နေရောင်လရောင်ကုမ္ပဏီ၏ စီအီးအိုရုံးခန်းတွင် ပျော်
ရွှင်မြူးထူးနေသော အသံများဖြင့် ပြည့်နှက်နေသည်။အကြောင်းမှာ စီအီးအို၏ ချစ်သူဝန်ထမ်းကလေးအား မခွဲနိုင်မခွာရက် တစ်ချိန်လုံးခေါ်ထား၍ ဖြစ်သည်။
အတွင်းရေးမှူးဖြစ်သူ ညီစေမင်းမှာ မရယ်ချင်သော်
လည်းအကြောင်းမဲ့ ဝင်ရယ်နေရသည်။ချစ်သူနှစ်ဦး၏ ကြည်နူးပျော်ရွှင်မှုကို မြင်ရသည့်အခါ သူ၏စိတ်ပင် လွတ်လပ်ပေါ့ပါးမှုကို ခံစားလာရသည်။
နေမင်းကိုကိုနှင့်လမင်းကိုကိုသည် အလုပ်လုပ်လိုက် ၊ အစား စားလိုက် ၊ စကားပြောလိုက်ဖြင့်ရှိနေကြသည်။
"ဟဲလို...ကျွန်တော်လာပါပြီ။"
အခန်းထဲသို့ဇွတ်ခနဲ ရောက်ချလာသော လမင်းညီညီ
သည်တစ်ခုခုကို တွေ့ရှိလိုက်သည့်အလား ပျော်သွားသည်။
"လမင်း ညီလေး ထူးထူးခြားခြား ကိုကို့ ရုံးခန်းကိုလာလို့ပါလား။"
"အိုး ဟိုး ထူးခြားလို့လားကိုကိုရဲ့။တချို့တွေဆို ဘယ်အချိန်တည်းက ရောက်နေမှန်းမသိရပါလား။"
"ကိုညီညီ ကျွန်တော့်ကိုပြောတာလား။ရောက်တာကြာပေါ့။ကြာပြီ ကြာပြီ။"
အမြင်ကတ်သည့်ဟန်ဖြင့် ပြန်ပြောနေသော လမင်းကိုကို ကြည့်ပြီး နေမင်းကိုကိုနှင့်လမင်းညီညီ မှာ ဟားခနဲရယ်မိကြသည်။
"ဟ အစွာလေးပါလား။ဒါကြောင့်လည်း ကျွန်တော့်ကိုကို အသည်းစွဲဖြစ်သွားပုံရတယ်။"
လမင်းကိုကိုသည် လမင်းညီညီကို မျက်စောင်းထိုးလိုက်သည်။ပြီးနောက် နေမင်းကိုကို၏ဘေးတွင် ကပ်ထိုင်လိုက်သည်။
"ညီညီ ဘာကိစ္စရှိလို့လဲ။"
"ရှိဆို ကိုကိုရယ်။လူတစ်ယောက်က ကျွန်တော့်ကို
ရှောင်နေတာ အခု အဲ့လူကို လိုက်ဖမ်းမလို့လေ။"
"ဟေ ဘယ်လိုဖြစ်လို့လဲကွ။"
အံ့အားသင့်ဟန်ဖြင့် ပြန်မေးလိုက်သည့် နေမင်းကိုကိုသည် လုပ်လက်စ အလုပ်ကိုရပ်ထားလိုက်ရသည်။
"လူတစ်ယောက်ကို အသည်းအသန်ကြွေလို့ အပိုင်သိမ်းလိုက်တာ။အဲဒါ သူကရှက်ပြီး ရှောင်နေတာ ကိုကိုရေ။"
"ညီညီပြောတာ ကိုကိုတော့ နားကိုမလည်ဘူးကွာ။"
နေမင်းကိုကိုသည် စိတ်ရှုပ်သည့်အသံဖြင့် သူ၏ညီကိုပြောနေသည်။သူသည် ပဟေဠိ ဆန်ဆန်ပြောလျှင် သိပ်မကြိုက်ပေ။
"ဘယ်နားလည်မလဲ ကိုကိုရ ၊ ကိုကိုတို့က အခုမှ မူကြိုကျောင်းသားအဆင့်ပဲရှိသေးတာကိုး။ညီညီက တက္ကသိုလ်ကျောင်းသားကြီးဖြစ်နေပြီ။မကြာခင် ဘွဲ့ရတော့မှာလေ။ချက်ချင်းနော်။"
"ညီညီပြောတာ ဘာကိုလဲ မူကြိုတွေရော ကျောင်းတွေရော။"
"ကိုညီညီ ရှာမယ်ဆိုလည်း အဲ့လူကို မြန်မြန်သွားရှာတော့လေ။"
"အိုဟိုး..ကိုကိုကတောင်သဘောမပေါက်ဘူး။ကိုကို့ကလေးလေးသိနေပြီ။"
အခန်းထဲတွင် တဟားဟားအော်ရယ်နေသော ညီဖြစ်သူကို ဘယ်လိုလုပ်ရမလဲဟု နေမင်းကိုကိုစဥ်းစားနေသည်။လမင်းကိုကိုမှာ မျက်နှာနီလျက် မျက်စောင်းလှမ်းထိုးနေသည်။အတွင်းရေးမှူးညီစေမင်းမှာ ခေါင်းကြီးငုံ့လျက် စာရွက်များအထပ်လိုက်စီနေသည်။
ညီစေမင်းသည် လမင်းညီညီ စရောက်ချိန်ပင် ခေါင်းမဖော်နိုင်ဘဲ အလုပ်ကို တောက်လျှောက်လုပ်နေသည်။
"ကိုကို"
စကားလှမ်းပြောသော ညီဖြစ်သူကို ဘာလဲဟု မေးထိုးလိုက်သည်။
"ကိုကို ဒယ်ဒီတို့ကို ပြောတဲ့စကားမျိုး ကျွန်တော်အခုပြောမလို့။"
"ဘာစကားလဲ။ညီညီ။"
"ညီညီ့အနားမှာ ကိုညီစေမင်းကို ခေါ်ထားချင်တယ်။
တစ်ဘဝလုံးစာအတွက် အနားမှာထားချင်တယ်။"
♡♡♡♡♡♡♡♡♡♡♡♡♡♡♡♡♡♡
YOU ARE READING
ကိုယ့်ရဲ့အရာရာ
Ficción Generalမင်းအရှုံးပေးတော့မလို့လား...အချစ်ကိုအချစ်လို့ပဲမြင်လိုက်ကြရအောင်...မင်းမရှိရင်ငါမနေတတ်တော့ဘူး...ငါ့ကိုမထားခဲ့ပါနဲ့...မင်းကြောက်ရင်ငါ့လက်ကိုတွဲထား ..လကလေး ကိုကို့ဆီလာခဲ့ပါ... နေမင်းက...
