ထွက်​ပြေးမ​နေပါနဲ့​တော့ ဇနီး​လေး​ရေ(Translation)

Ep.17

(Unicode)

အချစ်ကနာကျင်​စေတယ်

လင်းမန့်မန့်သူ့ကိုရှောင်​နေရတဲ့အ​ကြောင်းပြချက်က ဒီ​ကော​လေးကသူ့ကို​ကြောက်​နေတာ​ကြောင့်ဆိုတာ သူဘယ်တုန်းကမှမ​တွေးမိခဲ့ဘူး။

ယန်ကျင်းလုံက တိုင်းပြည်တစ်ခုလုံးအ​ပေါ်မှာအုပ်ချုပ်နေတာ နှစ်​တွေကြာနေပြီဖြစ်ပြီး သူ့ကိုဥာဏ်ပညာရှိတဲ့အုပ်ချုပ်သူ​တွေထဲကတစ်ယောက်လို့ သတ်မှတ်ခံထားရသည်။သူက လူမှု​ရေးရာ​တွေကိုင်တွယ်ရာမှာကြင်နာတတ်ပြီး အပြစ်​ပေးခံရဖို့ထိုက်တန်တဲ့ရာဇဝတ်မှု​တွေအ​ပေါ်မှာ​တော့ ရက်စက်စွာကိုင်တွယ်တတ်တယ်။သူ့ရဲ့ဂုဏ်သတင်းကသန့်ရှင်းကြည်လင်​နေသည် ဒါ​ပေမယ့် စွန်းထင်း​နေတဲ့တစ်ခုတည်း​သောအချက်က​တော့ သူ့အိပ်ရာကို​နွေး​အောင်လုပ်​ပေးဖို့ကိုယ်လုပ်​တော်များစွာရှိ​နေတယ်ဆိုတဲ့တစ်ချက်ပင်ဖြစ်သည်။

ဒီအရာက ရိုးရာအစဥ်အလာရဲ့တစ်စိတ်တစ်ပိုင်းဖြစ်ပြီး​နေပြီ ဒါ့​ကြောင့် သူဒီကိစ္စ​တွေအ​ပေါ်မှာဘယ်လိုကိုင်တွယ်​နေတယ်ဆိုတဲ့အ​ပေါ်မှာ လူကြီးပိုင်း​တွေက ဘာမှမှတ်ချက်ပြုမနေကြ​တော့​ပေ။အဆုံးမှာ​တော့ သူကဧကရာဇ်တစ်ပါးဖြစ်​နေပြီး သူ့ကို​ထောက်ပံ့ဖို့လူအနည်းငယ်လိုတယ်လေ။ပြီး​တော့လည်း သူ့​ဘေးမှာကိုယ်လုပ်​တော်အ​ရေအတွက်များများရှိ​နေတာက မျိုးဆက်ကျန်ဖို့အာမခံချက်ရှိသည်​လေ။သားသမီးများတာက ပိုကံကောင်းခြင်းဆိုတဲ့အဓိပ္ပါယ်ဖြစ်သည် ဒါ့​ကြောင့်ဘယ်သူကမှအဲဒါနဲ့ပါတ်သတ်ပြီး​မဝေဖန်ကြ​​တော့ပေ။

ထပ်ပြောရရင် သူ့ရဲ့တစ်လတာအချစ်​ရောဂါကလည်း သူ့ပုံရိပ်ကိုဖျက်ဆီးပစ်နိုင်တဲ့တစ်စုံတစ်ရာမဟုတ်ဘူး။အချို့အမတ်​တွေဆိုရင် ဇနီးခုနှစ်ယောက်ယူထားကြပြီး ယန်ကျင်းလုံထက်ဆိုးသည်က သူတို့မှာ ညတိုင်းအိပ်ရာ​နွေး​အောင်လုပ်​ပေးမယ့် မိန်းမတစ်​ယောက်စီရှိ​နေသည်။အနည်းဆုံး​တော့ ဧကရာဇ်ကတစ်လကိုမိန်းမတစ်ယောက်ပဲအလိုရှိပြီး အဲဒါက ညတိုင်းမိန်းမပြောင်း​နေတာထက်တော့ ပို​ကောင်းသေးသည်။