((((سلسلة عشق الرجال)))
(((الجزء الثالث والاخير من رحم للايجار)))
((( حب الفرسان)))
((( الفصل الثالث والاربعون)))
🌹بقلم ريحانة الچنه🌹
كانت لحظة حالمة مهما اتوصفت او اتحكي عنها صعب تتمثل او تتنقل زي حقيقتها....حضن بينهم لا هو حضن بس ولا امان وراحة بس ولا حنين لايام وسنين صبي وكبر وشيب وبس...ولا صداقة واخوة وحب وبس ولا نسب ودم وبس مشاعر واحاسيس وذكريات كتيير. بتجمعهم مهما الاتنين عاشوا واتكيفوا مع اي مكان واي وضع واي ناس واشخاص الا هما ؟؟؟ الا الروحين دول....ايوة علي اتصال دائم وايوة فيه زيارات بتكون قصيرة بس بيشوفوا بعض علي فترات...بس العشرة سوا يوم بيوم ومعرفة الحال والسؤال شئ تاني خالص....
كل العيلة سلمت عليه وفرحت بيه ايوة لكن هو صمم واختار انه يسلم علي رعد ويحضنه اخر واحد ولوحدهم لعلة وحكمة...وهي انه عارف ومتأكد من رد فعله وقت ما يكون قصاده....!!!
كانوا لوحدهم في المكتب وعدي متعلق برعد بلهفة واستنجاد....اكنه ابوه مش بس صاحبه...وده حاله معاه من زمان ومن سنين رعد بالنسبة ليه اب واخ وصاحب وصديق...هو عيلة ليه....
عدي غصب عنه دمعة حزن وحنين نزلت منه: يااااااااه وحشتني اوي يا رعد اوي....والولاد و البيت وحشني والبلد كلها...انا محتجالك اوي يا رعد....انا تعبااان اوي تعبااان...؟!؟
رعد حاله ما يختلفش عنه بس يمكن رعد مشاعره مش بتظهر بسهولة علي ملامحه ولا هيئته...بس كان ضامم عدي اكنه ضامم شهاب او فادي....بحنين وحب...بس دموع عدي شغلت رعد وقلقته....حالته ضعيفة والحزن ظاهر عليه...بشكل واضح....
رعد خرجه من حضنه بهدوء وقعده جنبه: مالك يا عدي انا مش مطمن لحالك ده!!؟ انت تعبان!!! وايه الرجوع اامفاجأ ده وليه صممت ابعتلك مدير للفرح في ايطاليا!!؟ انا ما حبتش اتناقش معاك في اي تفاصيل وانت هناك..بس انا مش مرتاح...احكي وقولي مالك!!؟
عدي سند ظهره بتعب وارهاق وغمض عيونه : انا موجوع يا رعد....حاسس بضيق وغصة جوايا مش طبيعية....انا تعبان اوي تعبت من وحدتي يارعد.تعبت....انا ياما حكتلك عن بعدنا واهمالها ليا بس الموضوع زاد وساء اوي...بقي بشع ومهين ولا يحتمل....
رعد بملامح غاضبة وضيق من هنا وتصرفاتها: انا من البداية قولتلك بلاش...بلاش تطاوعها كانت تفضل هنا وتشتغل هنا..
وانت تفضل معانا ووسطنا...بس هي كالعادة صممت رئيها وانت بردوا كالعادة نفذت بدون تفكيرر....هنا يمكن بتحبك ايوة او كانت بتحبك....بس الاهمال والبعد وعدم التقدير ده ما يصدرش الا من واحدة قلبها اتقفل فضي!!؟ لا فيه حب ولا حتي كره....هي وصلت لمرحلة من الفتور والبرود تقتل اي حب ومشاعر ليها جواك...وهي الهانم بقي ما نزلتش معاك ليه!!؟ ايه هتفضل هناك لوحدها!!؟
عدي بحزن اتنهد: للاسف انا ادتها فرصة وحجزتلها معايا تذكرة وسبتهالها في مكتبها وانتظرتها لحد ما الطيارة اتحركت بس للاسف ما جتش....تقريبا اختارت شغلها ونجاحها.....واستغنت عني...
أنت تقرأ
روايه حب الفرسان الجزء الثالث من رحم للإيجار . (((سلسلة عشق الرجال)))
عاطفيةاجتماعي رومانسي
