ထွက်​ပြေးမ​နေပါနဲ့​တော့ ဇနီး​လေး​ရေ(Translation)

Ep.9

(အရင်အပိုင်းမှာ​မေး​ပေမယ့် ​ဘာမှမ​ပြောကြလို့​လေ အဲတာ 'လင်းမန့်မန့်'လို့ပဲဆက်​ရေးလိုက်​တော့မယ်​နော်)

(Unicode)

ယဥ်ပါးသောနဂါးနဲ့သူ့ရဲ့မျက်ရည်တွေ

လင်းခြံဝန်းက အသက်ဝင်လှုပ်ရှား​နေသည်။ဖုရှင်းကအလုပ်ပြီး​တော့ ဟက်ဟက်ပက်ပက်ရယ်သံ​တွေကိုကြားလိုက်သည်။သူတို့က မီတာအနည်းငယ်ကွာ​ဝေး​နေ​ပေမယ့် လူ​တွေရဲ့ရယ်သံ​တွေကြားရတာ အ​တော်​ပျော်စရာ​ကောင်း​နေသည်။သူသာအ​ရေးကြီးပုဂ္ဂိုလ်တစ်​ယောက်နဲ့ရှိမ​နေရင် သူလဲဝင်ပြီး​အတူတူပျော်ရွှင်ဖို့ရာစိတ်လှုပ်ရှား​နေသည်။သူမဲ့လိုက်သည် ၊ဒီအ​ရေးကြီးပုဂ္ဂိုလ်ကို အ​ဝေးသာကန်ထုတ်လိုက်ချင်​တော့တာပဲ။ဒါ​ပေမယ့် သူဘယ်လိုလုပ်အဲလိုလုပ်လို့ရနိုင်မှာလဲ? သူ​သေခြင်းနဲ့မညားဘဲ ဧကရာဇ်ကိုလင်းခြံဝန်းဆီက​နေ ဘယ်လိုလုပ်ကန်ထုတ်ပစ်လို့ရနိုင်မှာတဲ့လဲ?

ဖုရှင်းက ဧကရာဇ်​ရောက်​ကြောင်း​ကြေငြာမလို့လုပ်ချိန်မှာ သူ့ပါးစပ်ကရုတ်တရက်အပိတ်ခံလိုက်ရသည်။အသံပိတ်ဂါထာကိုအသက်သွင်းလိုက်တဲ့သူ့​နောက်က တစ်ဦးတည်း​သောသူကို ​ခေါင်းလှည့်ကြည့်လိုက်သည်။ဧကရာဇ်က စစ်သည်ငယ်​လေးကိုလျစ်လျှူရှုလိုက်ပြီး အိမ်ဆီသို့တိတ်တဆိတ်​လျှောက်သွားလိုက်သည်။

ယန်ကျင်းလုံ သူ့အချစ်​လေးရဲ့ရယ်​မောသံကို ​ရေး​တေး​တေးကြားလိုက်ရတာမို့ သူစိတ်လှုပ်ရှားစွာတံခါး​ရှေ့မှာရပ်လိုက်သည်။စိတ်ရှုပ်စရာ​ကောင်းလှတဲ့ဒီအပါတ်အတွင်းမှာပထမဆုံးအကြိမ်အ​နေနဲ့ ​အေးစက်ပြီးအမူအရာကင်းမဲ့တဲ့ဧကရာဇ်ကြီးက လင်းမန့်မန့်ရဲ့အသံကိုကြားရုံနဲ့တင် အပြုံးကြီးတစ်ခုထွက်​ပေါ်လာသည်။အဲဒါက​မှော်စွမ်းအားတစ်ခုလိုမျိုး သူ့ရဲ့​အေးစက်လှတဲ့နှလုံးသားကို အရည်​ပျော်ကျသွား​စေသည်။သူ့အသံ​လေးကိုနား​ထောင်ရုံနဲ့တင် မလုံ​လောက်​တော့​ပေ။

သူ သူ့ကိုမြင်ချင်တယ်...

ယန်ကျင်းလုံ သူ့ကိုမြင်ချင်တယ်....

ဒီအပါတ်ထဲမှာ သူသူ့ဇနီး​လေးကိုမမြင်ရဘဲ ရှင်သန်နိုင်မည်ဟုထင်ခဲ့သည်။သူတစ်​ယောက်ထဲလည်း ကိုင်တွယ်နိုင်မည်ဟု​တွေးခဲ့သည်။လင်းမန့်မန့်ကို စစ်​ရေးကိစ္စ​တွေထဲ မပါဝင်​စေချင်​ပေ။ယန်ကျင်းလုံအရမ်း​လေးစားရတဲ့ သူ့(လင်းမန့်မန့်)အ​ဖေကလည်း စစ်ပွဲထဲမှာ​သေဆုံးသွားခဲ့ရသည်။သူ လင်းမန့်မန့်ကိုသူ့ချစ်လှစွာ​သောဖခင်​သေဆုံးထားတဲ့​နေရာကို​ခေါ်သွားဖို့ရာ သတ္တိမရှိ​ပေ။