[ Uni ]
" စီနီယာကလည်း။ နောက်ဆုံးတစ်ခေါက်ပဲလေနော်။ ဒီတစ်ခုလေး ဆော့ပြီးရင် ပြန်မယ်နော် .. နော်။ "
" Kyungsoo ရလို့လား။ "
Kyungsoo ရဲ့ အနည်းငယ် နီနေတဲ့ နှာဖျားလေးကို ကြည့်ပြီး မေးတော့ ပြုံးပြီး ခေါင်းတစ်ဆဆတ်ဆတ် ငြိမ့်ပြသည်။ ဖြစ်ပုံကတော့ ညဈေးတန်း လည်ကြမလားလို့ မေးထားတာမို့ Kyungsoo က သွားချင်ပါသည်တဲ့လေ။ နောက်ပြီး ညခင်းက ရုံးခွဲမှာ ပြောပုံအရ CEO နဲ့ Kyungsoo တစ်ခုခု ဖြစ်ထားပုံရသည်။ တစ်အိမ်ထဲ အတူတူနေကြတာဆိုတော့လည်းလေ။ Kyungsoo က မသောက်နိုင်မှန်းသိသာသည်။ ဆိုဂျူ တစ်ပုလင်းခွဲလောက်ပဲ သောက်ပြီး ယိုင်နေသည်။
" ဟင့် .. အရုပ်ကို ဘယ်လိုချိတ်ထားမှန်းမသိဘူး။ ဒီလောက်ပစ်နေတာကို မရလာဘူး! "
အရုပ်ပစ်တာ မရလို့ ငိုမဲ့မဲ့ဖြစ်နေတဲ့ ဂယောင်ဆူးကို အသာဆွဲခေါ်ကာ ညဈေးတန်းမှ လွှတ်သည့်နေရာသို့ ထွက်လာခဲ့လိုက်သည်။ တစ်လမ်းလုံးလည်း ပွတ်ကျွတ် ပွတ်ကျွတ်နဲ့ ဘာတွေ ပြောမှန်းမသိ။
" Wu Jong In ! "
ရုတ်တရက် သွားနေရာမှ ရပ်လိုက်ပြီး သူ့နာမည်ကို အလန့်တကြားထအော်သည်။
" ခင်ဗျာ "
" ခ်ခ်! "
သူထူးတော့ အမူးသမားလေးက ရီနေသည်။ လမ်းမကြီးပေါ်က ပလက်ဖောင်းက ကျယ်လို့မှ တော်တော့သည်။ အမူးသမားလေးက ဟိုထိုးဒီထိုးလျှောက်နေတာမို့ လိုက်ဆွဲရသေးသည်။
" သခင်ကလေ ကျွန်တော့်ကို သိပ်မုန်းနေတဲ့ပုံပဲ။ "
ဆိုဂျူအရှိန်နဲ့ မျက်စိခပ်မှေးမှေးဖြစ်နေတဲ့ Kyungsoo က နှုတ်ခမ်းလေးစူပြီး ပြောလာသည်။ သူ့ဘက်ကိုလည်း ပိုတိုးလာသေးသည်။ ဒီကလေးနဲ့တော့။ တစ်ခုခုလုပ်ပစ်မိတော့မယ်။
" ဘယ်သူလဲ Kyungsoo ရဲ့။ Kyungsoo က ဒီလောက် ချစ်ဖို့ကောင်းတာ။ "
" CEO ပေါ့ Park Chanyeol ဆိုတဲ့ လူကြီးလေ! "
" ဟာ .. Kyungsoo ! "
YOU ARE READING
|| MASTER's || Z+U
Randomသခင် ထားရာနေ စေရာသွား အကျည်းတန်ကျွန်တော်သည် သခင့် ကြွေရုပ်လေးတော့ မဟုတ်ခဲ့ချေ..... ••• သခင္ ထားရာေန ေစရာသြား အက်ည္းတန္ကြၽန္ေတာ္သည္ သခင့္ ေႂကြ႐ုပ္ေလးေတာ့ မဟုတ္ခဲ့ေခ်..... start date - 24.8.2021 End date - ? chansoo 박찬열 × 도경수 #zawgyi+uni
