ထွက်​ပြေးမ​နေပါနဲ့​တော့ ဇနီး​လေး​ရေ(Translation)

Ep.24

(Unicode)

အဓိကဇာတ်​ဆောင်က ​နောက်ကျမှထွက်​ပေါ်လာတယ်

ရက်အနည်းငယ်​ကျော်လွန်သွားပြီး​နောက်မှာ ဧကရာဇ်ကလိုအပ်တဲ့အရင်းအမြစ်​တွေအားလုံးစုစည်းပြီးသွားပြီဖြစ်သည်။စစ်သူကြီးခုံးဝမ်က သူ့စစ်သည်​တော်​တွေကိုမထွက်ခွာခင် ​နောက်ဆုံးပြင်ဆင်မှု​တွေပြုလုပ်ကြဖို့ညွှန်ကြားလိုက်သည်။ဝန်ကြီး​တွေအားလုံးလည်း ယန်ကျင်းလုံကအ​ဝေးမှာတော်​တော်ကြာကြာရှိ​နေရမှာမို့ တင်ပြဖို့လိုအပ်တဲ့စာရွက်စာတမ်း​တွေကို တင်သွင်း​​နေရင်းအလုပ်ရှုပ်​နေကြသည်။

ဒီအချိန်အ​တောအတွင်းမှာ ယန်ကျင်းလုံကလင်းမန့်မန့်နဲ့အတူကျန်တဲ့ရက်​လေး​တွေကို ဖြတ်သန်းချင်​သော်လည်း သူဇိမ်ခံ​နေဖို့မတတ်နိုင်ဘဲ သူ့ရုံး​တော်အတွင်းမှာသာ တိတ်တဆိတ်ငို​ကြွေး​နေရသည်။ဝန်ကြီးချန်းကျဲက မျက်ရည်​တွေကိုအမြဲသုတ်​ပေးဖို့​ဘေးမှာရှိ​နေပြီး သူ့အရှင်လက်မှတ်ထိုးရမယ့်စာရွက်စာတမ်း​တွေတစ်သုတ်ပြီးရင် ​နောက်ထပ်ဒါဇင်များစွာကမ်း​ပေး​နေသည်။အဲဒီအပြုအမူကပဲ ဧကရာဇ်ကို ခါးသက်တဲ့မျက်ရည်​တွေပိုကျ​စေသည်။

ကံ​ကောင်းစွာပဲ လင်းမန့်မန့်ကတစ်ရက်မှာ တစ်ကြိမ် ဒါမှမဟုတ်နှစ်ကြိမ်​ပေါ်​လာ​ပေးတာ​တွေအတွက် ဝန်ကြီးချန်းကျဲရဲ့​သွေး​ဆောင်မှု​တွေကို​ကျေးဇူးတင်ရမည်။အဲဒီလိုအချိန်​တွေဆိုရင် လုပ်ငန်းလုပ်ရတာကိုကအကန့်အသတ်မရှိဖြစ်​နေလိမ့်မည်။ကိုယ်လုပ်​တော်က ဒီလိုသူ့​ယောကျ်ားကို'ပြုစု​နေခြင်း'က ခနတဖြုတ်ပဲဖြစ်တယ်လို့သိထားကြသည်။ဧကရာဇ်ရဲ့တစ်လတာအရူးအမူးဖြစ်ခြင်းက ပြီးဆုံး​တော့မှာမို့ လင်းမန့်မန့်ကအခွင့်အ​ရေး​ပေးခံရခြင်းကိုပိုများပြား​အောင် ကျန်ရှိ​နေတဲ့အချိန်​လေးကိုအသုံးချ​နေတယ်လို့ သူတို့က​တွေးကြသည်။

သို့​ပေမယ့် အဲဒါနဲ့​ပြောင်းပြန်ပဲဆိုတာကို လူအနည်းငယ်ကသာသိကြသည်။

အဲဒါကိုအသိဆုံးလူက​တော့ လု​မောင်းနဲ့အပုပ်မလေးသုံး​ယောက်ပဲ။သူတို့က လင်းမန့်မန့်​နောက်က​နေတစ်ချိန်လုံးလိုက်ခဲ့ကြပြီး သူတို့သခင်ရဲ့တည်ရှိမှု​ကြောင့်သူတို့လည်းဧကရာဇ်အလုပ်လုပ်တဲ့အ​ဆောင်​တော်ဆီဝင်ခွင့်ရကြတာမို့ အဲဒီနှစ်ယောက်ကြားကဆက်ဆံ​ရေးကိုကိုယ်​တွေ့မြင်ထားကြသည်။သူတို့ကအရင်ဘဝတုန်းကဧကရာဇ်ကိုမြင်ဖူးခဲ့ကြတာ​ကြောင့် ဒီတစ်​ယောက်ကအဲတုန်းကနဲ့​အ​တော်​လေးကွာခြား​နေတာကိုသူတို့နားလည်ကြသည်-ယန်ကျင်းလုံက လင်းမန့်မန့်ဆီမှာလုံးဝကို​ကြွေကျသွားပြီပဲ။