Not the Plan

Plan 40

The story's rising.

* * * * * 

~Do Kyungsoo~

Napangisi ako saka umiling. 

Kawawa naman si Krystal. Hindi manlang siya napagbigyan ni Jongin. Pero paano naman niya makukuha si Jongin sakin? Eh alam ko namang ako lang ang mahal niya. 

Psh.

Naglakad ako pabalik kina Jongin pero wala na sila sa pila. Mukhang nakasakay na sila sa mini roller coaster na yun. Pumunta nalang ako sa railings sa gilid at hinanap sila. 

"Mama!" sigaw ni Asher sabay wave. 

Ngumiti naman ako ng malaki saka nag-wave din sakanila. "Asher!" sigaw ko. Nilabas ko yung cellphone ko para kunan sila ng picture. Sabay naman silang nag-peace sign at wink. Grabe. Mag-ama ata talaga yung dalawang yun sa past life nila. 

Nagsimula na yung ride at nakangiti lang ako habang pinapanood sila. 

Kung hindi ko lang iisipin lahat ng pwedeng mangyari, iisipin kong para sa amin talaga si Asher. Iisipin kong pwedeng maging kami ni Jongin kung saan alam ng lahat, yung hindi namin tinatago. Pwede naming sabihin sa lahat na mahal namin ang isa't isa. 

Nawala ang ngiti sa labi ko saka napabuntong hininga. 

Andito ako para ipakita kay Daddy na kaya kong maging tagapag-mana niya. 

Hindi para mainlove at mahanap yung lalakeng mamahalin ko ng sobra. 

"Bakit parang ang lalim ng iniisip natin?" 

Napalingon ako at nakita si Mommy na nakangiti, may hawak na cotton candy sa isang kamay. Nakasuot siya ng knee-length na floral skirt at white blouse. Meron pa siyang pink body bag at naka-messy bun. Grabe. Mukha siyang 18 years old. 

"Ma." sabi ko saka ngumiti. "You're finally here."