သင်္ကြန်အကြိုနေ့ပင်။အတာအိုးများအိမ်ကိုယ်စီထိုးထားကြသည်မှာတော့ သိကြားမင်းအားကြိုဆိုကြသောဓလေ့ထုံးစံတစ်ခု။
"အမယ်လေးအေးလိုက်တာ"
"မင်္ဂလာနှစ်သစ်မှာ မမခင်ကိုဦးဦးဖျားဖျား ရွှင်လန်းချမ်းမြေ့အောင်သင်္ကြန်ရေနဲ့ပတ်ဖြန်းလိုက်တာ"
နန်းယဥ်ခမ်း မမခင်အားမနက်စောစောပခုံးပေါ်မှရေအေးအေးတစ်ခွက်လောင်းချလိုက်သည်။
"မမခင်ကိုနန်းကအစောကြီးရေလောင်းတယ်ပေါ့လေ။ဟုတ်ပြီဒါဆိုလည်း မမခင်ကလည်းပြန်လောင်းရမှာပေါ့"
ထွေးမာနှင့်ဌေးဌေးတို့နှစ်ဦးမှာတော့ အိမ်ရှေ့တွင်ကလေးတစ်သိုက်နှင့်ရေကစားကြရန် ရေခွက်များဆွဲကိုင်လျက်ပင်။
"မမလေးနန်း ထွေးမာတို့ကလေးတွေနဲ့ရေသွားကစားလိုက်အုံးမယ်နော်"
"အေးအေး"
ရွာသင်္ကြန်ရယ်မို့ မြို့ပြကြီးလိုတော့ဆူဆူညံညံသံရယ်သိပ်မရှိလှ။အုန်းလက်များနှင့်ပြုလုပ်ထားသော ရေကစားမဏ္ဍပ်လေးများတော့ အစီအရီနှင့်ရှိ၏။
"မမခင် အဝတ်လဲပြီးပြီလား"
"ပြီးပြီ နန်းရော"
"နန်းကပြီးတာကြာပေါ့...ကိုဘသောင်းရေနန်းနဲ့မမခင်ဘုန်းကြီးကျောင်းသွားလိုက်အုံးမယ်။ကလေးတွေနောက်တစ်ချက်လောက်လိုက်ကြည့်လိုက်ပါအုံး"
"ဟုတ် မမလေးနန်း"
နွားလှည်းမယူဘဲ မမခင်လက်အားတွဲကာ နန်းယဥ်ခမ်းဘုန်းကြီးကျောင်းဆီသို့လျှောက်လာခဲ့တော့သည်။
"နန်းသတိထားလျှောက်နော် "
"ဟုတ်ကဲ့ပါမမခင်"
ရေကစားနေကြသောကလေးငယ်များမှာလည်း ဘုန်းကြီးကျောင်းသွားကြမည့် ဥပုသ်သည်များလာလျှင် ရေကစားခြင်းအားရပ်ပေးတတ်ကြသည်မှာ ချစ်စရာယဥ်ကျေးမှုတစ်ခုပင်။
"ဟာ ကြီးခင်တို့တောင်ရောက်လာပြီလား"
"အင်းတူမကြီး"
"တရားမနာခင်ရေနွေးကြမ်းနဲ့မုန့်လေးစားပါအုံး ကြီးနန်း"
"ကျေးဇူးပါကွယ်"
YOU ARE READING
နန်းယဥ်ခမ်းကိုချစ်သနားလှည့်ပါ(Completed)(Uni+ZG)
Romanceနန်းကိုဆိုလူတွေကသိပ်မုန်းကြတယ်နန်းယဥ်ခမ်းကသိပ်အတ္တကြီးတဲ့မိန်းမတဲ့မမခင်ရောအဲ့လိုထင်လား မမခင်ကသခင်မလေးရဲ့ကျွန်ပါကြောက်ကြောက်မကြောက်ကြောက်ချစ်ချစ်မချစ်ချစ်ကျွန်ဆိုတာသခင်အနားသေသည်အထိနေရမှာပါ ဤဇာတ်လမ်းတွင်းအမည်နာမများနှင့်ဇာတ်လမ်းသည်စိတ်ကူးယဥ်သက်သက်မျှသ...
