ယနေ့ ဂျော်နသန်မိုးချုပ်မှအိမ်ပြန်လာပြီး ရိုစီအားအိမ်သို့ခေါ်လာ၏။
"ရိုစီဒီမှာခဏထိုင်နေအုံး"
ရိုစီအား အိမ်ရှေ့ခန်းကုလားထိုင်ပေါ်တွင်ထားခဲ့ပြီး အပေါထပ်သို့တက်သွားလိုက်၏။
"ဟန်နီ အိပ်နေပြီလား"
"မအိပ်သေးပါဘူးကိုဂျော်နသန် ဘာလဲ ကိုဂျော်နသန်ရဲ့ အငယ်လေးကို ဒီအခန်းထဲခေါ်လာအုံးမလို့လား"
"လျှောက်မပြောနဲ့ ဟန်နီ ကိုယ့်ကားပျက်သွားလို့"
"ကားပျက်သွားလို့အိမ်ခေါ်လာတာပေါ့"
"မိန်းမလေးတစ်ယောက်ထဲပြန်လွှတ်ဖို့မသင့်တော်လို့ပါ"
"ဪ ကိုဂျော်နသန်က ခုမိန်းမလေးတွေဘက်ကိုပါတွေးပေးတတ်နေပြီပေါ့ ကောင်းပါတယ်ရှင်"
"ရိုစီကိုဒီည ဧည့်သည်တွေအခန်းထဲအိပ်ခိုင်းလိုက်မယ်"
"ကိုဂျော်နသန် သဘောပါရှီလာကနန်းယဥ်ခမ်းရဲ့စံအိမ်မှ မဟုတ်တာ ကိုဂျော်နသန်လည်း သူနဲ့သွားအိပ်ချင်ရင်သွားအိပ်လို့ရပါတယ်နော် "
"အပိုတွေမပြောနဲ့ ဟန်နီ ကိုယ်စိတ်မတိုချင်ဘူး"
"နန်းအိပ်တော့မယ် သွားအိပ်ချင်ရင်သွားအိပ်နော်ကိုဂျော်နသန် "
ဂျော်နသန် နန်းယဥ်ခမ်းအား ဒေါသများထွက်နေသောလည်း မိမိဘက်မှမှားထားသောကိစ္စဖြစ်သည့်အတွက် ဘာတစ်ခုမှလုပ်နိုင်စွမ်းမရှိပေ။
မနက်အာရုံတက်ချိန် ကြီးမြတစ်ယောက်ထုံးစံအတိုင်း မီးဖိုချောင်ထဲ အလုပ်ရူပ်နေပြီ။ခဏအကြာ ခင်ခင်ပါနိုးလာ၏။တူကြီးနှစ်ယောက် စကားအနည်းငယ်ပြောပြီးသော စျေးသွားကြသည်။
"ထွေးမာ ဆောင်းရာသီရောက်လာပြီမို့လို့နေမှာ ညကအိပ်ကောင်းလိုက်တာ"
"ဟုတ်တယ်မမဌေး ညအရမ်းအိပ်ကောင်းတာပဲ ရာသီဥတုကအရမ်းလည်းမအေးဘူး အရမ်းလည်းမပူဘူး"
အိမ်သန့်ရှင်းရေးလုပ်နေကြသော ထွေးမာနှင့်ဌေးဌေးအရှေ့သို့ ရိုစီရောက်လာ၏။
"ဟယ် သူကဘယ်လိုလုပ်ပြီ"
"အရေးပိုင်မင်းခေါ်လာတာနေမှာပေါ့"
VOCÊ ESTÁ LENDO
နန်းယဥ်ခမ်းကိုချစ်သနားလှည့်ပါ(Completed)(Uni+ZG)
Romanceနန်းကိုဆိုလူတွေကသိပ်မုန်းကြတယ်နန်းယဥ်ခမ်းကသိပ်အတ္တကြီးတဲ့မိန်းမတဲ့မမခင်ရောအဲ့လိုထင်လား မမခင်ကသခင်မလေးရဲ့ကျွန်ပါကြောက်ကြောက်မကြောက်ကြောက်ချစ်ချစ်မချစ်ချစ်ကျွန်ဆိုတာသခင်အနားသေသည်အထိနေရမှာပါ ဤဇာတ်လမ်းတွင်းအမည်နာမများနှင့်ဇာတ်လမ်းသည်စိတ်ကူးယဥ်သက်သက်မျှသ...
