ ၊ အိမ်မှာအဖိုးလည်းမထိန်းနိုင်လို့ ကိုယ့်ဆီပို့လိုက်တာ ၊ ကိုယ့်စကားကျတော့လည်း သူကနားမထောင်ဘူး ။ ဒါကြောင့် သူကျောင်းမသွားမတက်ခင်အချိန်ခဏလေးပဲ ဟန်က သူ့ကိုအနားခေါ်ထားပြီး ဟန်လုပ်သမျှကို သူအတွေ့အကြုံရအောင် လိုက်ကြည့်ခိုင်းလို့ရမလား "
ဖယောင်းလမ်းခင်းထားတဲ့သူတွေအဖို့တော့ လွယ်လိုက်တာများ ၊ ကျောင်းတောင်မပြီးသေးဘူး လုပ်ငန်းခွင်ကိုသင်ယူဖို့ စကားလေးတစ်ခွန်းလောက်ပဲလိုပါလား ။
ဟန်က သူမကိုသေချာစေ့စေ့စပ်စပ်ကြည့်ပြီးနောက် နေဒွန်းကိုအားနာဟန်ဖြင့်ပြန်ကြည့်လိုက်သည် ။
" ဆောရီး ... ကျွန်တော်သူ့ကိုသင်ပေးဖို့ အချိန်ရှိမယ်မထင်ဘူး ၊ ကျွန်တော့်အနားနေရင် သူ့အချိန်တွေပုပ်သွားရုံရှိလိမ့်မယ် ။ အဲ့ဒီအစားဒီဇိုင်းဌာနက တခြားဒီဇိုင်းနာတွေရှိနေတာပဲ သူတို့နဲ့စကားပြောကြည့်ပေါ့ ။ သူတို့ကတော့လက်ခံမှာပါ ဥက္ကဌရဲ့မြေးပဲဟာ "
" ကိုယ်က မင်းကိုပိုယုံကြည်လို့ပါ "
နေဒွန်းက တောင်းတောင်းပန်ပန်ကြည့်နေသောအကြည့်နှင့် ပြောလာတော့ ဟန့်မှာဆက်ငြင်းဖို့ရာတောင် ခက်ခဲသွားသည် ။ နောက်ဆုံးမတတ်နိုင်စွာဖြင့် သက်ပြင်းတစ်ချက်ချလိုက်ပြီးနောက် သူ့ရဲ့မျက်ခုံးကိုပင့်တင်ကာ သူ့ရှေ့ကသိပ်ပြီးထောင့်မကျိုးလှတဲ့ မိန်းကလေးကို လက်ခံဖို့ရန်ဆုံးဖြတ်လိုက်သည် ။
" ကောင်းပြီ ... ဒါဆိုလည်း ကျွန်တော်နဲ့ထားခဲ့လိုက် ။ တစ်ခုတော့ရှိတယ် ကျွန်တော့်ရဲ့လက်အောက်မှာနေရင် ကျွန်တော့်စည်းကမ်းတွေကို လိုက်နာရမယ်ဆိုတာကိုတော့ သူသိတယ်မဟုတ်လား "
" သူသေချာပေါက် သိပါတယ် "
နေဒွန်းက သူမအစားဖြေပေးပြီးနောက် ထိုမိန်းကလေးကို အနည်းငယ်စကားပြောပြီး ဟန့်ကိုနူတ်ဆက်ကာ အခန်းထဲကထွက်သွားလေသည် ။ သူ့ရဲ့အကိုထွက်သွားတာတောင် လိုက်မထွက်သွားသည့်မိန်းကလေးကိုကြည့်ပြီး ဟန်က တစ်ချက်မော့ကြည့်ကာ မေးလိုက်သည် ။
أنت تقرأ
ချစ်မိခဲ့တဲ့ ၉ နှစ်တာ
عاطفيةလူတော်တော်များများက အတိတ်ကိုပြန်ပြင်ချင်တဲ့ စိတ်ဆန္ဒရှိကြမယ်လို့ ကျွန်တော်ယုံတယ် ။ မတော်တဆ အဲ့ဒီအခွင့်အရေးက ကျွန်တော့်မှာသာ ရှိလာခဲ့ရင်တော့.... cover credit to the owners of the original drawings လူေတာ္ေတာ္မ်ားမ်ားက အတိတ္ကိုျပန္ျပင္ခ်င္တဲ့ စိတ္ဆႏၵရွ...
