[ Uni ]
" kyungsoo ရေ..အစ်မတို့တော့ပြန်ပြီ။ "
" ဟုတ်ကဲ့။ ကောင်းကောင်းပြန်ကြပါ။ "
ရုံးဆင်းချိန်ရောက်ပြီမို့ ပြန်ဖို့ရာ တက်ကြွနေကြသည့်ဝန်ထမ်းများ။ ကျွန်တော့်ကတော့ ထုံးစံအတိုင်း သခင့်အား စောင့်ပြီးမှပြန်ရတာကြောင့် အလုပ်မရှိတော့တောင်မှ သူ့မှာ ဒီရုံးခန်းထဲထိုင်စောင့်ရသည်။
" အင်း....ငြောင်းလိုက်တာ။ "
ထိုင်ရာမှထလို့ ရှိသမျှ အကြောတွေဖြေလျှော့လိုက်ပြီး အငြောင်းဆန့်လိုက်သည်။ အခုချိန်ဆို ကျွန်တော်တစ်ယောက်ထဲမလို့ တိတ်ဆိတ်နေတဲ့ ရုံးခန်းကြီးက အနည်းငယ်တော့ ခြောက်ခြားဖို့ကောင်းမိသည်။ ရုံးခန်းထဲ ဟိုကြည့်ဒီကြည့်နဲ့ စူးစမ်းနေမိသည်။ ဒီမှာ အလုပ်ဝင်တာ တစ်လကျော်နေပြီမို့လို့ အကုန်လုံးနဲ့တော့ နေသားကျနေပြီဖြစ်သည်။
" ဒါ စီနီယာ့ဟာများလား။ "
ကျွန်တော့်ဘေးက စီနီယာ jong in ရဲ့ ခုံအောက်မှာ ကျနေတဲ့ ဖောင်တိန်လေးကို ကောက်လိုက်သည်။ ဖောင်တိန်မှာ soo ဆိုပြီး ရွှေရောင်အကွပ်လေးနဲ့ စာလုံးဖော်ထားသည်။ သူ့နာမည်မှာလဲ soo ပါတာပဲ။ ဘယ်သူ့ဟာလဲ ကျွန်တော်မသိတာမို့ ဒီအတိုင်း စားပွဲပေါ်တွင်သာ တင်ထားလိုက်သည်။ နာရီကိုလှမ်းကြည့်တော့ သခင်ရုံးဆင်းချိန်က နောက်နာရီဝက်လောက် လိုသေးသည်။ ပျင်းလာတာနဲ့ ရုံးခန်းအပြင်သို့ ထွက်လာလိုက်သည်။
" စီနီယာက မပြန်သေးဘူးလား မသိဘူး "
ဓာတ်လှေကားရှိပါလျက် ရိုးရိုးလှေကားနဲ့ အောက်ဆင်းသည်လဲမဟုတ် အပေါ်သို့တက်သွားတဲ့ စီနီယာကြောင့် သူလိုက်ကြည့်မိသည်။ သူရောက်နေတဲ့နေရာက ကုမ္ပဏီရဲ့ ခေါင်မိုးထပ်တွင်။ အကြောင်းအကျိုးမရှိ သူပါ လိုက်လာမိလိုက်သည်။
ညနေခင်းဆည်းဆာအောက် စီနီယာ့ရဲ့ ကျောပြင်ကျယ်ဆီက ဝမ်းနည်းမှုကို သူပါခံစားမိသည်။ သွားရင် ကောင်းမလား။ အောက်ပြန်ဆင်းရင်ပဲ ကောင်းမလားနဲ့ ထိုနေရာတွင်သာ ဆယ့်ငါးမိနစ်လောက် ရပ်နေမိသည်။ ထိုဆယ့်ငါးမိနစ်အတွင်း စီနီယာသည်လဲ မလှုပ်မယှက်နဲ့သာ ရှိနေသည်။
YOU ARE READING
|| MASTER's || Z+U
Randomသခင် ထားရာနေ စေရာသွား အကျည်းတန်ကျွန်တော်သည် သခင့် ကြွေရုပ်လေးတော့ မဟုတ်ခဲ့ချေ..... ••• သခင္ ထားရာေန ေစရာသြား အက်ည္းတန္ကြၽန္ေတာ္သည္ သခင့္ ေႂကြ႐ုပ္ေလးေတာ့ မဟုတ္ခဲ့ေခ်..... start date - 24.8.2021 End date - ? chansoo 박찬열 × 도경수 #zawgyi+uni
