ထွက်​ပြေးမ​နေပါနဲ့​တော့ ဇနီး​လေး​ရေ(Translation)

Ep.5

(Unicode)

အကြံ​ကောင်း​လေး ​ပြောင်းပြန်ဖြစ်သွားပြီ

ဧကရာဇ်ယန်ကျင်းလုံက မူလလင်းမန့်မန့်ကို နှစ်ခါသာ​တွေ့ဖူးသည်။ပထမအကြိမ်တုန်းက စစ်သူကြီးလင်းက လင်းမန့်မန့်ရဲ့​အရွယ်​ရောက်လာတဲ့အခမ်းအနားကိုကျင်းပရန် နန်း​တော်ထဲကို​ခေါ်လာတုန်းကဖြစ်သည်။ယန်ကျင်းလုံက အဲဒီအချိန်တုံးက အိမ်​ရှေ့စံမင်းသားဖြစ်ပြီး အရင်ဧကရာဇ်​ပေးအပ်တဲ့တာဝန်များကို ထမ်း​ဆောင်နေစဥ်ဖြစ်သည်။ဆယ်ကျော်သက်လေးနှစ်ဦးဟာ ဖြတ်သွားစဥ်​တွေ့မိတာမို့ နှုတ်ဆက်ပြီးကိုယ့်လမ်းကိုယ်သွားခဲ့ကြသည်။အဲတာက တို​တောင်းပြီးမဆိုသ​လောက်အချိန်​လေးမို့ စကားထဲထည့်​​ပြောဖို့ရာ​တောင် မလို​ပေ။

ဒုတိယအကြိမ်ကတော့ မကြာ​သေးခင်က သူတို့ရဲ့မင်္ဂလာ​ဆောင်​နေ့မှာဖြစ်သည်။စစ်သူကြီးလင်း​သေဆုံးမှုအတွက် ဝမ်းနည်းပူ​ဆွေး​နေတုန်း လင်းမန့်မန့်ဟာနန်း​တော်ထဲကိုချက်ချင်း​ခေါ်​ဆောင်ခံလိုက်ရသည်။ဧကရာဇ်က သူ့ကိုလာမ​တွေ့ခဲ့​ပေ။အဲဒီအစား သူအနားယူပြီး​နေဖို့ရန်အခန်းတစ်ခန်းသာ​ပေးခဲ့သည်။အဲလိုလုပ်တာက ပုံမှန်ကြိုဆိုမှုမျိုးမဟုတ်​ပေ၊ ပြီး​တော့ ​နောက်တစ်ရက်မှာပဲ မင်္ဂလာပွဲကို ကျင်းပခဲ့တာဖြစ်သည်။ဧကရာဇ်က အခမ်းအနားမတိုင်ခင်အထိ လင်းမန့်မန့်ကိုလာမကြည့်ခဲ့​ပေ။

ပြောရမယ်ဆိုရင် ဧကရာဇ်ယန်ကျင်းလုံက လင်းမန့်မန့်ဘယ်လိုလူမျိုးဖြစ်သည်ကို မသိ​ပေ။ဒါ​​ကြောင့်ပဲ လင်းမန့်မန့်က သူ့ရဲ့အားနည်း​နေတဲ့ပုံကို တဖြည်းဖြည်းချင်း​ပြောင်းလဲသွားမည်ဖြစ်သည်။

ဆည်းဆာချိန်​ရောက်လာပြီဖြစ်သည်။ဖ​ယောင်းတိုင်များကို ထွန်းညှိလိုက်ကြသည်။​ကောင်းကင်ကလည်း ​တောက်ပတဲ့လိ​ေမ္မာ်ရောင်က​နေ လှပသည့်အပြာ​ရောင်ကို​ပြောင်းသွားပြီ။​ကောင်းကင်က တာဝန်ချိန်ချိန်းသွားပြီမို့ တိရစ္ဆာန်​လေးများကလည်း ဇီဝနာရီအတိုင်းပြုမူကြပြီ၊​နေ့ဖက်တွင်သာ အိပ်​လေ့ရှိသည့်အ​ကောင်​လေးများကလည်း သူများ​တွေအိပ်ဖို့လုပ်သည့်အချိန်မှာ နိုးလာကြပြီဖြစ်သည်။