#ورد_العمر
الحلقة :: 20 ::
منذر اتصل بغيداء :(
غيداء: اهلا منذر كيف حالك :)
منذر: غيداء انا مسامحك :(
غيداء: بجديات تتكلم :o
منذر: ايه بجديات .. سامحتكم الزوز .. وباذن الله مقدم وراقيا عن النت للجامعة في فرانكفورت واكيد ح يقبلوني .. وخليتلك الساحة انتي وكريم وربي يهنيكم مانقدرش نفرق بين حبيبين لمجرد انه صاحبي والبنت اللي حبيتها :(
غيداء: لاااا يامنذر مش هكي :(
منذر: خليني نكمل كلامي .. انا ح نبعد عليكم نهائيا .. وانا اسف لاني اتعديت حدودي وعيطت عليك مش من حقي ومش قصدي اسف مرة تانية .. هي سلامات :(
غيداء: راااجي شوي ءءء
منذر سكر الخط وقعد يعيط ع طووول رقبته .. كلامه يللي طلع منه كأن موووس وانغرس في صدره ..
أما #غيداء فسكرت منه مصدومة ليش هكي يقول ؟؟.. وكلامه من قلبه زعما ؟؟
,,,,,,,,,,,,,,,,,,,,,,,,,,,,,,,,,,,
علاء وصالح مشو لمحمود في حوشه
محمود: تفضلو تفضلو .. سوسن جيبي القهوة :)
علاء: انا مش جاي لا نشرب لا ناكل عندك انا جاي .....
صالح: اسسسس ياعلاء خلينا نقعمزو ونتفاهمو بالعقل >_<
علاء: باهي باه ..أأأح
محمود: ههه خيرك شن في؟؟
علاء: شن شن في؟؟ .. تأجر شقتك ولا تشاور ولا تناور كأن مافي حد وراك ؟؟
محمود: انت قلتها شقتك .. مامسيت شي مش ملكي -_-
صالح: كيف يعني ؟.. انت مقتنع بالشي يللي درته !!
محمود: اكيد مقتنع .. لاني مادرت شي غلط ولا حرام :\
ثالح: مش قصة غلط وحرام .. القصة قصة احترام لراينا .. خوتك الكبار احني .. اكيد مش ح نمنعوك من الشي هدا .. لكن آهو تعتبر قلتلنا وعندنا علم وخلاص :\
علاء: مش نجي نخش لحوشنا والبراني يقوولي راهو خوك أجرلي >_<
محمود: ماداما مش ح تمنعوني والموضوع مش مضايقكم ليش جاااييين في الليل تعيطووو واديرو في العار -_-
علاء: العار انت يللي درته .. تو معقولة ادخل واحد براني علينا ؟؟
محمود: شن بيرقد عندك هوا >_< .. تي شقتي شقققققققتي يانااااس .. ملكي حلالي ..بوي ورثهالي .. تي مالكم مااالي الززززح .. تي تقول عيل جاااين تعيطو عليه .. يااااسر منه الجو اهوا .. تحملتكم قبل لعيون بوي وبس .. مش محبة فيكم .. درتولي من الحبة قبة !!... وبعدين مش ح يوقف الموضوع اهني وبس .. نبي ورثي من بوي خلوني نكووون حياتي انا ومرتي ,, وكل واحد يكوون حياته كيف مايبي .. لا انا ندخل فيكم ولا انتم تتدخلو فيا >_<
صالح وقف مصدوم في كلام خوه .. أما علاء فضحك ضحكة استهزاااء .. لان مااستغربش كلامه من الأول كأن محمود كلمته عند مرته وماعنداش سلطة عليها واكيد هيا يللي محركاته ع خوته .. ناض علاء وطلع بيدخن برا الفيلا يللي ماكانش ناقصتها حاجة .. كاملة من كل شي .. لأن ايجارها غااالي !!
صالح: هذا أخر كلامك يامحمود؟؟
محمود: ايه .. والورث نبيه اليوم قبل غدوا .. وانتم خلتيوني نتتكلم كنت ساكت وصابر عليكم هلباااا لين فاااض بيا -_-
صالح: انت عارف ورث بوي كله كله العمارة والحوازة يللي احني فيها .. تبينا نبيعوها وين بنمشو باه !!
محمود: خودولكم حياااش بعاااد ع بعض ترتاحووو -_-
صالح: نرتاحو ؟؟؟
محمود: ايه .. تكذب ع روحك انت وياه لو كنتو مرتاحين
صالح: ماشكيت من شي انا .. وانا الحمد لله عايش مرتاح مع امي وخوتي وصغاري .. شن نبي احلا من هكي ؟!؟
محمود: لو قعد كلامك اهوا لشهرين القدام بسسس تعالا حاسبني اوكي ؟!!.. معليشي صالح تاعب ونبي نرتاح .. غدوا ولي ونهدرزو -_-
صالح: غدوا ولي ونهدرزو !!.. مستغرب فيك وفي كلامك انا .. خيرك هكي وليت ؟؟!!
محمود: آآآآآخ
علاء من برا قعد ينادي في صالح: صااااااالح ياصااااالح ..هي نروووحووو مافيش فايدة منه هدا راسه مسكر >_<
محمود: -_-
صالح: :\
طلع صالح خايب الأمل ماكانش مصدق يللي صار !!.. ماكانش مستوعب الموقف !!.. ماكانش يبي هكي يصير !!.. شن يللي صار اصلا !!
أما علاء كان متوجع لوجع خوه الكبير .. :(
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
جي الخميس <3 <3
بيان عبير يللي كانت تراجي فيه ..
علا: ياقردة نوووضي ياسرك من النوووم
عبير: 5 دقايق بس
علا: خميرة نووووووم .. الساعة 10 وزياد يراجي فيك لوووطة مش بتمشي للمزين ؟؟
عبير: ماخاطريش تعرفي :(
علا: بدينا في الدلع -_-
عبير: والله بجد .. آآخ اذكرت بياني انا ويوسف :(
علا: فكينا عاااد الله لا يرده .. هوا اللي باعك شن بتقعدي تجري في جرته باش يرضى .. حبيبتي ديري لروحك كرامة -_-
عبير: اوكي اوكي . هي اقلبي وجهك بنبدل :\
علا: اوكي ههههههه
عبير: حي روايدا تتصل :)
علا: ردي عليها بالك بتقولك امتي بيجو ؟؟
عبير: آلو روايدا :)
روايدا: كيف حالها مرت خوي اليوم ؟؟
عبير: هههههه الحمد لله .. شن تبي اختصري بنمشي للمزين :)
روايدا: هههههه غير بنقولك بنجو مع الساعة 9:00 تمام حبي !!
عبير: تمام هي بااااي :)
علا: امتي بيجو ؟؟
عبير: التسعة .. هي خليني نلحق ع عمري :)
علا: اوكي ربي يهنيك ان شا الله :)
عبير: حق علاش ماتبيش تمشي معاي ؟؟
علا: خالد بعدين بيرفعني لجارتي فاتحة مزين وماشا الله عليها :)
عبير: وعلاش ياقردة ماقلتليش عليها قبل مانحجز بهداك الحساب -_-
علا: مانبيكش تطلعي احلا مني ههههههههههه
عبير: اوكي طيري -_-
علا: اوكي :)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
غيداء: ياماااااااااااماااااا
ريهام: غمامة ان شا الله ... شن في؟؟
غيداء: ينادو عليك لوووطة
ريهام: مني ينادي عليا :\
غيداء: اميما :)
ريهام: اوكي ... استعجلي انتي مش تقعدي عااااام ادوشي -_-
غيداء: باهي ان شا الله .. قلتي لجيداء تروح بكري اليوم ؟؟
ريهام: ماندري عليها .. مانوضلهاش اليوم :(
غيداء: آها .. عادي عادي ماتفكري في شي
ريهام: باهي انا نزلت :)
غيداء: اوكي ..
أختلت غيداء في الحوش بروحها .. اتصلت بمنذر يللي ليها اسبوووع ماكلمتاش .. ماردش عليها .. حاولت مرارا وتكرارا مافيش فايدة .. بعتتله مسج (( نبيك ضروري ))
راجاته 5 دقايق ماعاودلهاش .. مشت دوشت وبدت توتي في روحها :)
,,,,,,,,,,,,,,,,,,,,,,,,,,,,,,,,
سوسن جت بعد الغدي وجايبة معاها البكلاوة .. وقعدت اطبق وتوتي في الكينكش قبل مايجو الناس :)
نهلة توتي في صفر الحلو والحار .. وجايبين موضيفات للكوجينا من غسل وضمان ..
غيداء بعد ماكملت نزلت تبخر في الصالة .. ولبست ولد عمته الياس وقعدت تاخدله في لقطات .. اما الحاجة مريم .. قعمزت مع جاراتها يللي جو بيعولو معاها ويساعدوها .. مالقو شي يديروه قعمزو وقعدو يهدرزو .. زياد الساعة 6 درس قدام المزين وتخايل لو ميار في مكانها وتكون ليه <3 .. فتح فونه وطلع صورتها وقعد يتخايل فيها ويتفرج ومش قادر يضغط ع زر الاتصال .. خايف يوجعه ومش بايده شي يديره :(
صالح كان مقعمز مع جيرانه يللي من ضمنهم بو جلال .. ويهدرز ع خشة محمد صاحب زياد .. سلم عليهم :)
صالح: تعالا تعالا :) .. هدا ان شا الله بيكون نسيبي ياجيران ههههه
محمد: :)
قعدو الرجال يباركوله .. ومحمد كان فرحااان ومش مستوعب حجم الفرحة يللي هوا فيها .. بنقوللكم ع معلومة .. (( فضانية وبيان )) مع بعض :) .. يعني عزومة رجال ونساوين ..
منذر مشي لحوش غيداء لقي الزحمة قدام الحوش وناس فرحانة خاشة طالعة .. :\
فات من جنبه وليد صغير شده من ايده ..
منذر: شن في هنا ؟؟
الولد: بيان بنتهم وفضانية :)
منذر: باهي برا -_-
مشي الولد .. ومنذر سكر روشن سيارته المظلم .. وقعد يكلم في نفسه (( غيداء اكبر بنت في العيلة .. وعمتها مخطوبة .. وهالفرخ قاللي بيان بنتهم .. معناها غيداء بيانها اليوم .. وهدا علاش بعتتلي نبيك ضروري .. شن تحسابني بننقذها متلا .. هادي البنت خبيثة تلعب عالحبلين .. والواقف هيا معاه .. معقولة خطبة تصير طب زن .. تي اكيد تعرف غير ادير في الجو .. وبعتتلي المسج باش تقولي غصبوني ومش ذنبي وبلابلابلا .. ودوة فاضية .. كنت مخدوووع فيها . تفوووو .. البنات اقسم بالله سوووووس فرقتني من صاحبي وهي شدت في الصحيح .. والله لما نعفس ع أمه هالقلب العافن يللي عندي .. خللي نكلم كريم ونتأسف منه .. صاحبي أولى من هالكلبة >_< ))
منذر: آلو كريم :)
كريم: مازال تبي تهزبني ؟؟ ماشبعتش ؟؟
منذر: بلا دوة فاضية ياقرد احني صحبة هي تعالا نتلاقو في استراحتنا ههههه
كريم: شن تقول :\
منذر: بنديرو عكسة اليوم خللي نهدرزلك ليك وحشة واللي فااات فوته وانساااه -_-
كريم: وغيداء !!
منذر: فوت عمها هالخامرة هادي >_<
كريم: قلتلك انا لعبت علينا ماتبيش تصدق ههههههه
منذر: نتتلاقو بعد ساعة هي :)
كريم: تمام يابروووو هي تشاااو :)
,,,,,,,,,,,,,,,,,,,,,,,,,,,,,,,,,,,,,,
ميار جتها امها في الدار لقتها راقدة بدموعها وتبكي :(
ابتهال: ياسرك بكي يابنتي وارضي بالواااقع :(
ميار: مانيييش راضية بالواقع ومانييش مسامحتهم ليوم الدين .. يمة بيدمرولي حياتي حسي بياااا .. ولادك بيقتلوني :(
ابتهال: مصعب بس لاش تشملي فيهم التانيين ؟؟
ميار: مني ترا تكلم ودافع عليا .. معاذ هونا متزرد مع صحابه وممكن حتي عازمهم ع العرس .. ومنذر ليه ايام يروح الليل يرقد طووول مافيش مرة جي سألني خيرك وشن فيك .. وحتي رقدتي في المستشفى مايعرفش سببها .. والنبي تربحي يمة خليني بروحي يللي فيا مكفيني :(
ابتهال: باهي حاااضر :(
,,,,,,,,,,,,,,,,,,,,,,,,,,,,,,,,,,,,,,,,
ركبت عبير للسيارة .. زياد قعد يمسح في دموعه ..
عبير: هئ شن فيك زياد ؟؟
زياد: مافيا شي -_-
عبير: ع ميار تبكي ؟؟
زياد: لااا .. حاس روحي مضايق :(
عبير: باهي احكيلي شن في؟
زياد: انا ياعبير ..............
شرين تليفونها واختها يللي تتصل :)
عبير: شويا بس نرد .. آلو .. ايه جاية .. تي زياد امالا مني ؟؟ .. باهي باي -_-
عبير: كمل كلامك زيزو :)
زياد: مادوريش .. آآآآآآه سيورها تفراااج :)
عبير: ان شا الله :)
,,,,,,,,,,,,,,,,,,,,,,,,,,,,,,,,,,,,,,,,,,,,,,
روايدا: ريتو ريتووو ولاه .. طرحااات اسعد طلعو توا ههههه
اسعد: تمهتكي توا -_-
روايدا: شن شعورك توا ؟؟... بعد 8 سنين عذاب وغياب واخيرااا بتولي ليك :)
اسعد: مبردك .. هي اركبي خير مانحلفلك -_-
روايدا: كان نعرف بس ليش منكد -_-
اسعد: كل مانشوفك انا هكي ره هههههههههه
روايدا: مشناك -_-
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
وصلت عبير لحوشهم .. عندهم صالة كبيرة للمناسبات .. تلاقتها غيداء وجيداء ونهلة وريهام وسوسن يباركولها ويساوولها .. طلعت زي القمر .. طلعت في الصالة وامها تبخر فيها وتدعيلها بالهني .. سلمت ع كل الحاضرين .. وماطقتش ساعة الا وجو أمالي اسعد يللي كانو في قمة الرقي والكرم .. خشو بكساوييهم المعبية .. اما عبير ابتسامة حزينة مرسومة ع شفتيها :)
علا: ريتي ريتي شن جابولك ؟؟
عبير: والنبي فكيني منك -_-
علا: تي يوسف حتي ربعهم ماجاب .. ياريته نصيبي هههههههه
عبير: ههههه وخيره خالد؟
علا: يهبل تهبيل مش طبيعي .. آهو يتصل بيموت شايب هههههه
عبير: ربي يخليهولك :)
علا: آلو حبيبي ..
خالد: انتي يافرخة غطي راسك .. توا فتحت الكنشيلو لقيت مادة راسك البرا .. والله يشوفك حد نقتلك ره -_-
علا: ياغيرة انت هههههههه .. خلودي تتفكر يوم بياني !!
خالد: ايه لما طالعاته المزينة غوووولة .. ماتوقعتش روحي نكمل معاك .. بس نصيب الله غالب هههههههههه
علا: والله ماتتحشم .. اقلب وجهك خليني ندور ع حد يستاهل هالجمال يللي عندي -_-
خالد: خشي مرررض آهو نلقى امك البرا والله نخش نقتلك الله
علا: هههههههه اهم شي الغيرة ياعيوني .. نحبك <3
خالد: حتي انا بري هي
,,,,,,,,,,,,,,,,,,,,,,,,,,,,,,,,,,,,,,
زياد رن نقاله .. وشاف الاسم لقاها (( ميار <3 <3 )) .. رجعلته وجعهه بعد مانساه شويا .. فتح الخط بعد ماتنهد وخدي نفس عميق :)
زياد: آلوو
ميار: زيااااااااد بالله عليك تعالاااالي بيقتلوووووووني :(
زياد: شني ..........................
#Dudu
