ဧရာဝတီမြစ်ကမ်းနံဘေးတွင်သာတည်ရှိနေသောအောက်စုဆိုသည့် ရွာကလေးအားရောက်လာခဲ့တော့သည်။
"ထွန်းသာရေကြီးမြတို့ကိုဒီအထုတ်တွေလိုက်ပို့ပေးစမ်းပါအုံးကွယ်"
"ဪ ဟုတ်ကြီးမြ ကြီးမြအိမ်ကိုပဲပို့ပေးရမလား "
"အေအေ"
ရွာမလာခင် ကြီးမြနှင့်ခင်ခင် နန်းယဥ်ခမ်းအားရွာလူကြီးအိမ်တွင်ထားရန်တိုင်ပင်ထားခဲ့ကြသည်။သို့သော်လည်း နန်းယဥ်ခမ်းကြီးမြအိမ်တွင်သာလိုက်နေချင်ကြောင်း။ခင်ခင်နဲ့အတူတူသုံးယောက်အေးဆေးနေချင်ကြောင်းပြော၏။
"ခင်ခင် မမလေးနန်းကိုဂရုစိုက်သေချာခေါ်ခဲ့ကြီးမြထွန်းသာနဲ့ရှေ့ကသွားနှင့်မယ်"
"ဟုတ်ကြီးမြ"
တောသူအရိုးခံပြီးပြီး ကြီးမြသည်လမ်းလျှောက်သိပ်မြန်၏။နန်းယဥ်ခမ်းသည်ကား ကြီးမြတို့လို ထဘီကိုမကာ လွှားခနဲလျှောက်တတ်သောမိန်းမ မဟုတ်ပေ။
"ရလားနန်းသတိထားလျှောက်နော် မြေလမ်းတွေဆိုတော့ ခြေထောက်ခေါက်လဲမယ်"
"ရပါတယ်မမခင်"
ခင်ခင်အလိုက်သိပ်သိတတ်သည်။နန်းယဥ်ခမ်းမိမိရွာသို့လိုက်လျှင် လမ်းလျှောက်ရမည်ကိုသိပြီး အညာနေပူထဲ နန်းယဥ်ခမ်းချွေးလေးများစိုစိုရွဲထွက်လာမည်ကို ခင်ခင်စိုး၏။နန်းယဥ်ခမ်းသုံးနေကျ မိုးပြာရောင်ပုသိမ်ထီးကလေးတစ်ချောင်းအား စံအိမ်ကြီးမှခင်ခင်ယူလာခဲ့သည်။သူမထီးအားဖွင့်ကာ နန်းယဥ်ခမ်းအားထီးမိုးပေးလိုက်သော်
"ဟင် မမခင်ကထီးယူလာတာလား"
"အင်း နန်းနေပူနေမှာစိုးလို့လေ"
"မမခင်ကတော့နန်းကိုခုလိုဂရုစိုက်ပေးတော့နန်းသိပ်ပျော်တာပဲ"
ပြောရင်း နန်းယဥ်ခမ်း ခင်ခင်လက်ထဲရှိပုသိမ်ထီးအားယူကာ
"မမခင်ကိုနန်းပြောထားတယ်လေ နန်းနဲ့မမခင်တို့နှစ်ယောက်ထဲရှိရင် နန်းကိုသခင်မတစ်ယောက်အနေနဲ့မဆက်ဆံပါနဲ့လို့နော်"
ခင်ခင်ခပ်ပါးပါးလေးပြုံးလိုက်ပြီး
"အင်းပါ မမခင်သိပါတယ်ကယ်ဒါဆိုလည်းလာ"
YOU ARE READING
နန်းယဥ်ခမ်းကိုချစ်သနားလှည့်ပါ(Completed)(Uni+ZG)
Romanceနန်းကိုဆိုလူတွေကသိပ်မုန်းကြတယ်နန်းယဥ်ခမ်းကသိပ်အတ္တကြီးတဲ့မိန်းမတဲ့မမခင်ရောအဲ့လိုထင်လား မမခင်ကသခင်မလေးရဲ့ကျွန်ပါကြောက်ကြောက်မကြောက်ကြောက်ချစ်ချစ်မချစ်ချစ်ကျွန်ဆိုတာသခင်အနားသေသည်အထိနေရမှာပါ ဤဇာတ်လမ်းတွင်းအမည်နာမများနှင့်ဇာတ်လမ်းသည်စိတ်ကူးယဥ်သက်သက်မျှသ...
