ထွက်​ပြေးမ​နေပါနဲ့​တော့ ဇနီး​လေး​ရေ(Translation)

Ep.13

(Unicode)

သကြားလုံးလေးတစ်လုံးလိုချိုမြန်ပြီး ရှာလကာရည်လိုမျိုးချဥ်စူးစူး

သူတို့ချစ်စရာ​ကောင်း​လောက်အောင်*အဟမ်း*တစ်​ယောက်နဲ့တစ်​ယောက် ကတိ​တွေ​ပေးထား​ပေမယ့် လင်းမန့်မန့်ဧကရာဇ်ဆီကို သွားမလည်​ရောက်နိုင်တဲ့အ​ကြောင်းအရင်းက​တော့ သူရုတ်တရက်ဖျားသွားလို့ပဲ။ဒါကဟန်​ဆောင်တာမဟုတ်ဘဲ တကယ်ကိုဖျားတာပါ ငါ့လူတို့။လင်းမန့်မန့်တရားဝင်ကိုဖျားသွားပြီ!

ပုံရိပ်နှစ်ခုက သူ့ခြံဝန်းထဲက​နေထွက်သွားပြီး နာရီအနည်းငယ်ကြာ​တော့ လင်းမန့်မန့်သူလုပ်​နေကျ ဟင်းချက်ရှိုး​လေးတစ်ခုလုပ်ဖို့လုပ်လိုက်သည်။အဲဒါက ဧကရာဇ်အတွက်​'နေ့လည်စာထမင်းဗူး'လို့​ပြောရမယ့်အရာကိုပြင်ဆင်​ပေးဖို့နဲ့ အ​စေခံ​လေး​တွေကို​သူ့စားစရာ​တွေကျွေးဖို့ဖြစ်သည်။​ခေတ်သစ်မှာ ထမင်း​ကြော်လို့​ခေါ်တဲ့အရာဘယ်လိုချက်ရတယ်ဆိုတာကို သူသရုပ်ပြ​နေရင်း မြင်ကွင်း​တွေရုတ်တရက်​ဝေဝါးသွားသည်။လင်းမန့်မန့်အနားမှာရှိ​နေတဲ့စားပွဲကိုအမြန်မှီလိုက်ရပြီး ရုတ်တရက်ဖြစ်လာတဲ့အော့အန်ချင်စိတ်ကြီးကိုထိန်း​နေရသည်။

လု​မောင်းကသူ့သခင်ငယ်​လေး မတ်တပ်ရပ်ဖို့ကူညီ​ပေးဖို့ရာ အမြန်ထလာသည်။အ​စေခံ​လေး​တွေက ​ရေတစ်ဖန်ခွက်နဲ့ လင်းမန့်မန့်ပိုပြီးသက်သာလာ​စေဖို့ အနံ့ရှိတဲ့​ဆေးပင်တစ်ချို့ကိုလည်းယူလာကြသည်။ရုတ်တရက်ဖျားတာ၊ရုတ်တရက်အ​အေးမိတာလိုမျိုးအဖြစ်အပျက်က ဒီပြန်လည်​မွေးဖွားလာတဲ့အ​စေခံ​လေး​တွေက အလွန်ကိုရင်းနှီးပြီးသားပင်။လင်းမန့်မန့်က ကျိုး​ကြေလွယ်တဲ့ခန္တာကိုယ်ရှိပြီး သူဘက်တီးရီးယားပိုးမွှား​တွေကိုခန္တာကိုယ်ထဲရှုရှိုက်မိတဲ့အချိန်​တွေမှာ တစ်ပါတ်ကိုတစ်ကြိမ် ဒါမှမဟုတ်နှစ်ကြိမ်​လောက်အ​အေးမိတတ်သည်။

အဒါ​ကြောင့် ဒီလိုဖြစ်ပျက်လာရင် သူတို့မှာလိုအပ်တဲ့ပစ္စည်း​တွေအကုန်ရှိ​နေသည်။သူတို့​တော်ဝင်သမား​တော်ကို​ခေါ်လို့ရနိုင်တယ်ဆို​ပေမယ့် သမား​တော်ကလင်းမန့်မန့်ရဲ့ကျူးရှအမှတ်​ပြောင်းလဲမှုကို သတိပြုမိသွားနိုင်သည်ကိုသူတို့စိုးရိမ်သည်။ပြီး​တော့ ​ဆေးပညာကျွမ်းကျင်တဲ့သူတစ်ယောက်က ​​သွေး​ကြောစမ်းကြည့်ရုံနဲ့တင် ခန္တာကိုယ်ရဲ့​ပြောင်းလဲမှု​တွေကို ​ဖော်ထုတ်နိုင်သည်​လေ။သမား​တော်​တွေအကုန်လုံးက လုပ်နိုင်တာမျိုး​တော့မဟုတ်​ပေမယ့် သူတို့သခင်ငယ်​လေးကို​ဖော်ထုတ်မိနိုင်တဲ့အခွင့်အ​ရေး​တွေကို သူတို့လုပ်မှာမဟုတ်​ပေ။