إنتَ مولود بمستشفىٰ أهليّ، وآني بمستشفىٰ حكوميّ، وهسّة ماکو فرق اثنينّا عايشين..
إنتَ تدرس بمدرسة أهليّة، وآني حكوميّة، وماكو فرق اثنينّا خلّصنا نفس المرحلة..
يمكن إنت تگعد الصبح نايم علىٰ السرير، وآني بالگاع، بس إحنه الاثنين أخذنا راحتنا بالنوم..
إنت تاخذ ملابس ماركات من المول، وآني عادیّات من السوگ، بس اثنينّا مستورين..
إنت تاكل من المطاعم، وآني آكل اللي موجود بالبيت، واثنينّا شبعانين..ز
إنت من سيّارة لسيّارة، وآني أصعد "عبريّة"، واثنينّا نوصل للمكان اللي نريده..
احتمال إنت تقره المنشور من أحدث الموبايلات، وآني تليفوني شاشته مكسورة، بس اثنينّا جاي نقره نفس الرسالة.
الحياة مو منافسة، وأكو هواي طرق حتّىٰ نوصل للأهداف، والسعادة مو معناها يصير عندك كلّ شي، السعادة أنّهُ تكون مقتنع باللي موجود عندك وحامد ربّك وشاكره وتحسّ بعظيم نعمه عليك.
