ထွက်​ပြေးမ​နေပါနဲ့​တော့ ဇနီး​လေး​ရေ(Translation)

Ep.20

(Unicode)

ခင်ပွန်းရဲ့အခန်းကိုစစ်​ဆေးခြင်း(Part-02)

Shit!ဗိုက်ဆာလာပြီ..

လင်းမန့်မန့် ယန်ကျင်းလုံရဲ့အထက်တန်း​ကျောင်း​လောက်ကပုံ​တွေကို ​ပျော်ရွှင်စွာ၊ဝမ်းနည်းစွာ ကျိန်စာတိုက်​နေရင်း၊ချီးမွမ်း​နေရင်း သူ့အစာအိမ်အတွင်းကသက်ရှိလေးရဲ့ငြီးတွား​နေသံကိုကြားလိုက်ရသည်။
(T/N:က​လေးကိုပြောတာမဟုတ်ဘူး ဗိုက်ထဲက'ဂွီ'ဆိုပြီးမြည်တာကို​ပြောချင်တာပါ)
အသံကကျယ်​လောင်လွန်းတာမို့ လင်းမန့်မန့် သူ့ဟာသူတောင်ပြန်လန့်လုနီးပါးဖြစ်သွားရသည်။​ကောင်းပြီ..ဒါကသူ့ရဲ့ပုံမှန်ဗိုက်ဆာလာတဲ့အချက်ပြမှုဖြစ်သည်​လေ..ဒါ့​ကြောင့် သူ​ပျော်ရွှင်​နေတဲ့အချိန်​လေးကိုအမြန်ဖယ်ထုတ်ပစ်လိုက်ရပြီး စားစရာကို စပြီးရှာ​တော့သည်။

အခန်းထဲက စည်းစိမ်ဥစ္စာ​တွေက ​ကော​လေးရဲ့မြင်ကွင်း​ရှေ့မှာ တလက်လက်​တောက်ပ​နေကြသည် ဒါ​ပေမယ့် သူက​တော့ သူတို့ရဲ့ဆွဲ​ဆောင်​နေမှု​တွေကို လျစ်လျှူရှုလိုက်သည်။လင်းမန့်မန့်ညည်းတွားလိုက်ပြီး​ထောင့်က​နေမတ်တပ်ထရပ်လိုက်ကာ ထွက်​ပေါက်ကိုအမြန်ရှာ​ဖွေလိုက်သည်။ဗိုက်ထဲမှာဘာမှချိုမြိန်တဲ့အရာမရှိတာကို ညည်းညူ​နေရင်း စားလို့​ကောင်းတဲ့အသင့်စားစားစရာ​တွေရဲ့နာမည်ကို​ရေရွတ်ကာဗိုက်ဆာတာကို​ဖြေ​​ဖျောက်ဖို့ကြိုးစားရင်းနဲ့ သူ ဗိုက်ကိုအသာအယာပွတ်သပ်လိုက်သည်။

သူ ပီဇာရယ်၊ဘာဂါရယ်၊အာလူး​ချောင်း​ကြော်​တွေကိုစားချင်တယ်..။အဲဒီဟာ​တွေက ပုံမှန်အစားအစာ​တွေသာဖြစ်​ပေမယ့် သူ့အကြိုက်နဲ့ကိုက်ညီသည်။ပြီး​တော့လည်းပဲ သူအဆင့်အတန်းမြင့်အစားအစာ​တွေကိုမတတ်နိုင်တာ​ကြောင့် အဲဒီဆီ​တွေနဲ့ပြည့်​နေတဲ့စားစရာ​တွေရယ်၊အသင့်စား​ခေါက်ဆွဲ​ခြောက်​တွေရယ်၊​ခေါက်ဆွဲရယ်ကိုသာစားသည်။သူက ​ရေခဲမုန့်တို့ဂျယ်လီတို့လို​အေးတာ​တွေချိုတာ​တွေကိုစားရတာကိုလည်း နှစ်ခြိုက်​သေးသည်..ပြီး​တော့ မင်းကသူ့ကိုကိတ်အကြီးကြီးတစ်လုံး​ပေးမယ်ဆိုရင်?​ကောင်းပြီ..သူကအဲဒါကို နှလုံးသားတစ်ခုလုံးနဲ့​ရောအစာအိမ်တစ်ခုလုံးနဲ့ပါလက်ခံ​ပေးလိမ့်မယ်..။