နန်းယဥ်ခမ်းနှင့်ခင်ခင်တို့နှစ်ဦးဆိုင်တွင်လိုအပ်သည်များပြင်ဆင်ပြီးသော ရွှေတိဂုံစေတီကြီးအားသွားရောက်ဖူးမျှော်ကြသည်။
"နန်းတို့နဲ့တူတူဘုရားလိုက်ဖူးပါလား ကိုထွန်းမော်"
"ဟို ကျွန်တော်မမလေးနန်းတို့နှစ်ယောက်ရဲ့နောက်ကပဲလိုက်စောင့်ရှောက်ပေးပါ့မယ်ဗျ"
"ဪ သဘောပါရှင်"
နန်းယဥ်ခမ်း ကိုထွန်းမော်အား မိမိအခကြေးငွေပေးခိုင်းရသေယအလုပ်သမားတစ်ယောက်ကဲ့သို့မဆက်ဆံ။ကိုထွန်းမော်သည်လည်း မိမိအပေါ်ကောင်းသော နန်းယဥ်ခမ်း၏ဆက်ဆံပေးမှုအားစောဒဂမတက်။
"အရှေ့ဘက်မုဒ်ကပဲတက်ကြမယ်လေမမခင်"
"ဟုတ် နန်း"
ကျယ်ပြန့်လှသော ရွှေတိဂုံဘုရားကြီး၏ရင်ပြင့ပေါ်တွင် စေတီများတွင်ချိတ်ဆွဲထားသော ဆည်းလည်းသံကလေးများမှာ သာယာညိမ့်ညောင်းလှသည်။ဘုရားကြီးအားဖူးမျှော်ပြီးသော နန်းယဥ်ခမ်းနှင့်ခင်ခင်တို့အရိပ်ကောင်းကောင်းရသော နေရာတစ်ခုတွင်ထိုင်ကြ၏။
"စိတ်ထဲမှာအေးချမ်းလိုက်တာမမခင်ရယ်"
"လောကမှာအေးချမ်းဆုံးကမိဘရင်ခွင်နဲ့ဘုရားရိပ်တရားရိပ်တဲ့နန်းရဲ့"
"ခုလိုအေးချမ်းတဲ့ဘုရားရင်ပြင်တော်ပေါ်မှာမမခင်နဲ့တူတူရှိရလို့ နန်းကပိုပြီးစိတ်အေးချမ်းတယ်"
နန်းယဥ်ခမ်းနှင့်ခင်ခင်တို့အနားသို့ တက္ကသိုလ်ကျောင်းနေအရွယ်မိန်းမလေးသုံးဦးလမ်းဖြတ်လျှောက်လာရင်း
"ဟိုမှာထိုင်နေတာမျက်နှာဖြူတွေရဲ့ကျွန်အရေးပိုင်မင်းရဲ့မိန်းမမှတ်လား"
"ဟုတ်တယ်ဟေ့ဟုတ်တယ်"
"အသားထဲကလောက်ထွက်ဆိုတာဒါမျိူးနေမှာပေါ့ "
ထိုမိန်းမလေးသုံးဦး၏စကားသားများအား ခင်ခင်ပြတ်ပြတ်သားသားကြရသည်။သူမ အခြားသူများ နန်းယဥ်ခမ်းအားပြောဆိုသည်ကိုမကြိုက်။ထိုင်နေရာမှချက်ချင်းထလိုက်သည်မှာ နန်းယဥ်ခမ်းပင်တား၍မမှီ
"ဒီကညီမတို့ကအရေးပိုင်မင်းဂျော်နသန်ရဲ့ဇနီးအကြောင်းကိုဘာသိလို့ခုလိုပါးစပ်ဖွာနေတာလဲ"
YOU ARE READING
နန်းယဥ်ခမ်းကိုချစ်သနားလှည့်ပါ(Completed)(Uni+ZG)
Romanceနန်းကိုဆိုလူတွေကသိပ်မုန်းကြတယ်နန်းယဥ်ခမ်းကသိပ်အတ္တကြီးတဲ့မိန်းမတဲ့မမခင်ရောအဲ့လိုထင်လား မမခင်ကသခင်မလေးရဲ့ကျွန်ပါကြောက်ကြောက်မကြောက်ကြောက်ချစ်ချစ်မချစ်ချစ်ကျွန်ဆိုတာသခင်အနားသေသည်အထိနေရမှာပါ ဤဇာတ်လမ်းတွင်းအမည်နာမများနှင့်ဇာတ်လမ်းသည်စိတ်ကူးယဥ်သက်သက်မျှသ...
