#ورد_العمر
الحلقة :: 11 ::
منذر: مش لدرجة الاختفاء هدا كله
كريم: انت شن تبي فيها بس؟؟
منذر: مالاخير ناوي نخطبها البنت عاجبتني وامي تبي تزوجني .. فكرت بيني وبين نفسي البنت مافيها مايتعايب ماشا الله جمال واخلاق وحشمة .. تصدق حتي الجامعة ماتبيش تتلاقى معاي قالت سمعتي وسمعة عيلتي <3
كريم: باهي ربي يهنيك انت وياها ان شا الله <3
منذر: هههههه والفال ليك ياخوي .. انت كويس وتستاهل كل خير
كريم: هههههه منووور
,,,,,,,,,,,,,,,,,,,,,,,,,,,,,,,,,,
زياد: نشوف علاء قبل
مريم: باهي شوفها العيلة وافقو خللي نديرو رؤية شرعية وشوفها واعطي رايك طووولناها
زياد: مش لازم .. انا شايفها قبل
علا: امي ماتعرفش الحاجات اهيا .. يايمة ولدك قصده موافق عليها بكل شي
عبير: ههههههه امتي مروح خالدك انتي ؟؟
علا: غدوا العشية توصل طيارته .. اخته اتصلت امبكري باش تستفزني وتسكر مبررردها
عبير: هههههههه
مريم: برا سلم وليدي شوف وخيك بالك يوجعه خاطره والا حاجة كان مشينا
زياد: ايه تمام راكبله توا .. هي سلام
,,,,,,,,,,,,,,,,,,,,,,,,,,,,,,
جلال شاف صالح درس سيارته ونزل يجري ..
جلال: السلام عليكم
صالح: وعليكم كما قلتم
جلال: مكلمك ع موضوع ليه فوق من شهر
صالح: ماهو ماعندي حد يكلمني غيرك الصراحة عندك الحق
جلال: باهي عادي نتكلمو توا؟؟
صالح: شني تفضل!!
جلال: نبي نخطب بنتك الصغيرة
صالح: ههههههههههههههه شني قلت ؟؟
جلال: علاش الهزوة اهيا ؟؟
صالح: انت بديت بيها ,.. سكر ع الموضوع ماعنديش بنات نعطيهم
جلال: تي لاش الجو .. شفتها وعجبتني الصراحة ماشا الله
صالح شده من سوريته : سيرة بنتي ماتجيبهاش ع لسانك فاهم ولاه!!
جلال: ههههه علاش هيا قالتلك تحبني ولاه ؟؟
صالح رخاه وسواله سوريته باستفزاز: لو تقعد اخر واحد بنتي مستحيل تشوفلك حتي بربع عين
جلال: لا هيا شافتني بعيونها الزوز لما كنت انا وياها في ,,,,
ضربه بونية قوية طيحه لوطة ,, طبسله وقامه من سوريته ,,
صالح: قلتلك ياحيوان بنتي ماتجيبهاش ع لسانك .. واحد حقير زيك مايشرفنيش اناسبه
جلال خدي ولع سبسي,, وطلع الدخان ع وجهه وقاله: اسمع ماديرليش فيها جو بنتي شريفة ونظيفة .. راهو بنتك انا يللي نعرف شن دارت وشن ادير ,, تعرف ياصالح ولاه !!,, بنتك زي السبسي اهوا
لوحه وعفس عليه برجله ..
جلال: ان شا الله تكون فهمتني ههههههههههههه
ومشي وخلى صالح يغلي من الداخل .. خبط باب سيارته وركب لحوشه يجري ,,
مريم: صالح وليدي روحت ..
مشي ماردش عليها .. مريم: ان شا الله خير . هوا كل واحد بهمه
,,,,,,,,,,,,,,,,,,,,,,,,,,,,,,,,,,,,,,
عبير ولى عليها خاطرها ,, شدت نقالها واتصلت بيوسف <3
يوسف: الووو ..
عبير: كيف حالك يوسف؟؟
يوسف: مني معاي ؟؟
عبير: بجديات تتكلم انت ؟؟
يوسف: اااه عبير .. شن خطرنا عليك ؟؟
عبير: مانعرفش .. المهم فاضي انت !!
يوسف: لا مش فاضي ,, نروح نكلمك
عبير: اوكي نراجي فيك سلامات
يوسف: سلامات
عبير بعد ماسكرت منه قعدت تدوي بروحها (( خيره اسلوبه هكي ؟.. يوسف تغير هلبااا ماكانش هكي .. ومن امتى الوقت اهوا يكون مشغول ؟؟.. ياحليلي كله مني .. ياريتني ماجفيته راني توا متزوجة وبنسافر ههههه .. ياعليك حالة ,, براحته كان كلمني باهي كان هدا سليمته ,, خللي نرقد وراي 60 الف حاجة ))
خشت عليها علا : اسم لله خيرك هبلتي تدوي بروحك ؟؟
عبير: ههههه لا مازال بكري .. ندوي ع يوسف المختش هدا
علا: ههههه شن صار في موضوعك؟؟
عبير: بنقوله خللي نأجل العرس شهر تاني وبعدين نديروه شن رايك؟؟
علا: ايه خير ماديري البنية صغيرة والحزن مش باهي عليها
عبير: لكن امها تو ادير العار -_-
علا: من ناحية بدير العار ايه والله لما اديره .. امي كل يوم تركبلها تلقاها تبكي واتنوح مش عارفة علاش بس؟؟
عبير: بنتها راهي صعبة
علا: ايه عارفين بنتها بس ليها شهر ومعاها ومابطلتش البكي .. تي حتي بناتها ينزلو يباتو مع امي
عبير: ربي يهديها ويصبرها .. اسمعي بنخش نرقد شن عندك اديري انتي ؟؟
علا: الياس قايمها سهرية اليوم .. وخالد غدوا مروح نفكر شن بندير العشي وكيف بنستقبله
عبير: ههههه ياجو شاعري انتي .. حماواتك يخلوك ؟؟
علا: نفكر ندير سم في الماكلة نتفكى منهم والا نديرلهم كتيبة يتزوجو ويتهنو ونريح راسي منهم ههههه
عبير: ربي يعينك ههههه هي تصبحي ع خير
,,,,,,,,,,,,,,,,,,,,,,,,,,,,,,,,,,,,,,,,,,
علاء سكر باب الحوش وتلفت لقي نهلة واقفة وراه !!
علاء: تبي حاجة؟؟
نهلة: شن كان يبي زياد؟؟
علاء: يبيني غدوا نمشي معاه نخطبله
نهلة: وعلاش مايمشيش صالح والا محمود
علاء: ماشي انا وصالح ومحمود عنده ماساده مرته تاعبة في حوش اماليها
نهلة: مادامها في حوش اماليها لا تاعبة لا سو .. وانت مش بنتك كيف توفت والا هذا مايفكروش فيه؟؟
علاء: نهلة اسمعيني .. بنتي صغيرة والحزن عليها حرااااام تفهمي فيا انتي حرااااام حرااااام
نهلة قعدت تصيح وتعلي في صوتها : نعرف حرااام وهما مش حرام عليهم ماشيين يخطبو ويفرحو وانا بنتي ماسكرت سنة؟؟
علاء: نقصي حسك ,, وبعدين من امتى احني نحزنو؟؟
نهلة: خوك زياد قبل ماباش يخطب لين يسكر بوه سنة وتوا ماشي وبنتي ماليهاش شهرين متوفية
علاء: هوا حر مادخليش فيه .. وبعدين انتي من قالك بري معاهم .. انا بنمشي بس
نهلة: عارفة اصلا لو هما يعرفو الاصول كانو قالولي بس الله غالب
علاء: خللي الليلة تمشي ع خير وريحيني من النكد الله يريحك
نهلة: بنريحك مني بكل .. هي ارفعني لحوش اماليا
علاء: وراس امك !!
نهلة: ايه ارفعني انا وبناتي لانك لا انت ولا اماليك حاسيين بينا .. نسييييم رنييييم !!
علاء: البنات عندي امي لوطة مش مستعد نرقدهم اهني مانطمنش عليهم
نهلة: وعلاش شن بنقتلهم انا؟؟
علاء: لا .. لكن مش مدورتيهم وتكشخي عليهم ,, اسمعي يامرا البنت ملايكة ومن دنيتها لجنتها ماتعذبيش خواتها .. وماتعدبنيش معاهم .. انتي المفروض تفرحي بنتك ح توقف ع باب الجنة وتنادي باسمك (( مش ح نخش لين تجي معاي ماما )) والا هادي مش سامعة بيها .. يللي اديري فيه انتي كترتيه وخترتيه .. لازم تؤمني بقضاء وقدر وتعرفي انه ربي مادار هكي الا باش يختبر قوة ايمانا وصبرنا . نهلة ياحبيبتي فيقي ع روحك شوفي عمرك كيف وليتي ضعفتي والاسود ماتبيش تنحيه .. حتي الماكلة معاد تاكلي زي قبل .. راهو بناتك قريب يكرهوووك .. تقول ماعندك غير جنى .. استوعبيه كلامي جنى توفت وعند ربي توا .. نسيم ورنيم يبو امهم الاولة يللي ماترقدش لين تحكيلهم حكاية يللي لما ينوضو الصبح يلقو صفرة الفطور قدامهم يللي لما خاطرهم يطلعو امهم تنكد ع بوهم لين يطلعهم .. المدرسة ع الابواب لازم توقفي مع بناتك وتشدي ايديهم وتقريهم .. ماتخليهمش يكرهو اختهم ويخشو في حالة نفسية تتعبي انتي وانا معاهم .. نهلة نبيك ترجعي زي قبل نبيها مرتي الاولة يللي تحكيلي شن صار معاها وتهدرزلي مايفوتش يوم الا ماديرلي نكدة ههههه والله هكي انا راضي بيك ونبيك معاي ومع بناتك .. تمام !!
شد علاء كتافها وابتسملها ومشي لداره وخلاها واقفة تبكي وتفكر في الكلام يللي قالهولها
,,,,,,,,,,,,,,,,,,,,,,,,,,,,,,,,,,
طبعا صالح طووول الوقت كان قارنهم ومنكد حتي الكلام ع قد ماحاولت فيه ريهام يهدرزلها مايبيش .. كان يفكر في كلام جلال وبينه وبين نفسه مايبيش يتسرع وعارف ومتأكد انه جلال يكذب عليه ومالاحظش ع بنته شي باش ينفعل عليها ..
جيداء: بابا <3
صالح: هااااا
جيداء: تبيني نحطلك عشي ؟؟
صالح: لا ماخاطريش
جيداء: باهي بابا القراية قريب امتي بنشري حاجات المدرسة؟؟
صالح: غدوا خللي علي يرفعك
جيداء: لا فكني منه ارفعني انت بالله عليك
صالح: مش فاضيلك عندي موضوع .. حولي بنمشي نرقد
جيداء: اوكي !!.. تصبح ع خير
طلع من دار المعيشة لداره رقد .. خشت عليها غيداء .
#Dudu
