Not the Plan

Plan 12

~Do Kyungsoo~

Hapon na nang marating namin yung clearing sa tuktok ng bundok. Nakakagulat nga kasi hindi ganun kahirap akyatin dahil may path naman kaming sinusunod. Sobrang ganda at lamig sa itaas dahil sa altitude at air pressure. Pero ayos lang, marami naman akong nadalang jacket.

"Hala walang signal!" sigaw bigla ni Chanyeol sa isang gilid. Itinaas pa niya yung cellphone niya sa hangin sabay kamot sa ulo. "Paano na yan?"

Lumapit ako sakanya matapos ibaba sa sahig yung duffel bag ko. "Wala ba?" tanong ko at inilabas din yung phone ko. Nanlaki ang mata ko nang makitang "No service" nga.

Umiling si Yeol. "Wala eh." disappointed na sabi niya.

"Bakit? May tatawagan ka bang iba?" singit ng isang malamig na boses sa likod namin. "O baka naman... ibang ite-text?"

Napalunok si Chanyeol habang unti-unting lumilingon kay Baekhyun na nanlilisik ang mga matang nakatingin sakanya. Pinatay ko yung cellphone ko saka ito binalik sa bulsa ng suot kong jacket.

"A-ah... wala naman, Baek." medyo utal pa na sabi ni Yeol. "S-si Mommy kasi, sabi niya, magtext daw ako pag nakarating na dito."

"Ah talaga?" sabi ni Baek sabay taas ng isang kilay.

Tumango ng mabilis si Yeol. "Oo!" agad na sabi niya. "Promise! Mamatay man ako!"

"Talagang mamamatay ka pag nalaman kong nagsisinungaling ka, hayop ka ah."

Umiling ako. "Shhh. Huwag nga kayong maingay! Baka may makarinig sa inyo at isiping nage-LQ kayo!" sita ko sakanila at napatingin sa paligid. Busy na yung mga kaklase naming nagtatayo ng tent, kami nalang ang hindi. Asan na kaya si Jongin?

"Eh LQ naman talaga to, Kyung! Ano bang tawag mo dito?" sagot ni Chanyeol.

Bago ko pa siya masagot at mamura, lumapit na sa amin si Jongin habang buhat-buhat yung tent bag niya. Tinignan niya ako habang seryoso ang mukha, seryosong-seryoso talaga. Pero nang mapatingin ako sakanya, bigla siyang napangiti.

"Kyung, we need to build this tent already." sabi niya. "Or we'll sleep in the open." saka niya tinaas yung isa niyang kilay at nag-smirk.