روايه حب الفرسان الجزء الثالث من رحم للإيجار . (((سلسلة عشق الرجال)))

البارت السبعون

(((سلسلة عشق الرجال الجزء الثالث من رحم للايجار)))
((حب الفرسان))
(( البارت السبعون ))
🌹بقلم ريحانة الجنه🌹..
كانوا كلهم متجمعين حاوليه في مكتبه بترقب وفضول للسبب اللي جمعهم ليه فجأة ...!!؟

رعد كانت عيونه عليهم كل واحد في مكانه چواد ..ريان .. أكمل ... ياسو ...سامر ... فارس ..!!!؟

رعد اتنهد بتعب وارهاق وحمول كتير كبيرة فوق طاقة اي بشر!!!

رعد : انتم يمكن مستغربين ليه جمعتكم النهاردة !! العيلة دي يا رجالة ما كبرتش كدة في يوم وليلة ولا رعد الحديدي اللي بناها لوحده !! لا طبعا مستحيل اللي كبر العيلة دي والكيان ده كله الرجولة والقوة والصحبة والعهد اللي كان بيني وبين اجدادكم ومن بعدهم ولادنا واللي من بعدهم الدور جه عليكم انتم !!
انا وعدي ومهاب وأكمل ومروان الله يرحمه كنا مش مجرد اصحاب وشركاء وبس لا !!! كنا اخوات وكيان واحد من غير تفرقة...!! الظروف والايام والقدر جمعونا سوا لحكمة من عند ربنا ..!! من وقتها وبقينا عيلة كبيرة ...مهما اختلفنا مع بعض ..مهما غضبنا من بعض...مهما أي مخلوق حاول بشتي الطرق يفرق بينا ويفرق شملنا !! مهما حصل كنا واحد ودايما في ظهر بعض !! مافيش واحد مننا في يوم احتاج لشئ وحد مننا خذلوا او تنكر ليه !! بالعكس كنا دايما في الشدة اقوي واقرب من الفرح !!

احنا كبرنا يا ولاد وكمان ابهاتكم كمان كبروا لكن انتم اللي لسة هتبتدوا !! العيلة دي لازم تكمل وتكبر بيكم !! عايزكم دايما ايد واحدة ...اخوات واصحاب وشركاء !! في كل شئ!! الشغل...المشاكل ...الازمات...
المرض...الفرح ..كل شئ تكونوا فيه سوا!!

الفترة اللي فاتت كلنا انكوينا من وجع وأزمات تهد جبال !! حازم رشدي كان دايما بيحاول يكسرني بيكم ويوجعني فيكم ..!! يمكن نكون قدرنا نعدي ونتخطي كوارث ومصايب كتير من اللي اتسبب فيها حازم!! لكن للاسف اللي جاي اصعب !! والضربة الاخيرة وجعتني اوي!! وجعتني بقوة !!

رعد سكت من الآلم اللي جواه علي همس !! ولاول مرة يتمالك نفسه بصعوبة من دمعة تخونه غصب عنه!!! قصاد أي مخلوق غير همس ..!!

چواد قرب منه بخوف وقلق من هيأته الحزينة وصوته المكسور !! قعد قصاده علي ركبته بدهشة وضم قبضة ايده بقوة !!

چواد: مالك يا جدو !! انا مش مرتاح!! ايه اللي جد في مشاكل حازم!! انا اول مرة اشوفك بالحالة دي!!

رعد غمض عيونه بوجع وتماسك واتنهد بقوة : كل يوم هيجد جديد يا چواد !! كل يوم!! لحد ما نقطع رأس الثعبان ده!! ولحد ده ما يحصل انا عايزكم جنبي وحاوليا !! عايزكم عنيكم مفتحة لاقصي درجة !! علي نفسكم ومراتتكم !! والعيلة كلها !!

وانت بالاخص يا چواد !! خد بالك علي مراتك وابنك!! اياك عيونك تغفل عنهم !!

انا عايزك تحاول باي شكل تخلي شهاب ومؤمن يعفوك انت وريان من اي شغل رسمي الفترة اللي جاية عايزكم متفرغين للمجموعة هنا ولحماية العيلة !! من النهاردة مش هتفترقوا انتم الستة !!!