So Why Not Me? (Ongoing)

Part-5

(Unicode)

အလွှာအထပ်ပေါင်းမြောက်မြားစွာရှိသောအဆောက်အဦးထဲတွင် တစ်ခုသောအထပ်အတွင်း၌ လူနှစ်ယောက်အလုပ်ရှုပ်နေသည်။ suitဝတ်စုံအပြည့်ဖြင့်အဲကွန်းအောက်တွင်ချွေးပျံနေသော လူပိုင်ဟိန်းကို မိုးထက်မြင့် ခြေချိတ်ထိုင်ကာ စိုက်ကြည့်နေ၏။ ဖုန်းတစ်လုံးဖြင့်နားမှမခွာနိုင်အောင် သူ့အတွက်စီမံကွပ်ကဲမှုကိုအရေးစိုက်နေ၏။
Brandအသစ်မိတ်ဆက်ပွဲဖြစ်၍ အဆင်ပြေချောမွေ့ပြီးစီးအောင်ဆောင်ရွက်ရန်လုပ်ဆောင်နေရသဖြင့် လူပိုင်ဟိန်းတစ်ယောက်မနက်ကတည်းက အခုထိမနားရသေးပါ။

"လူပိုင် မင်းအဆင်ပြေသွားလိမ့်မယ် အသေးစိတ်ကအစ လိုက်ပြောနေစရာမလိုဘူး "

"အင်း ငါသိတယ် မင်းချိတ်ပေးထားတဲ့ မော်ဒယ်လ်ရောက်နေပြီလား "

"ရောက်နေပြီ "

ပြောပြီးချင်းထထွက်သွားသော လူပိုင်ဟိန်းကြောင့် မိုးထက်မြင့်သူ့အနောက်သို့ ထလိုက်ရပြန်သည်။ အလုပ်ကိုစေ့စပ်သေချာစွာလုပ်တတ်သောလူပိုင်ဟိန်းက ဘယ်တော့မှအမှားမခံတတ်ပေ။
နောင့်ဆိုင်းမွန်ချိန်းဆိုထားသောဟိုတယ်သို့ ရောက်သောအခါ အသင့်ရောက်နေပြီဖြစ်သော မော်ဒယ်လ်မလေးကြောင့် ရောက်ရောက်ချင်းမိတ်ကပ်ပြင်ဆင်ပေးနေမိသည်။ တခြားအလုပ်လုပ်နေသော staffတွေ၏ပြောသံအရ (WM group)ဟုဆိုသောကြောင့် နောင့်ဆိုင်းမွန်ခေါင်းကျိမ်းသွား၏။ လူပိုင်ဟိန်းများဖြစ်နေမလားဟုထင်မိသော်လည်း ဒီအတောအတွင်းသူအလုပ်ရှုပ်နေဟန်မတူပေ။
မသက်ာဖြစ်လာသည်နှင့်အတူ

"ညီမလေး ဒီbrand က ဘယ်ထုတ်လုပ်ရေးကလဲ "

"WM group လေ အကိုဆိုင်းမွန်ရဲ့ တခြားမော်ဒယ်တွေပါငှားထားတယ်ပြောတယ် ညီမတောင်အကိုတစ်ယောက်နဲ့ရင်းနှီးလို့လာကမ်းလှမ်းခံရတာ "

"အော်......."

တစ်ခွန်းသာပြော၍ မျက်နှာပျက်သွားသော နောင့်ဆိုင်းမွန်ကို maskတပ်ထားသောကြောင့်မည်သူမှမသိလိုက်ပါ။
တံခါးဖွင့်သံကြား၍ CEOလာသည်ဟူသော စကားအဆုံးတွင် မော်ဒယ်လ်မလေးအား foundation ညှိပေးနေသော လက်များတွန့်သွားရသည်။ မမှတ်မိနိုင်ပါဘူးဟူ၍ မသိချင်ယောင်ဆောင်နေသော်လည်း လူပိုင်ဟိန်းက ထိုမော်ဒယ်လ်မလေးဆီသို့ ဆိုက်ဆိုက်မြိုက်မြိုက်လာနေတော့သည်။ အနောက်တွင် တွဲမမြင်ချင်သော မိုးထက်မြင့်ကိုပါ တွေ့လိုက်ရသဖြင့် နောင့်ဆိုင်းမွန် brush ကိုင်ထားသောလက်များတင်းကြပ်သွား၏။