I Broke that Devil's Heart

Chapter 67

LEILA MARQUEZ

Napakabilis ng panahon, masaya ako dahil maayos na talaga ang relationship nina Bella at Kayden. They're getting better and better. Inlove na inlove sila sa isa't isa. On the other hand, malapit na ang celebration namin ni Josh ng 2nd monthsary namin. Bukas na bukas na ito kaya talagang sobra akong nag-isip ng magandang i-regalo sa kaniya. Nakailang ikot ako no'n sa mall pero wala pa rin akong nahanap. Nakakainis lang kaya sa huli, naisipan kong mag-bake ng cake. No'ng first monthsary kasi namin ay nagregalo ako ng wristwatch sa kaniya habang ako naman binigyan niya ng necklace at isang bouquet ng yellow tulips. Ang sweet niya talaga.

"Kaya mo ba 'yang mag-isa Leila?" tanong ni manang Jully.

Napatango naman ako. "Ngayon lang po ako gagawa kaya kailangan kong pagbutihan," desididong sagot ko.

"O s'ya. Ikaw nang bahala d'yan, tawagin mo na lang ako kung kakailanganin mo ng tulong maliwanag ba?"

"Opo." Iyon lang at umalis na rin siya. Napalibot ang aking tingin sa mga ingredients na nasa harapan ko. Okay so nandito naman ang lahat ng kakailanganin ko. Tinignan ko na ang aking phone at pinanood na ang video sa Youtube tungkol sa paggawa ng cake.

Hmm... hindi naman gano'n kahirap ah.

Nagsimula na akong gumawa ayon sa tutorial. Punyeta, hindi pala madali. Medyo nalilito ako sa mga steps. May mga itinatabi pa kasing mixture. Nakakainis, dapat pala 'yung mas madali na cake tutorial 'yung pinili ko. Madali lang pala 'tong panoorin pero hindi gawin. Anyways, ipinagpatuloy ko pa rin dahil nasimulan ko na rin e. Hoping na lang siguro na maging kamukha nung gawa ko 'yung outcome sa video.

Gabi ko 'to ginawa kaya medyo naantok na akong nag-ba-bake. Naalimpungatan ako nang maamoy ang parang nasusunog na pagkain. Amoy nasusunog na tinapay. Agad akong napamulat ng mga mata.

"Ah! 'yung cake!" tili ko nang makita ang umuusok na oven. Mula sa pagkakaupo ko ay tumakbo ako kaagad palapit dito, pinatay ang saksakan at binuksan ito. Pinamaypayan ko ang usok gamit ng kamay ko at nang matanggal ang usok ay nakita ko na kung anong nangyari sa cake.

Sunog. Maitim. Shet.

Sinunod ko naman ang sinabi nung tutorial ah. Umidlip ako kasi hinihintay ko na lang na maluto 'yung bread sa oven pero nasunog naman. Napatitig ako sa oven, do'n ko na-realize. Ah! Hindi ko na-adjust 'yung temperature! Oh god! Oh god! Bakit ko 'yon nakalimutan?!

Inis akong napasabunot sa 'king buhok. Kung gano'n kailangan kong ulitin ulit mula sa umpisa! Ughh! Inis akong napasulyap sa wallclock.

12:03 A.M

Bahala na. Mag-uumpisa na lang ulit ako. Inulit ko ulit ang aking ginawa mula sa umpisa, mix dito, mix doon. Nang maisalang ko sa oven ay umidlip ulit ako kasi talagang antok na rin ako. Nagising din ako nang marinig ang pag-beep ng oven. Thankfully, naging maayos naman ang pagkaka-bake ko. Next thing is pinahugis ko ng heart 'yung cake then inilagay ko na ang red icing. Inayos ko talaga ang pag-spread para maayos naman tignan hindi yung magulo. Lastly, naglagay ako ng Happy 2nd Monthsary! sa cake using white icing naman.

Napatili ako ng mahina nang makita ang gawa ko. Tapos na rin! At hindi rin ganon kasama! Hindi na tuloy ako makapaghintay na ibigay 'to kay Josh bukas na bukas. Ano kayang reaksyon niya? Pinaghirapan ko 'to kaya napaka-espesyal talaga. Sana nga lang hindi masama ang lasa. Inilagay ko naman na ito sa fridge at nagligpit na rin ng gamit. Late na talaga akong nakatulog dahil halos past 2:00 na no'n, kinaumagahan tuloy ay sobrang bigat ng mga mata ko. Hindi ko muna ibinigay 'yong cake sa kaniya, ipina-ref ko muna sa canteen sa cafeteria. Kukunin ko na lang siguro mamayang recess.