[ uni ]
" kyungsoo လေး။ ရုံးသွားဖို့ အကျႌမလဲရသေးဘူးလား။ ရှစ်နာရီပဲ ခွဲတော့မယ်။ "
နောက်ဆုံးလှေကားနှစ်ထစ်ကို ကျော်ဆင်းလိုက်ပြီး သူ့ကိုရပ်ကြည့်ရင်း မေးနေတဲ့ ဦးလေး Lee ဆီ သွားလိုက်သည်။ အရိုအသေပေးကာ ပြုံးပြတော့ ခေါင်းညိတ်ပြသည်။
" ဒီနေ့ ကျွန်တော်တို့ အလုပ်ကိစ္စနဲ့ ခရီးတစ်ခုသွားရမှာ။ လေယာဉ်ပေါ်မှာ ပေါ့ပေါ့ပါးပါး ဖြစ်အောင်လို့...ဟီး။ "
လက်နှစ်ဖက်ကို ကားလို့ ခန္ဓာကိုယ်ကို တစ်ပတ်လှည့်ပြလိုက်ရင်း သွားဖြီးပြလိုက်သည်။ ဦးလေး lee ကတော့ ပြုံးပြီးတော့သာ ကြည့်နေသည်။ ထို့နောက် ဦးလေး lee ရဲ့ မျက်ဆံတို့က ကျွန်တော့်ကိုကျော်လို့ နောက်ကျောဖက်ကို လှမ်းကြည့်သည်။
" yeol လေး။ "
ဘေးနားရောက်လာတဲ့ ရနံ့ခပ်သင်းသင်းကြောင့် သခင်သည် ရေမွှေးတစ်မျိုး ဆွတ်ထားပုံရသည်။ လှည့်ကြည့်မိတော့ ဘေးယှဉ်ရပ်နေတာကြောင့် သခင့် လည်တိုင်ပေါ် ခ,စားလျှက်ရှိသော မှဲ့နက်လေးတစ်လုံးကြောင့် အသက်ရှူအောင့်ထားမိသည်အထိ။ မော့ကြည့်လိုက်တော့ အရင်ဆုံးမြင်မိတာ တွန့်ချိုးထားသည့် မျက်ခုံးတစ်စုံ။
" ဒါကဘာလဲ။ "
ကျွန်တော် လွယ်ထားတဲ့ ကျောပိုးအိတ်ကို အနောက်မှကိုင်ဆွဲမြှောက်ရင်း မေးသည်။
" ရေဘူးနဲ့ လိုတာလေး....."
" ကလေးကလားနဲ့။ ကစားကွင်း သွားမှာကျနေတာပဲ။ "
သူပဲမေးပြီး အဖြေတောင်ပြီးအောင် မစောင့်ပဲ အိမ်ရှေ့ကြိုရပ်ထားတဲ့ ကားနားသို့ လျှောက်သွားသည်။ လေသံလေးနဲ့ ပြောသွားသည်တို့ကိုတော့ သူဝါးတားတားသာ။ တကယ်ပါလေ။ ဒီသခင်နဲ့တော့။
နောက်ကျောမှ မြင်နေရသည့် သခင့်ပုံရိပ်က ခဲရောင်အနောက်တိုင်းဝတ်စုံလေးဖြင့်။
"မပူဘူးလား မသိဘူး။ လွတ်လွတ်လပ်လပ် ဝတ်လာတော့ သူ့ကို ဘယ်သူက ဘာပြောမှာကျနေ။ "
" လာလေ။ လေယာဉ်မမှီရင် မင်းကိုယ်တိုင် အတောင်ပံခတ်ပြီး ပျံမလို့လား။ "
YOU ARE READING
|| MASTER's || Z+U
Randomသခင် ထားရာနေ စေရာသွား အကျည်းတန်ကျွန်တော်သည် သခင့် ကြွေရုပ်လေးတော့ မဟုတ်ခဲ့ချေ..... ••• သခင္ ထားရာေန ေစရာသြား အက်ည္းတန္ကြၽန္ေတာ္သည္ သခင့္ ေႂကြ႐ုပ္ေလးေတာ့ မဟုတ္ခဲ့ေခ်..... start date - 24.8.2021 End date - ? chansoo 박찬열 × 도경수 #zawgyi+uni
