ထွက်​ပြေးမ​နေပါနဲ့​တော့ ဇနီး​လေး​ရေ(Translation)

Ep.12

(Unicode)

အခွင့်အရေးပေးခံရဆုံးကိုယ်လုပ်​တော်

ယင်မိန်မိန်က အခွင့်အရေးအ​ပေးခံရဆုံးကိုယ်လုပ်​တော်ဖြစ်သည်။ကိုယ်လုပ်တော်ဆယ့်နှစ်ယောက်ထဲမှာမှ ယင်မိန်မိန်က မင်းသားနှစ်ပါး​မွေးဖွားထားပြီး နှစ်​ယောက်လုံးက အရွယ်​ရောက်​နေပြီဖြစ်သည်။တတိယ​မြောက်က​လေးက​တော့ အသက်ငါးနှစ်ရှိပြီဖြစ်တဲ့မင်းသမီးတစ်ပါးဖြစ်သည်။ဒါ​ပေမယ့်သူမက ရှိသမျှမင်းသမီးငါး​ယောက်ထဲမှာ အလှဆုံးနဲ့အတောက်ပဆုံးလို့​ပြောလို့ရသည်။

အချက်အလက်​တွေအရက​တော့ ဧကရာဇ်ရဲ့မယ်​တော်ကြီးပြီးရင် ယင်မိန်မိန်ကိုအမြင့်ဆုံးအမျိုးသမီးအဖြစ်သတ်မှတ်ထားကြသည်။အဲဒါ​ကြောင့် ​မောင်းမ​ဆောင်ကအခြားအမျိုးသမီး​တွေက သူမကိုရိုရိုသေ​သေဆက်ဆံကြပြီး ရန်သူမဖြစ်ချင်ကြ​ပေ။ပြီး​တော့ ​နောက်ပိုင်းမှာဧကရီဖြစ်လာပြီး အာဏာအမြင့်ဆုံးဖြစ်လာမည့်သူကိုဘယ်သူကမှ
မဆန့်ကျင်ချင်ကြဘူး​လေ။

သူမ ဧကရီအဖြစ်ရာထူးတိုးမည့်အ​ကြောင်းကတော့ အခုထိမသိနိုင်​သေး​ပေမယ့် သူမရဲ့ရာထူးအကြောင်း​ကောလဟာလ​တွေက​တော့ အများကြီးပျံ့နှံ့​နေသည်။​ကောလဟာလက​တွေကတော့ များပြားလှသည်။ဧကရာဇ်က သူမကိုဧကရီအဖြစ်မကြေညာခင် သူမရဲ့အကြီးဆုံးသားအရွယ်​ရောက်လာတာကို​စောင့်​နေတာလို့လဲ ​ပြောကြသည်။ဒါမှမဟုတ်ရင်လဲ ဧကရာဇ်က ခုံရုံးရဲ့ အဆုံးအဖြတ်ကို​စောင့်​နေတာလို့လဲ​ပြောကြသည်။ဧကရာဇ်က ယင်မိန်မိန်ကိုဧကရီအဖြစ်သတ်မှတ်ပြီး​ပေမယ့် သူမရဲ့လုံခြုံရေးအတွက် သတင်းဖုံးထားတာဆိုသည့် ဇာတ်လမ်းတစ်ခုလဲ ရှိ​သေးသည်။

အဲဒါ​တွေက မှန်သည်ဖြစ်​စေ မှားသည်ဖြစ်​စေ အလှ​လေးများနဲ့အလုပ်ရှုပ်​နေတဲ့စားဘဲကြီးက​တော့ ​ကောလဟာလ​တွေကိုမငြင်းခဲ့​ပေ။​အကျော်ကြားဆုံးဖြစ်ပြီးလေးစားရတဲ့ဝန်ကြီးချန်းကလည်း ​ကောလဟာလတွေကိုရှင်းလင်းခြင်းမပြုတာ​ကြောင့် ချဲ့ကားသထက်ချဲ့ကားပြီး​ပြောဆိုလာကြသည်။အဲဒီခေါင်းစဥ်က လမ်း​ပေါ်မှာအတင်းအဖျင်း​တွေ​ပြောတဲ့သူ​တွေရဲ့ ပုံမှန်အဖွင့်စကားဖြစ်လာသည်။