ထွက်​ပြေးမ​နေပါနဲ့​တော့ ဇနီး​လေး​ရေ(Translation)

Ep.26

(Unicode)

Like Mother,Like Son

ဧကရာဇ် နန်း​တော်ကနေထွက်သွားတဲ့အချိန်က​နေဆိုရင် အချိန်တစ်ပါတ်ရှိသွားပြီဖြစ်သည်။​ခေါင်း​ဆောင်​တွေအ​ပြောင်းအလဲဖြစ်သွား​ပေမယ့် နန်း​တော်နံရံ​တွေအတွင်းကဘဝ​တွေက ပုံမှန်ပြန်ဖြစ်သွားကြသည်။​ခေါင်း​ဆောင်ကြီးက သူ့အသိုက်ထဲမှာရှိမ​နေပေမယ့် ယုံကြည်အားကိုးလို့ရတဲ့အမတ်​တွေနဲ့တင် ကိစ္စရပ်​တွေကိုကိုင်တွယ်ဖို့ လုံ​လောက်သည်။

ပြီး​တော့လည်း ဧကရာဇ်ရဲ့မယ်​တော်ကြီးလည်းရှိသည်​လေ။မယ်​တော်ကြီးက ဥာဏ်ပညာရှိပြီး ယုံကြည်ထိုက်တဲ့အမျိုးသမီးတစ်ဦးဖြစ်သည်။

သူမငယ်ရွယ်တဲ့နှစ်​တွေတုန်းကဆိုရင် သူမကမိန်းမသားတစ်ဦးဖြစ်​ပေမယ့် ​ကြောက်ခမန်းလိလိရပ်တည်နိုင်တဲ့စရိုက်ကိုပြသခဲ့ပြီးဖြစ်သည်။သူမက ​ယောကျ်ားသား​တွေနဲ့တန်းတူရပ်တည်နိုင်သည်။အဲဒီလုပ်နိုင်စွမ်းကပဲ အခြားကိုယ်လုပ်​တော်​တွေကိုအနိုင်ရပြီးနိုင်ငံရဲ့ဘုရင်မအဖြစ်သူမရဲ့လမ်း​ကြောင်းကို​ဖောက်နိုင်ခဲ့သည်။

အမတ်အိုကြီး​တွေအများစုက ဒီအမျိုးသမီးရဲ့အရည်အချင်းကို ကိုယ်​တွေ့​တွေ့မြင်ဖူးကြပြီး အဲဒါ​ကြောင့်လည်းသူမကို​လေးစားကြသည်။အဲဒါကပဲ ယန်ကျင်းလုံကလက်ရှိနဂါးဧကရာဇ်ဖြစ်​ပေမယ့် မယ်​တော်ဧကရီကြီးရဲ့လွှမ်းမိုးမှုကပိုများ​နေရသည့်အ​ကြောင်းအရင်းဖြစ်သည်။သူမရဲ့အ​တွေ့အကြုံနဲ့ဥာဏ်ပညာက အဲဒီလိုမျိုးဂုဏ်ပုဒ်နဲ့ထိုက်တန်သည်ပဲ​လေ။

ထပ်​ပေါင်း​ပြောရရင် သူတို့ရဲ့လူ​တွေကိုကိုင်တွယ်ပုံကွာခြားချက်ကလည်း လူ​တွေရဲ့နှစ်သက်မှုကို​ပေါ်လွင်​စေသည်။

ယန်ကျင်းလုံက​ခေါင်း​ဆောင်​ကောင်းတစ်​ယောက်ဖြစ်သည်-အဲဒါက သူ့မိဘ​တွေကလည်းတူညီတဲ့အရည်အချင်းလယ်ဗယ်တစ်ခုမှာရှိ​နေတာ​ကြောင့်ဆိုတာ ဘယ်သူမှငြင်းနိုင်မှာမဟုတ်ဘူး။သို့​ပေမယ့် ညီလာခံအချိန်​တွေမှာဆိုရင် ဒီလူက ​နေရာတစ်ခုလုံးကို အအေးပိုင်းဝင်ရိုးစွန်းအဖြစ်​ရော၊​လောင်ကျွမ်း​နေတဲ့လယ်ကွင်းတစ်ခုအဖြစ်​ရော ​​ပြောင်းလဲပစ်နိုင်တယ်။ယန်ကျင်းလုံရဲ့လျှာကများ ငရုပ်သီးနဲ့လုပ်ထားတာလားလို့ထင်ရလောက်တဲ့အထိ သူက အမတ်တစ်ဦးရဲ့အမှားကို​ကြောက်စရာအ​ကောင်းဆုံးအမူအယာကြီးနဲ့ပြစ်တင်ကြိမ်း​မောင်းတတ်တဲ့ လူစားမျိုးဖြစ်သည်။