روايه حب الفرسان الجزء الثالث من رحم للإيجار . (((سلسلة عشق الرجال)))

الجزء الثاني من الفصل التاسع والخمسون

سلسلة عشق الرجال الجزء الثالث من رحم للايجار)))
((حب الفرسان))
((الجزء الثاني من البارت التاسع  والخمسون))
🌹بقلم ريحانة الجنه🌹

كان واقف قصاد شباك الغرفة وبيتنفس الهواء بتعب و حيرة وآمل في يوم جديد ان ربنا يحققله مناه واللي بيدعي بيه كل لحظة انها ترجع من تاني تقف علي رجلها والغمة دي تعدي بأي شكل وبأسرع وقت...
ورجع يفتكر كلام أنس بعد عمليتها !!

فلااااااش بااااك ..

بمجرد ما كلهم لمحوا أنس بيقرب عليهم جريوا عليه بلهفة وخوف وقلق!!

مهاب بثبات: خير يا أنس طمني عليها!!

چودي اتعلقت بقميصه بلهفة ودموع: قولي بنتي عاملة ايه!! هي كويسة!! العملية نجحت!!

ياسو وديمة كان حالهم متشابه بعض الشئ بيقربوا كل خطوة من أنس  بلهفة وترقب وخوف من اي حرف هيقوله!!

ياسو بترقب وقلق ابتلع ريقه بغصة وخوف: هي !! هي نغم فاقت!! مش مهم النتيجة بس ارجوك طمني هي بخير!!؟

ديمة كانت صامتة منتظرة كلام أنس بلهفة من سكات!!

أنس ابتسم بتعب: اطمنوا كدة واهدوا ...هي لسة بتفوق الافاقة الاولي قبل ما تخرج من العمليات وان شاء الله هتبقي بخير....

مهاب ابتلع ريقه بأمل: يعني !! العملية نجحت!؟

أنس اتنهد بحيرة : بصوا علشان اكون واضح معاكم تكنيك العملية طبيا نجح ...اللي هو قدرنا نسحب ونستأصل كل الشظايا العظمية اللي كانت ضاغطة علي الاعصاب والحبل الشوكي بأمان ودي كانت اصعب حاجة لان الاول كان صعب نعمل كدة في مصر كانت مخاطرة كبيرة لان اي غلطة ولو بسيطة كانت ممكن تقطع عصب من الاعصاب او الحبل الشوكي نفسه ..كمان نغم استبدلنا ليها الفقرات اللي اتضررت في الحادثة بفقرات صناعية طبية  وكمان غضاريف صناعية ..يعني العملية كانت كبيرة ومش سهلة وصعبة بس طبيا نجحت لكن استجابة الاعصاب اللي كانت فاقدة وظيفتها تماما بعد الحادثة نتيجة الشظايا العظمية اللي كانت ضاغطة عليها وكمان فقدان الفقرات الاصلية والغضاريف لوظيفتها بسبب الضرر اللي حصل بعد الحادثة دي حاجة مش ضامنين نجاحها او فشلها الا بعد وقت وبعد العلاج الطبيعي نبدأ نشوف نغم هتقدر تمشي من تاني ولا لا!! فاهمين!؟

ياسو اخد انفاسه بتعب وتفكير: المهم ان العملية نجحت وهي خرجت منها بخير وبتتنفس ده المهم اما انها ترجع تمشي دي بتاعة ربنا مش هنستعجل المهم ان ربنا رجعهالي تاني ما فقدهاش...

ديمة قربت منه بغضب: وانت لسة جاي دلوقتي تتصعبن وتبان الحنون المضحي!! هو مين كان السبب في كل ده من الاول مش انت!؟؟

مهاب بحزم: ديمة!! مالوش لزوم الكلام ده دلوقتي !! المهم اختك نطمن عليها ثم هي الوحيدة اللي بتقرر تغفر وتسامح وهي غفرت وسامحت ياسين انتي مش من حقك تحاكميه دلوقتي ؟؟