Record The Shot (SOON TO BE PUBLISHED UNDER IMMAC PPH)

Chapter 10

Chapter 10

Connected

-----

I asked Leale multiple times about Jason. Tinanong ko kung pa'no niya nakilala 'yon or kung sino 'yon. Although I already have some ideas about him, I still ask Leale to confirm them.

I think Jason was his teammate before. If not, then why did he tell Leale that he wants to play soccer with him again? He said again. So it means that they played together before. Base sa tingin at kilos ni Leale no'ng nakita namin si Jason, halatang may galit siya. Hindi siya gano'n kapag nag-seselos. He will purposely tell that I'm his girlfriend, and then mock the person whenever he's jealous. Galit lang talaga siya sa lalaki kaya gano'n ang reaksyon niya.

Tinanong ko rin sina Toshi at Eman tungkol kay Jason pero pinanlakihan lang ako ng mga mata nila bago umiling, ayaw din sabihin kung sino 'yon. Halos pilitin ko na rin si Leale na sabihin dahil lalo kong nagugustuhang malaman kung sino si Jason dahil sa mga reaksyon nila. I do respect the privacy, but the fact that they're talking about him without even hints to make me stay clueless makes me think that they're just waiting for Leale's approval.

Mortal enemy ba ni Leale 'yon? Kung oo, bakit ayaw niyang sabihin? Hindi 'yung iirap siya sa tuwing maririnig 'yung pangalan ng lalaki. Unfair naman no'n! Siya nga, kilala niya 'yung mortal enemy ko. Si Diana! Ex pa nga niya, e.

"What's your face, Maevhelle?" Amanda asked when she arrived at the canteen and caught me glaring out of nowhere.

"A beautiful face," I replied before rolling my eyes.

"Ano nga? May problema ka ba?" Tanong ni Neil habang nainom ng soda niya.

"Wala," umiling na lang ako bago tingnan silang dalawa. "Si Kheerah?"

"Umalis na. Sinundo ni Zion," sagot ni Neil bago umiling-iling. "Ang popogi ng mga lalaki no'n. Sana all,"

Umismid ako dahil sa sinabi niya habang humagalpak naman si Amanda. Kheerah and Austin broke up a year ago. Or months ago, I must correct. Simula nang mag-hiwalay sila ni Austin, palagi nang nakatulala si Kheerah. Bawal hawakan. Bawal kausapin. But Zion came. He was the one who fixed Kheerah's loosened ties. I  think they have a relationship or it's just my thoughts. I don't know. I'm not sure.

"May kakilala ba kayong Jason?" Tanong ko nang hindi na makayanan ang kuryusidad ko.

"Jason? Sinong Jason? Artista ba? Gwapo?" Sunod-sunod na tanong ni Neil habang nakakunot ang noo.

"Soccer player?" Hindi siguradong sagot ko. "Taga-Lee Academy. Schoolmate dati ni Leale,"

"Schoolmate pala ng jowa mo, e! Bakit ka sa 'min nagtatanong?" Umirap si Amanda.

"Gusto lang yatang iparating na single tayo, Amanda..." napailing si Neil.

"Bili na kasi! Seryoso na! Sino si Jason? Kilala niyo ba?" Pangungulit ko pa.

"Wala akong kilala na Jason, Maevhelle. Ikaw, Neil?" Bumaling si Amanda kay Neil.

"Meron yata. Kaklase ko no'ng grade 11," sagot ni Neil bago ako balingan. "Pero 'di ako sure kung pareho tayo ng kakilala kasi sabi nila nasa ibang bansa na raw 'yon ngayon,"

Bumagsak ang magkabilang balikat ko dahil sa mga narinig ko mula sa kanila. Mukhang hindi ko pa malalaman kung sino si Jason. Sige na nga. Suko na 'ko. Hindi ko na aalamanin.