ထွက်​ပြေးမ​နေပါနဲ့​တော့ ဇနီး​လေး​ရေ(Translation)

Ep.25

(Unicode)

လင်းမန့်မန့်က ကစားပွဲမှာရှုံးနိမ့်သွားတယ်

လင်းခြံဝန်းမှာ လူတစ်ဦးက​ပျော့​ပျောင်းတဲ့ခုံ​ပေါ် လဲလျောင်းရင်း ​အေး​အေး​ဆေး​ဆေးစာအုပ်တစ်အုပ်ဖတ်​နေသည်။သူ့ခန္တာကိုယ်တစ်ခုလုံးက​နေ လူတိုင်းကို​တောင်လှဲချပြီးအိပ်ချင်သွား​စေနိုင်တဲ့ ​နွေး​ထွေးတဲ့ပျင်းရိမှု​လေးကို လွှင့်ထုတ်​နေသည်။သို့​ပေမယ့် ဘယ်သူကမှမျက်လုံး​တွေပိတ်ချင်မှာမဟုတ်ဘူး။ဒီလူသားက သူတို့အိမ်မက်​တွေထက်​တောင်ပိုလှနေတာ​လေ။

က​လေး​တွေရဲ့ကျယ်​လောင်တဲ့အသံ​တွေက ဆိတ်ငြိမ်​နေတာကို ဖြိုခွင်းလာတဲ့အချိန်မှာ လင်းမန့်မန့်ပုံမှန်အတိုင်းပဲစာရွက်တစ်ရွက်ကိုလှန်လိုက်သည်။လု​မောင်းနဲ့ဖုရှင်းရဲ့ပုံရိပ်​လေး​တွေက မြင်ကွင်းထဲမှာ​ပေါ်လာပြီး သူတို့နှစ်ဦးလုံးရဲ့မျက်နှာက ရှုပ်​ထွေး​နေသည်။အစောင့်ရဲမက်ငယ်​လေးဖုရှင်းက ​​ချွေး​တွေနဲ့​ရေချိုးထားသလို​တောင်ဖြစ်​နေပြီး လု​မောင်းက​တော့သပ်ရပ်​နေ​သေး​ပေမယ့် သူ့ရဲ့ရှုပ်​ထွေး​နေတဲ့ဆံပင်​လေး​တွေက သူ့ရဲ့စိတ်ခံစားချက်ကို​ဖော်ပြ​နေသည်။လင်းမန့်မန့်က သူတို့ရဲ့အမူအယာကိုကြည့်ဖို့​မော့မလာ​ပေ။ဒီက​လေး​တွေသူ့ဆီကိုဒီလို​ရောက်လာတာဆို​တော့ တစ်ခုခုဖြစ်​နေတာပဲဖြစ်ရမယ်။

"ဘာဖြစ်လာတာလဲ?"လင်းမန့်မန့်က​မေးလိုက်​ပေမယ့် သူ့အကြည့်ကသူဖတ်​နေတဲ့စာအုပ်ပေါ်မှာပဲရှိ​သေးသည်။

"ဧကရာဇ်က စာတစ်​စောင်ပို့လာတယ်။သခင်​လေးလင်း..ဒါကိုဖတ်မှရမယ်"လု​မောင်းက တွန့်​ကြေ​နေတဲ့စာရွက်တစ်ရွက်ကိုအမြန်ကမ်း​ပေးလာသည်။

ကြည့်ရတာက​တော့ စာရွက်ကတွန့်​ကြေ​နေတာက လု​မောင်းရဲ့စိတ်ပူမှု​ကြောင့်ဖြစ်လာတာပဲ။လင်းမန့်မန့်က သူ့လက်​ထောက်မိန်းမစိုး​လေးကို သူ့စာ​တွေကိုဖတ်ဖို့ခွင့်ပြုထားသည်​လေ။ဘယ်လိုပဲဖြစ်ဖြစ် ဒီပြန်လည်​မွေးဖွားလာတဲ့အဖွဲ့ဆီက​နေ ဘာ​လျှို့ဝှက်ချက်တွေများဖုံးကွယ်ထားလို့ရမှာတဲ့လဲ။