١. آني اسمي مو منغوليّة، آني عندي اسم طبيعيّ مثل كلّ الناس صيحولي بي.
٢. حالتي طبيًّا اسمها "متلازمة داون"، اللي صار أنّهُ أثناء التلقيح بين بابا وماما صار انشطار معيّن أدّىٰ لطفرة يعني مو ذنبي آني.
٣. لساني حجمه كبير، لذلك أنجبر أطلعه خارج حلگي حتّىٰ أگدر أتنفّس.
٤. إدراكي أقلّ من عمري، يعني إذا عمري ١٥ مستوىٰ فهمي هو فهم الطفل اللي عمره ٧ سنين؛ لذلك طوّلوا بالكم عليّة دائمًا.
٥. آني أحبّ وأتعلّق وأفهم وأتعلّم وأزعل وأحسّ، من تگعدون يمّي سولفوا ويّاي وسألوني وناقشوني ببساطة قدر الإمكان، لا تحسّسوني بالشفقة.
٦. آني حلوة مثلكم، إذا تحبّوني شويّة أحبّكم هواية.
