ထွက်​ပြေးမ​နေပါနဲ့​တော့ ဇနီး​လေး​ရေ(Translation)

Ep.8 (2)

(Unicode)

အချစ်ရူးနဲ့သကြားလုံးချိုချဥ်​လေး​တွေ

အ​စေခံ​လေးများက အခန်းကိုသန့်ရှင်း​ရေးလုပ်ပြီး သူတို့သခင်ကိုစစ်​ဆေးဖို့ရာပြန်လာကြသည်။လင်းမန့်မန့်က ​ကျောက်ခုံ​ပေါ်ထိုင်ရင်း သူလုပ်ထားသည့်အစားအစာ​တွေကိုစား​နေတာကို သူတို့မြင်လိုက်ကြသည်။အရင်ဘဝတုန်းက လင်းမန့်မန့်က တူညီတဲ့စားစရာ​တွေကို ဧကရာဇ်ကို​ကျွေးဖို့ရာအတွက် ယူသွား​လေ့ရှိတာကို သူတို့မှတ်မိသည်။ဒါ​ပေမယ့် အခုက​တော့ စား​နေတဲ့လူက သူဖြစ်​နေသည်။

လင်းမန့်မန့် က​လေး​တွေကိုသတိထားမိတဲ့အတွက် သူတို့လည်းစားဖို့ရာလှမ်း​ခေါ်လိုက်သည်။အ​စေခံ​တွေက ကိုယ့်​နေရာကိုယ်သိသည့်အတွက် အနားကို​လျှောက်လာကြပြီး​တော့ သူတို့သခင်​ဘေးမှာပဲရပ်​နေကြသည်။လင်းမန့်မန့်က သူတို့ကိုသူ့နားမှာထိုင်ကြဖို့ တိုက်တွန်းလိုက်​ပေမယ့် က​လေး​တွေကလှုပ်​တောင်မလှုပ်တာမို့ သူ​နောက်ထပ်မ​ပြော​တော့​ပေ။

သူပန်းကန်ထဲကဖက်ထုပ်ကိုမျှ​ပေးဖို့လုပ်တဲ့အခါမှာ ပန်းကန်ထဲမှာဘာမှမရှိ​တော့တာကို သူသတိထားမိလိုက်သည်။မျက်​တောင်တစ်ခက်အတွင်းမှာပဲ ​စော​စောကမှပန်းကန်ထဲရှိ​နေတဲ့ဖက်ထုပ်အခုနှစ်ဆယ်က အကုန်ကုန်သွားပြီ။သူ​တွေး​ငေး​နေရင်းဝါး​နေလိုက်တာ အခုနှစ်ဆယ်လုံးတစ်ခါထဲကုန်သွားသည်ကိုသတိမပြုမိတာဖြစ်သည်။အဲဒါက သူ့ကိုရှက်​စေတဲ့အတွက် ​မျက်နှာကိုဖုံးဖို့ခေါင်းကိုနည်းနည်းငုံ့လိုက်သည်။

အာ..ငါတစ်ကယ်ပဲ အစားကြူးတဲ့သူတစ်​ယောက်မဟုတ်ရပါဘူး!

ဒါ​ပေမယ့်တကယ်တမ်း​တော့ လင်းမန့်မန့်ကအများကြီးစားနိုင်တဲ့သူဖြစ်သည်။သူက​ယောကျ်ားသားတစ်​ယောက်ဖြစ်ပြီး​ သူ​မွေးကတည်းက အစားစားတာကသူ့အကြိုက်ဆုံးဝါသနာဖြစ်သည်။သူကထမင်းကိုပန်းကန်​ရေအများကြီးစားနိုင်ပြီး ​ခေါက်ဆွဲပွဲကြီးသုံးပွဲစားပြီးတာ​တောင် အချိုပွဲအတွက်ဗိုက်ထဲမှာ​နေရာလွတ်ကျန်​နေ​သေးသည်။မင်းကသူ့ကိုဘာစားစရာပဲ​ပေး​ပေး သူစားနိုင်သည်။လမ်း​ဘေးအစားအစာ​တွေဆိုရင်​တောင်သူ့အတွက်က စား​ကောင်း​သောက်ဖွယ်ပဲဖြစ်သည်။
(T/N: ငင့်..အစားကြူးသူမဟုတ်ဘူးဆို)