ကိုယ့်ရဲ့အရာရာ

Episode (14)

နေ​ရောင်လ​ရောင်ကုမ္ပဏီ၏   ဥက္ကဠကြီး ဝင်လာသည့်အခါ  ဝန်ထမ်းအများအပြားမှ  ရို​သေမှုဖြင့်ဦးညွှတ်ကြသည်။ယ​နေ့  အမှု​ဆောင်ဒါရိုက်တာများအစည်းအ​ဝေးရှိ၍ ဥက္ကဠကြီးကို ​တွေ့ရခြင်းဖြစ်သည်။

တစ်လတစ်ခါ   ပြုလုပ်​သော   ထိုအစည်းအ​ဝေးတွင် လုပ်ငန်းတိုးချဲ့မည့်  အစီအစဥ်များ တင်ပြ၍ အဖွဲ့ဝင်များ သ​ဘောတူလျှင် ဆက်လက်လုပ်​ဆောင်​စေသည်။

စီမံကိန်းအသစ်မရှိလျှင်   မူလလုပ်ငန်း အစီအစဥ်များ အတိုချုပ်ရှင်းပြ၍  ကြပ်ကြပ်မတ်မတ်လုပ်​ဆောင်ရန် ​ပြောသည်။ယခုအစည်းအ​ဝေးတွင်  စီအီးအိုကိုယ်တိုင် စီမံကိန်းကို ရှင်းပြမည့် အ​နေအထား အသင့်ဖြစ်​နေ
သည်။

ခန်းမထဲတွင် ​ နေရာတကျယူထားပြီး ​စောင့်စား​နေကြသည်။ထို့​နောက်   စီအီးအို  ​နေမင်းကိုကိုသည် ​ရှေ့သို့ထွက်လာပြီး   စီမံကိန်းနှင့်ပတ်သက်၍   အ​သေးစိတ်ရှင်းပြသည်။

တချို့အမှု​ဆောင်များသည် ​ခေါင်းတညိတ်ညိတ်ဟန်ရှိ​နေပြီး ၊  တချို့သည် စဥ်းစား​နေဟန်ရှိသည်။သူသည် အမှု​ဆောင်  ဒါရိုက်တာများ၏ ​ မေးခွန်းမှန်သမျှကို
ချက်ကျလက်ကျရှင်းပြသည်။သည်စီမံကိန်းကို   သူ​အောင်မြင်​စေချင်သည်။

သူ့​ကောင်​လေး၏ ​မျှော်လင့်ချက်များကို ဖျက်ဆီးမည့်သူ မဖြစ်ချင်​ပေ။သူ​အောင်မြင်​အောင်ကြိုးစားရမည်ဟု စိတ်ထဲကြုံးဝါးမိသည်။

"ကျွန်​တော့်အ​နေနဲ့  ဒီစီမံကိန်းကိုသ​ဘောတူပါတယ်။"

ဥက္ကဌကြီး၏​ပြောစကားကို  အမှု​ဆောင်ဒါရိုက်တာများ လက်ခံသည့်ဟန်ဖြင့်  လက်ခုပ်တီးကြသည်။အမှု​ဆောင်များထဲမှ  စီးပွား​ရေးဆိုင်ရာဝါရင့် ဒုဥက္ကဌကြီးမှလည်း သ​ဘောတူ​ကြောင်း ​ပြောသည်။

"ကျွန်​တော်လည်း သ​ဘောတူပါတယ်။လူငယ်​လေး​တွေရဲ့ စဥ်းစားဖန်တီးနိုင်စွမ်းက  ကျွန်​တော်တို့   အဘိုးကြီး​တွေ လိုက်လို့မမီနိုင်ဘူး။ဒီစီမံကိန်းက အ​သေးစိတ်ကျတယ်။​ခေတ်နဲ့လည်း ​လျော်ညီတယ်။အခုလို ​ပြောင်းလဲတိုးတက်​နေတဲ့ ​ခေတ်မှာ   အရင်လို ဒါမှဒါဆိုပြီး နည်းလမ်း​ဟောင်းမလုပ်ကြ​တော့ဘူး​လေ။ဒါကို ကျွန်​တော်တို့လက်ခံရမယ်။"