روايه حب الفرسان الجزء الثالث من رحم للإيجار . (((سلسلة عشق الرجال)))

الجزء الثاني من البارت الرابع والستون

((( سلسلة عشق الرجال الجزء الثالث من رحم للايجار)))
((حب الفرسان))
(( الجزء الثاني من البارت الرابع والستون))
🌹بقلم ريحانة الجنه🌹.

دخلت بهدوء وروية وظنها انها هتلاقيها نامت بفعل الارهاق والحزن والبكاء والنحيب المستمر من وقت ما كانوا في المستشفي وكمان بفعل الادوية اللي اجبروا يدوهالها علشان تهدأ!!

لكنها شافتها قاعدة في سريرها ومركزة بعيونها علي مخدته وكأنه نايم جنبها وصورته بين ايديها بتنجيها وتعاتبها وتشكلها حالها....

همس بصت في الارض وغمضت عيونها بحزن علي حالها وقلة حيلة من مساعدتها والتخفيف عنها قربت جنبها بهدوء وقعدت !!

همس بحزن: حبيبتي ليه ما نمتيش كل ده!! انتي من امبارح وانتي علي حالك ده ودموعك ما نشفتش!! طب ريحي ساعة واحدة بس!!؟

التفتت ليها بخمول وضياع: ارتاح!!؟ هو انا ممكن يجي يوم وارتاح من بعده!! ما خلاص ! هو مشي واخد كل الراحة والسعادة والفرح معاه!! ماليش نصيب في الراحة يا همس خلاص!!

همس بتمحي دموعها وبتحاول تتماسك قصادها: استغفري ربنا واستهدي كدة يا ريما!! الموت ده اكبر حقيقة في حياتنا كلها!! ومالناش فيه حيلة ! ده قدره وعمره وكلنا هيجي يوم ونموت!؟

ريما سحبت مخدته بوجع وضمتها لحضنها بدموع: كل ما احط رأسي هنا احس بيه واشوفه نايم ومبتسم كعادته!! كل ما اتتفس اشم ريحته اللي دايما بتكون منتشرة في الاوضة والبيت كله!!

وابتسمت من بين دموعها وهي بتفتكر كلامهم سوا.. تعرفي!! كنت دايما اعتب عليه واقوله يا مروان انت بتغرق نفسك والبيت كله بيرفيوم حرام عليك!!؟ انا كبرت وصدري ما بقاش حمل كدة انت عايز تموتني وتخلص مني!!؟

كان يضحك ضحته اللي بتختف قلبي واللي وقعتني في حبه من اول مرة اقبلته فيها...ويقولي يا روحي انا بعمل كدة مخصوص علشانك! علشان هيجي يوم تلاقي البريفيوم دي مركونة جوا الازازة مش هتشميها!! لما اموت واغيب عنك وتتمشي في البيت وانا مش معاكي هتفتكري كلامي ده!!؟

كنت اغضب منه وعيوني تدمع واقوله ماتقولش كدة تاني انا اللي هموت قبلك!! كان يحضني ويضحك ويقولي يا ريما ربنا بيبتلي كل انسان فينا باللي يقدر يتحمله! وانا قلبي تعب ومابقتش حمل صدمات لو انتي موتي قبلي انا هعيش ميت ويمكن ما استحملش واموت وراكي علي طول علشان مابقليش غيرك!! ووقتها أكمل هيكون لوحده! يرضيكي كدة ! ابنك يعيش لوحده ويتصدم فينا احنا الاتنين!!؟

كنت ابكي من مجرد الخيال واقوله حرام عليك انت ليه بتقول كدة!! كان يضحك ويغير الموضوع لكن كان فيه حاجة في عيونه بتقولي مخبي عني حاجة!! لحد يوم ما تعب تعبه الاخير ده !؟

فلاااااش باااااك

مروان بيتألم وضاغط بإيده علي قلبه بقوة وتعب... وبينده علي ريما بخفوت !! دخلت ريما بلهفة وخوف..