VOUS LISEZ

So Why Not Me? (Ongoing)

Roman d'amour

Myanmar BL ဤfictionတွင်ပါဝင်သောအကြောင်းအရာများသည် စာရေးသူ၏စိတ်ကူးပုံဖော်မှုဖြစ်သောကြောင့် ပြင်ပပတ်ဝန်းကျင်နှင့် ဆက်စပ်မှုမရှိခဲ့လျှင် နားလည်ပေးပါရန် မေတ္တာရပ်ခံအပ်ပါသည်။

#boyxboy #myanmar #owncreation

Part-12

641 39 3

par Ywethlwar12

par @Ywethlwar12

(Unicode)

တိတ်ဆိတ်နေသော အိမ်အောက်ထပ်တွင် လူနှစ်ယောက် တစ်ယောက်မျက်နှာတစ်ယောက်ကြည့်၍ ငြိမ်သက်နေသလို ဖြစ်လာမည့်ပြသာနာအတွက်ကြိုတင်ပြင်ဆင်နေပုံရသည်။
ဆိုဖာပေါ်တွင် ဂရုမစိုက်ဟန်ဖြင့် ဖုန်းသုံးနေသော နောင့်ဆိုင်းမွန်ကို လူပိုင်ဟိန်းက စကားပြောရန် ဆိုလာသောကြောင့် မျက်နှာချင်းဆိုင်နေမိသည်။

"ပြောစရာဆိုတာ?"

အချိန်အတော်ကြာသည်အထိမပြောဘဲ ဖုန်းသုံးနေသော နောင့်ဆိုင်းမွန်ကို စိုက်ကြည့်နေသောကြောင့် ဆိုင်းမွန်ဘက်မှ စလမ်းကြောင်းပေးလိုက်သည်။
ထိုအခါ သက်ပြင်းညင်းညင်းချ၍ အပြာရောင် fileတွဲထဲမှ စာရွက်တစ်စုံကို ထုတ်လာ၏။

"ကွာရှင်းရအောင် "

ဖုန်းအသုံးပြုနေသောလက်များ ရပ်တန့်သွားလျက်။ နောင်ဆိုင်းမွန်အထိတ်တလန့်စွာပင် စာရွက်ပေါ်မှအကြောင်းအရာကို ဖတ်မိတော့ ကွာရှင်းစာချုပ်ဖြစ်နေသည်။
ဦးလူပိုင်ဟိန်းနေရာတွင် လူပိုင်ဟိန်းလက်မှတ်က အထင်းသား။

" ပိုင်ကြီး မင်း.......မင်းက ဘာသဘောနဲ့ "

"မြင်တဲ့အတိုင်းပဲ "

လူပိုင်ဟိန်းက ဆိုင်းမွန်အရှေ့မှ ထထွက်သွားရန်ပြင်လိုက်၏။
တစ်ဆက်တည်းမှာပင် နောင်ဆိုင်းမွန်ကလည်း သူမထင်မှတ်ထားသည့်အရာကြောင့် အကြီးကြီးရှော့ရသွားပုံပင်။
ဖြစ်ပျက်သွားသောမျက်နှာအမူအရာကအစ ထိန်းမရတော့ပေ။

"မင်းထင်သလိုဖြစ်လာမယ်ထင်နေလား အဟက်..............ငါမကွာပေးဘူး "

ချက်ချင်းပင်စာချုပ်ကိုဖြဲလိုက်၍ လူပိုင်ဟိန်းကိုကြည့်လိုက်သောအခါ လူပိုင်ဟိန်းက တည်ငြိမ်စွာပင် fileထဲမှ စာချုပ်နှစ်စုံဆွဲထုတ်၍ စားပွဲပေါ်ပစ်တင်ပေးလာ၏။
နောင့်ဆိုင်းမွန် အံ့သြစွာဖြင့်

"ဘာကြောင့်လဲပြော........... ချက်ချင်းကြီးဘာလို့လဲ!!"

လိမ့်ကျတော့မည့်ဆဲဆဲမျက်ရည်ကို နောင့်ဆိုင်းမွန်က ဖြတ်ခနဲသုတ်လိုက်ရင် စိတ်တိုလာသောကြောင့် နှာခေါင်းထိပ်လေးများပင်နီရဲနေသည်။
ထုတ်ပေးလာသော စာချုပ်များကို ဆောက်တည်ရာမရဖြဲစုတ်၍ လူပိုင်ဟိန်းအက်ျီကော်လံကို ဆွဲကိုင်ကာ ဆိုလာ၏။

So Why Not Me? (Ongoing)

Part-12

Histoires en Vedette

Vous aimerez aussi