#ورد_العمر
الحلقة :: 17 ::
خدي مفاتيحه وتليفونه وطالع
غيداء: وين ماشي ؟؟
زياد: تو نجي
,,,,,,,,,,,,,,,,,,,,,,,,,,,,,,,,,,,,,,,,
ميار فاقت لقت خوها منذر جنبها .. واخدة النوم ع الكرسي :(
ميار: آآآخ راسي :(
منذر: ميااار فقتي ؟؟.. شن حالك توا ؟؟
ميار: الحمد لله .. الله يسامحك يابابا :(
منذر: خيره شن دارلك بوي ؟؟
ميار: آه .. آه .. لاشي .. زلقت في الحمام بعد مادوش بابا :(
منذر: تي قالولي طحتي من الدروج :\
ميار: آه رااااسي يامنذر مش وقت تحقيقاتك
منذر: انتي اللي تهدرزي بروحك -_-
ميار: ماما وين ؟؟
منذر: روحت امبكري شوي .. تبي نجيبلك حاجة ؟؟
ميار: لا ننبيش نروح للحوش :(
منذر: وين تبي تمشي امالا -_-
ميار قامت عينها ع الباب لقاته مردود وبان عليها وجه زياد .. ارتبكت معاش عرفت شن ادير !!
ميار: منذر عادي تمشي تجيبلي امية وحاجة حلوة ناكلها ؟؟
منذر: حاااضر :)
طلع منذر من الدار .. بعد بدقيقة خش زياد وسكر الغرفة بالمفتاح
ميار: انت شن ادير هنا يامهبول ؟؟.. كان يشوفك خوي ؟؟
زياد: خللي يشووف .. انتي اللي شن اديري هنا ميار ؟؟.. شن صاير معاك ؟؟
ميار: ماصاير شي يازياد :(
زياد: باهي خيرك في المستشفى .. وين تليفونك باه ؟؟
ميار: في الحوش .. طحت من الدروج :(
زياد: كدابة ميار .. كان طحتي من الدروج شوي وتفيقي مش لدرجة راسك عليه هكي كدمات ووجهك اصفر ... تكلمي خير مانديرلك العار توا ؟. شن صار معاك ؟؟
ميار: بوي يازياد (( وقعدت تعيط .. قعمز جنبها زياد ))
زياد: اوووش ليش تبكي بس ؟؟
ميار: ضربني اهئ اهئ
زياد: علاش ضربك باه ؟؟
ميار: آه ..آه .. سمعني نهدرز انا وياك امس :(
زياد: امتى هدرزنا ؟؟
ميار: آه مانتفكرش يازياد ماتوقفليش ع وحدة ونص -_-
زياد: اوكي حاااضر بس اوووش معاش تبكي :)
ميار: بالله عليك كان تحبني ماتتخلاش عليا اوكي !
زياد: انتي صاير معاك موضوع تاني ماتبيش تحكيه ؟.. بوك رافضني ياميار ؟؟
ميار: هئه .. زياااد !!
شبحتله بكل براءة وطاحت في حضنه وقعدت تبكي .. زياد مصدووم لأول مرة في سنتين ميار تتجرأ وتحضنه هكي بدون سابق انذرا :o
حط ايديه ع ظهرها وزاد بقوته تغمرها وهيا مازالت تبكي زي الطفلة يللي انكسرت لعبتها وهذا الشخص الوحيد يللي بيصلحها <3
قطع عليهم هاللحظة الرومانسية صوت الباب يطق :)
ميار: حي عليا منذر جي :o
زياد: هههههه حي عليا انا وين بنلبد ؟؟
ميار: للحمام احسن شي ههههه
زياد: ووووه عليا ضحكتك تهبل يابنت <3
ميار: برااا عاد عيب .. مانبيش نعطل ع خوي برااا هههههه
زياد: تبيني نمشي ونسيب هالقمر ؟؟
ميار: هههههه نحبك باه <3
تحشمت ميار بعد ماقالت كلمتها يللي تراجي فيها سنين اللحظة هادي .. أما زياد قام خصلات شعرها من ع وجهها وقاملها راسها :)
زياد: ربي يحفظك ليا ياأم صغاري <3
انقشعت الابتسامة من وجه ميار لما تفكرت موضوع زواجها لوجدي لاسباب دوة غلط عليها :(
منذر: ميااار .. خيرك ساكتة؟؟.. افتحيلي :\
ميار: اوكي هي .. برا وراس حبي للحمام هونا جنب الباب :)
زياد: اوكي ردي بالك ع روحها .. وخلي هدا معاك :)
ميار: هههههههههه بيلا ؟؟
زياد: بالك تبيني نجيبلك ايفون 6 في هالليل -_-
ميار: اللي يجي منك يامحلاه .. باااي غزالي <3
زياد: ههههههههه اوكي
خش زياد الحمام .. وفتحت ميار باب الدار
منذر: خيرك عطلتي ؟.شن كنتي اديري ؟؟
ميار: آه كنت في الحمام .. جبتلي كيندر ؟؟
منذر: مالقيتش في سنكرس هاك شدي
ميار: اوكي خش
قعدت ميار واقفة قدام خوها .. هوا يشبحلها مستغرب :\ .. قعدت تأشر بايديها باش يفهم زياد :)
ميار: ووووه هالذبااان تي اطلع اووووف (( وتحرك في ايديها فووق ولوطة ))
منذر: الحرارة ادير اكتر -_-
ميار: هههههههه
زياد تسلل وطلع .. وقعد يضحك قدام الدار ع حركاتها الغبية
#لحظات_شغف_تسعدنا <3 <3
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
غيداء: صباح الخير منذر :)
منذر: صباح النور :)
غيداء: بتجي للجامعة ؟؟
منذر: ايه ان شا الله .. توا مروح الحوش بميار نبدل ونجيك :)
غيداء: اوكي سلملي عليها <3
منذر: باه تشاو -_-
ميار شبحتله : من كنت تكلم ؟؟
منذر: صاحبي كريم -_-
ميار: هههههه صباح النور وابتسامة من الوذن للوذن وكريم يللي اتصل ؟؟!!
منذر: ان شا الله تبري -_-
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
رنيم: صباح الخير ماما ..
نهلة: صباح النور غزالتي .. لبستي قرمبيولك ؟؟
رنيم: ايه تساويلي شعري ؟؟
نهلة: وين اختك جنى ؟؟
رنيم: جنى !!
نهلة اذكرت غم عليها قلبها وبعدين خدت نفس عميق وتلفتت لقت نسيم ورنيم يشبحلوها :\
نهلة: هي خودي نصك انتي وياها .. ردو بالكم يكلمكم حد وتمشوله باهي !!
رنيم & نسيم: حاااضر مامي <3
سقدت صغارها للمدرسة مع الباص .. وبدت في حوسة حوشها .. وبتنزل تتغدا مع عبير ومريم <3
,,,,,,,,,,,,,,,,,,,,,,,,,,,,,,,,,,,,,,,,,,,,,,,
جيداء: آووووف منها غيداء أوووف
ريهام: خير دعوتك تنفخي ؟؟
جيداء: لبست كندرتي جديدة ياماما .. تفشك قدام صحباتها وانا نقعد هكي آوووف ياربي
ريهام: عندكم شوووق كنادر غير هديكا نزلت فيها الحليوة ؟؟
جيداء: وين شوووق كنادر .. تي كندرة بيج وحدة -_-
صلاح: انا مش مراجي اكتر من هكي ره بنمشي .. كان بتمشي للمدرسة هي انزلي -_-
جيداء: هي حاااضر .. نلبس الرمادية وخلاص -_-
نزلت جيداء تساوي في وشاحها الوردي وبدلتها التانوية رمادية وشنطتها بيج ع اساس مركبتلها كندرة بيج لكن هيهاآآت هيهآآت :(
وكيف طالعة من الباب لقت بوها واقف ع محمد صاحب زياد ..تلفت محمد لقاها ابتسم وانسحب من هدرزته مع بوها ووقف جنب سيارته ..
فاتت من جنبه قالتله: صباح الخير :)
محمد: صباح الورد <3
ركبت السيارة ومشت .. ومادارت اي اهتمام ليه ولما صبحت عليه من باب رد المعروف يللي داره معاها :)
,,,,,,,,,,,,,,,,,,,,,,,,,,,,,,,,,,,,,,,,,,,,
عبير: انا طالعة :)
مريم: وين ماشية العفو ؟؟
عبير: مش قلتلك بنمشي فاطرة مع صاحبتي في باباروتي بترفعني هيا <3
زياد: زي يللي سمعت دوة غلط انا !!
عبير: بالله عليك ماتعرضليش والله فديت من الحوش خلوني نطلع شويا :(
زياد: اوكي خيرك قريب تبكي ههههههه نرفعك انا <3
عبير: بجديااات !!
زياد: ايه والله .. هي نراجي فيك سلامات يمة
مريم: ردو بالكم ع روحكم .. سلم صغيوريتي والله <3
,,,,,,,,,,,,,,,,,,,,,,,,,,,,,,,,,
ميار كانت فرحانة وكل ماتذكر لقطة زياد امبارح تقعد تضحك بروحها زي الهبلة لين بوها وامها ششكو ان صارللها حاجة لدماغها :\
بعتلها مسج (( أحلا صباح للقمر ميار حبيبتي ربي يحفظك ويحميك )) .. ردت عليه بمسج (( نحبك ياعمري انت .. ونتخلا ع العالم في سباك ))
,,,,,,,,,,,,,,,,,,,,,,,,,,,,,,,,,
جيداء نزلت تلاقت مع صحباتها وقعدت تهدرز وتحكي والفرحة مش سايعتها .. لان بدت القراية وبتغير جوها خير من قعاد الحوش وشوفة حوش جيرانها جلال يللي تمرض :(
حليمة: انتي حقيرة تو معقولة طرف زي صاحب عمك هدا وترديه ؟؟
جيداء: مارديتاش ياغبية .. اصلا ماتقدمش باش نرده .. حكيتلك شن دار لجلال الكلب >_<
حليمة: ايه حق علاش جلال شادها في جرتك ؟؟
جيداء تفكرت مأساتها غيرت الموضوع ع طووول
جيداء: حييي خشي ابلة زينب تنادي :)
حليمة: زي يللي غيرتي الموضوع هههههه عادي انا صاحبتك ح تقوليلي توا والا بعدين :)
جيداء: ايه غير استني -_-
,,,,,,,,,,,,,,,,,,,,,,,,,,,,,,,
غيداء: اهلين منذر كيف حالك ؟؟
منذر: الحمد لله تفضلي قعمزي
قعمزت غيداء وكانت متوترة وخايفة .. وحايرة كيف بتبداها المصيبة !!
منذر: ان شا الله خيرك متوترة ؟؟
غيداء: منذر انا مانصلحش نكون مرتك الا في حالة رضيت بكل عيوبي !!
منذر: فهميني كوويس .. الايام هادي صاير استيعابي بطئي ؟؟
غيداء: انا كنت مداير علاقة مع كريم صاحبك :(
منذر: من صاحبي ؟؟.. كيف علاقة ؟.. فهميني بالشويا خيرك ؟؟
غيداء (( قعدت تبكي معاش تمالكت نفسها ))
منذر: والله مافهمت منك حرف .. علاش تبكي بس؟؟
غيداء: لما سافرت كريم قعد وراي واغراني انه احسن منك في كل شي .. ارتبطت بيه 3 سنين وانا وياه هدرزة وجو .. هدا كله في غيابك .. وبعدين قلتله اني نحب منذر وانت مستحيل تاخد مكانه نهدرز عليك غير من فراغ .. فصل عليا وقعد يهدد فيا كل يوم وتانيك .. ولما روحت كل مانجي نحكيلك كان يمنع فيا مايبينيش نقولك الصدق يبيني نعيشك في كذبة ويكون هوا الربحان وبينتقم مني ... جيت برجليا قلتلك كل شي يامنذر وطووول هالفترة نباعد عليك باش مايصير تصادم بيني وبينه .. انا معاش نقدر نكدب عليك اكتر من هكي .. واللي بتقوله فيا قوول انا صح حمارة والله حمارة ضيعتك :(
منذر: كريم صاحبي ؟؟.. غيداء حبيبتي ؟؟.. قصدي خبطتين ع الراس توجع .. معقولة الخيانة تطلع منكم انتم الزوز ؟؟.. معقولة كريم صاحبي من كنا صغار يدير هكي فيا .. وانتي ؟؟.. علاش درتي هكي ؟؟.. تعرفي علاش ؟؟.. لانك مادية وسطحية وكريم فلوووس وربي فاتح عليه ابوابه قلتي خللي نربحه والفقري هدا ليه ربي ولاه !!
غيداء: لا والله ماهكي .. منذر انا ...........
منذر: انتي واحدة حقيرة وماتستاهلي الحب يللي عطيتهولك .. والعيب مش فيك ولا في كريم العيب فيا انا يللي ماعرفتش نختار الناس الباهية .. عطيتكم ثقة فوق اللازم ليش تخونوني ليييييييييييش !! .. الزوز لعبتو من وراي طووول هالسنين مخدووع فيكم >_<
غيداء: غير اصبر واسمعني :(
منذر: اسسسسسس ولا كلمة .. وحق ربي .. ماتخلينيش نغلط فيك اكتر من هكي ..
مشي منذر وخلاها واقفة تشبحله ومصدومة .. ليش تنصدمي ياغيداء معاه حق منذر .. يللي درتوه فيه مش شويا ..يطلع العاقل من عقله !!
,,,,,,,,,,,,,,,,,,,,,,,,,,,,,,,,,,,,,,,,,,,
عبير وصاحبتها روايدا <3 في باباروتي <3
عبير: حييي بنته خيااال اول مرة نجيه تصدقي ؟؟
روايدا: بطووول عمرك حبيبتي <3
عبير: قولي شن حال راجلك ؟؟
روايدا: الحمد لله ليه شهر مسافر هههههه
عبير: شن يدير ؟؟
روايدا: يشري في بضاعة ليه ليه .. تاجر يائلبي ههههه
عبير: ها ربي يهنيكم .. شني مافيش حاجة ع طريق ؟؟
روايدا: اصلا حرقتيها المفاجآة يللي عازمتك عليها هههه
عبير: حي ماتقوليهاااش ؟؟
روايدا: والله بجد .. بنوتة عسل ان شا الله تجيني زيك بس <3
عبير: ربي ينوضك بالسلامة .. ايه وشن صاير لحياتك احكيلي قداش ليا عليك ياختشة
روايدا: جاياتك في موضوع تاني من غير لف ودوران .. اندور لخوي أسعد ومالقيتش خير منك بعد مافسختي من المهبول يوسف -_-
وهيا قالت كلامها من هنا وخش يوسف معاه بنت وكان باين عليه فرحان .. جمعتهم الصدفة من جديد بس ماكانتش حلوة زي الاولة .. اضايقت عبير من الوضع يللي يوسف عليه .. وكانت روايدا عاطياته بالظهر يعني ماشافاتاش :\
روايدا: خير دعوتك ؟؟.. وين سرحتي ؟؟.. ماتقوليش تفكري فيه القرد هداك ؟؟
عبير: لا مافكرت في حد .. اسمعي بنقولك .....................
#Dudu
