#ورد_العمر
الحلقة :: 28 ::
جيداء طلعت للجنان تبكي بحرقة ومافيش حد يسمع فيها .. بالصدفة محمد كان مار من غادي وشافها .. خشلها
محمد: شن في؟؟
جيداء: :(
,,,,,,,,,,,,,,,,,,,,,,,,,,,,,,,,,,
قبـــل هالســــاعة ::
طلعو الرجالة من الصالة يللي قرو فيها الفاتحة وتغدو .. كان في قروب اسعد محتفلين بالالعاب النارية والرصاص لصاحبهم .. فجآة !!
اسعد كان واقف ع زياد ويهدرز عليه .. بدون سابق انذار جت رصاصة من الرصاصات في اسعد .. الولاد يصيحو ومش عارفين من حل .. وززياد شاد في اسعد ومغطي ع الجرح يخاف ينزف اكتر ويموووت .. اسعد كان يردد (( عبير .. عبير ماتخلوهاش )) دووب مايتكلم ودوووب مايتنفس .. وزياد تأثر لهالموقف وتأثر ع اخته اكتر .. قاموه الشباب وحطوه في السيارة وطااارو بيه للمستشفى اقرب شي .. بالك يقدرو ينقذووه ويتم فرحته يللي يراجي فيها ليه سنين ..
بوه يعيط بالصوت العالي .. ولده الوحيد يمووت قدامه .. وفي يوم فرحه #عن_حرقة_القلب_أتحدث
علي هوا يللي زف الخبر لعمته .. ومارعاش مشاعرها في هديك اللحظة .. او ممكن مايعرفش يتصرف ومش قصده .. او ممكن لما اتصلت بيه تخزرط وقال يللي هناك ..
عبير: خيره صوتك هكي شن في؟؟.. وبعدين شن الدوشة والعياط جنبك ؟؟
علي: تي ياعمتي فرحانين لصاحبهم :)
عبير: ويللي يفرح يعيط هكي ؟؟
علي: انتي شن تبي مالاخير ؟؟
عبير: نبي نقولك راك تنسى تصور وتبعتلي تعرفني ماعنديش الروح مع الصور وعمامك زي بيهم زي بلاهم مايحبوش يصورو -_-
علي: باهي حاااضر :\
جي علاء وقف ع علي وهوا يتكلم بالهاتف
علاء: مش وقف تفتفيتك توا .. الحق زياد في المستشفى امشي -_-
علي دار كتم : تي خيرك ياعمي عبير تكلم فيا .. تو شن بنقوللها ؟؟
علاء: حي عبير .. تي دبر ياراجل .. اصلا ماشيلهم للحوش خمس دقايق بس
علي: آوووووف .. آه عمتي :)
عبير: مني يللي في المستشفى ؟؟
علي: مافي حد ماتركزيش .. آهو علاء جايكم :)
عبير: علاش جاي توا ؟؟.. كملتو ؟؟
علي: ايه
عبير: انت كداب تكلم قول شن في؟؟
علي: آوووف ياعبير .. اسعد .. اسعد في المستشفى :\
عبير: اسعد ؟.. شن فيه اسعد علاش في المستشفى ؟؟
علي: ضربوه برصاصة :(
عبير: تي كيف ضربوه برصاصة ؟؟
علي: يحتفلو صحابه المرضى بالرصاص جت فيه الله غالب .. ادعي لربي يقعدلك معاق ولا يموتت ادعي بس .. لانهم قرو الفاتحة خلااص :(
عبير: يمووت !! .. آآآآآآه
طاح منها الهاتف وطاحت من طولها ع كلامه .. جي سندوها وهي تبكي ومش عارفين خيرها .. الوحيدة يللي ركزت نهلة لقت علي ع الخط ردت عليه
نهلة: شن في؟؟
علي: اسعد يامرت عمي في السمتشفى واحتمال كبير يموت .. والنبي ماتخليهاش عبير اهو شويا وجايين :(
نهلة: يعطك قصة ان شا الله .. وانت هالكلام مالقيتش لمن تقوله غير لعبير .. مش عيب عليك ولاه !! .. امشي انتلف اقسم بالله ماتعرف تتصرف .. لا حول ولا قوة الا بالله
سكرت عليه ..
علي: خيرها تدعي وتسحسح تي شن درت انا ؟؟
,,,,,,,,,,,,,,,,,,,,,,,,,,,,,,,,,,
محمد: شن في؟
جيداء: مامشيتش انت للفاتحة معاهم ؟؟
محمد: لا مالحقتش عليهم والنعتة مانزبطهاش .. تي شن في؟؟
جيداء: العريس توفى :(
محمد: لا حول ولا قوة الا بالله .. مني قاللكم ؟؟
جيداء: خوي علي توا قاللنا .. اقسم بالله مصيبة كبيرة .. هكي معناها تعتبر عمتي ارملة .. لان قرو فاتحتها :(
محمد: انا لله وانا اليه راجعون .. وسعي بالك معاش تبكي خلاااص :(
جيداء: آآآخ مسكينة .. في الاول خطبها يوسف وسيبها ع خاطر العرس أجلاته .. وتوا بعد مارجعت فرحت من جديد توفى العريس :(
محمد: شن بديري هي الله غالب .. تو انتي يللي تبكي بترديه اسعد متلا ؟؟
جيداء: ياريت عندي نفس برود دمك .. خلاص برا محمد نخاف حد يشوفنا مع بعض :(
محمد: اوكي .. آآه جودي افتحي الليلة خللي نهدرزو اوكي !!
جيداء: ان شا الله :(
طلع محمد للشارع واتصل بزياد ومشاله .. أما جيداء قعدت تبكي لعمتها وحظها
عبير رفعها علاء ركبولها تغدية وروحو بيها .. امها مريم في حالة تانية ..وبدل مايجو يباركولها الناس جو يعزو فيها .. حتي ماشافاته بالزبون توفى طووول .. زياد مقعمز البرا مع الرجالة ويتفكر لكلامه (( عبير ماتخلوهاش )) وجعاته اخته عبير من كبة لكبة تانية اكبر منها .. والمفاجاة من جي يعزي ..
ام يوسف: عظم الله اجركم :(
مريم: بارك الله فيك ... تفضلي قعمزي
ام يوسف: آآه وين عبير خللي نعزيها :(
مريم: في دارها قولي للبنات يرفعوك .. غيداء يابنتي ارفعيها لدار عبير
غيداء: حاضر اميما .. تفضلي خالتي -_-
ام يوسف: وجعتني تعرفي مسكينة
غيداء: الله غالب هدا المكتوب :(
خشت لقت عبير متلوحة وقاعدة تبكي .. وماركزتش فيها .. قعمزت ع السرير وغيداء طلعت وسكرت وراها الدار :(
ام يوسف: الله غالب يابنتي هدا قضاء وقدر :(
عبير: اممم
ام يوسف: آآخ الواحد مايجيش يتكلم توا مش وقته
عبير: آآه سامحيني ماركزتش عليك
ام يوسف: لا عادي .. اصلا عارفاتك مش طايقة تشوفي حتي وجهي -_-
عبير: لا علاش .. ياريت انا واسعد ماتفهمناش وكل واحد مشي في حاله ولا يمووت في عرسه .. آآآآخ وجعني قلبي ياخالتي لين خلااااص
ام يوسف: ذنوب واحد يرفعهم واحد الله غالب
عبير: كيف هادي !!
ام يوسف: ظلمتي ولدي وفوتيه وخلتيه ملوح في تركينة لا عاد يبي يتزوج ولا عاد يبي يسافر .. انا مش جاية اهني نتشمت فيك انا جاية بنقولك لو اتقيتي الله في ولدي راهو ماصارلكش هدا كله .. حرام يللي درتيه في ولدي .. آهو قاعدة تتلقي فيه اول بأول .. وتوا هئ ارملة لا طلوع لا خشوش لين اتم العدة .. سبحان الله يمهل ولا يهمل
عبير: علاش الكلام هدا ؟؟.. انا ماظلمتاش ولدك والله هوا ظلم روحه بروحه
ام يوسف: والنبي ياسر ياسر .. وماطقتش سنة حبيتي جديد وانخطبتي وحتي تزوجتي وتقوليلي ماظلمتاش .. اقسم بالله ولدي مايستاهل هكي .. مافهمتش علاش يحبك او بالاحرى شن فيك ماينحب باش يدير ع خاطرك هدا كله .. آهو تلقي المصايب اول بأول .. دمرتيه خليتيه جثة بلا روح .. اقسم بالله ماتنفعي الله .. بالسلامة
طلعت ام يوسف وارتاحت بعد مافرغت كل يللي في قلبها .. وجت باش تتشمت في عبير مش باش تعزيها .. اما عبير غمت راسها في المخدة ورجعت تبكي .. وقعد ضميرها يأنب فيها ع اللي داراته في يوسف <3
,,,,,,,,,,,,,,,,,,,,,,,,,,,,,,,,,,,,,,,,,,,,,,
مــر اسبــــوع ::
زياد: لا خليك تو ننزل بروحي ههههه
صالح: هما قالولي جايين في الطريق العويلة
زياد: آها ربي يهنيها ان شا الله .. ونتفكو حتي من جيداء ههههه
صالح: ربي عالم طلعة البنت قداش نفكر فيها
زياد: ههههه ادعيلها بالتبات هديك الهبلة وخلاااص .. هي هوينا تو نتلاقو في الليل
صالح: ايه تو نجي نقوللكم شن صار هههه
زياد: سلاامات :o
يللي خلاص زياد يتفاجأ وهوا طالع من باب الحوش .. ميار <3
كان يتنزل فيها وجدي من السيارة .. وامها وبوها وخوها منذر في السيارة التانية .. لما قامت عيونها وشافاته .. قعدت تشبحله بصدمة .. كان في خاطرها تحضنه واضمه وتبكي ع كتفه .. بس الظرف مش مواتي .. تلفت لخوه صالح
صالح: اهم جو .. تفضلو تفضلو :)
زياد كان خاطره يقول لصالح ذوقهم نفس مراري .. بس شن ذنبه منذر ؟؟.. وشن ذنبها غيداء ممكن يكون هذا فارس احلامها يللي تراجي فيه .. بس الله ع الدنيا قداش صغيرة .. وجدي شاف لزياد بغل وحقد مافيش زيه وكان خاطره يقتله .. ع النظرات المتبادلة بينه وبين ميار .. يللي كان باين انها حامل .. غمض عيونه وتنهد ..وقال في نفسه (( الله انا قاعد عايش الوهم .. البنت تزوجت وحملت وانا قاعد نراجي )) واطى عيونه ومشي من غير حتي مايبادلهم السلام .. ركب سيارته وطلع .. ميار كان خاطرها تقوله اوقف راجيني ماتخلينيش .. بس هيهاآآت هيهآآآت :(
حميد زبط زياد وتفكر كيف كان رده وين رفضوه .. هز براسه وخش
صالح: الله ع الصدفة . ماتوقعتش نفس العيلة يللي خطبنا لزياد منها مرة
حميد: ايه ليبيا صغيرة :)
صالح: ايه صح صغيرة .. بس قبل كل شي ممكن نعرف سبب رفضكم لزياد؟؟
حميد: قصة قديمة واحني هنا جايين نفتحو صفحة تانية جديدة :)
صالح كان في خاطره يعطيه كف ع الاسلوب هدا بس تمالك نفسه وكمل باقي النقاش وانهى موضوع زياد
ميار طوول التقعميزة تفكر في زياد وشن دار وين مشي ؟؟.. لما سلمت عليهم غيداء وقعمزت .. جت ميار جنبها :)
غيداء: :)
ميار: آآه احني متعرفين ع بعض من قبل ولاه !!
غيداء: ايه انتي يللي زمان عمي خطبك صح !!
ميار: ايه صح ..
غيداء: انتي حامل ؟؟
ميار: ايه ان شا الله :(
غيداء: آآه .. رفضتي عمي ع خاطره راجلك يللي توا ؟؟
ميار: لا ابدا .. غصبوني عليه اهلي :(
غيداء: آآه قسمة ونصيب الله غالب :(
ميار: كيف حاله عمك زياد ؟؟
غيداء فينفسها (( تو شن بنقوللها قاتل روحه عليك وهيا حامل .. ممكن ناساته بس الصدفة فكرتها بيه .. آمممم شن بنرد عليها الحصلة هادي !! ))
ميار: وين مشيتي ؟؟
غيداء: آآه لا شي .. ايه قلتيلي كيف حاله عمي .. الحمد لله من صدمته بيك شاف صاحبتي بنية كووويسة وتحبه .. الحمد لله عوضاته ع اللي خسره الحمد لله :)
ميار: زياد توا مرتبط قصدك ؟؟
غيداء: ههه مش بالزبط .. بس قاعدين ع تعارف :)
ميار: آآآه ربي يهنيه ان شا الله :(
غيداء: ايه والله <3
ميار قالت في نفسها (( معناها نسيتني يازياد .. الله ايام كنت تقولي بس اطلقي نجي نتزوجك .. وانت طلعت متعرف ع بنية .. خيرك ياميار تو معقولة مازال بيفكر فيك بعد ماتزوجتي .. تي وين تحسابي روحك .. في ليبيا انتي مافيش منه الحب المؤبد .. آآخ طلعت غبية وين كنت بندمر روحي ونتطلق باش نتزوجك يازياد .. طلعت ماحيني من ذاكرتك مرة وحدة .. الصبر ياربي ))
ريهام: ميااار يابنتي ؟
ميار: آآ نعم :)
ريهام: تفضلي القهوة جيداء ليها ساعة واقفة ههههه
ميار: آآىه سامحيني سرحت شويا :(
ابتهال: ماهو بنتي حامل في الشهر التالت :)
ريهام: هههه والله مانلومك .. الحمل وااعر يابنيتي ههههه
ميار: ايه صح :(
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في الليل ::
التمت العيلة كلها في حوش الجد <3
صالح: ايه ماشا الله الحق .. بس قاعدة حارقتني علاش ردو خوي قبل
زياد: مادورش .. مادخلهاش غيداء تقطع بنصيبها -_-
صالح: زعمك هكي تقول ؟؟
علاء: ايه املا شنو ؟؟ .. تو ربي يرزقه زياد بوحدة خير منها بهلبااا
زياد (( مافيش خير منها ياخوتي .. بس هكي رادت الاياام ياقلبي مش بايديا :( ))
مريم: جيبولي بنتي مريومة جيبو :)
نهلة: آه تفضلي :)
مريم: نجيها ياربي نجيها
سوسن كانت مقعمزة مع نساوين وتسمع في الحاجة مريم كيف فرحانه بمريومة الصغيرة <3
نهلة خشت عليهم
نهلة: الحمد لله يللي خدتها اللآي خللي نرتاح شويا :)
ريهام: ربي يخليهالك .. والله الصغار زينة هالدنيا :)
نهلة: ايه والله ديما كل مانشوف صغاري ندعي لمحمود وسوسن ربي يرزقهم ان شا الله
سوسن: مافيش داعي اصلا .. محمود راضي هكي
نهلة: ايه بالله غير يقولك هكي .. مافيش راجل مايحبش الصغار :)
سوسن: لكن لما يحب مرته ينسى اي شي ناقصه في هالدنيا :)
نهلة: ههههه ع اساس الحب يدوم .. حبيبتي الراجل يبي شي يسليه .. يبي مرا تمليله هالحوش عيال .. بس عادي مانلومكش ولا نضايق منك .. عندك الحق شعور مافيش من اوعر منه -_-
سوسن طارتله نفضت حوايجها ونادت ع محمود وروحو
ريهام: ههههه خزي عليك طفشتيها
نهلة: حيوانة زعميتك بتحرقني راجلها يحبها .. غير تكبر وتتعكرش تو يلوحها لاقرب دار مسنين .. بتعلمني في الرجالة زعميته ههههه
ريهام: فكينا من القرمة عاد .. وخللي نحكيلك الفرخة غيداء شن قالت لميار :)
نهلة: شن قالت؟؟
ريهام حكتلها بالحرف الواحد لا نقصت لا زادت :)
نهلة: ايه بكل .. زي هيا زي سوسن عايشين في وهم ان الرجالة عاشقين رجليهم .. يمشو الساحق والماحق والرصاص المتلاحق .. هديكا حتي بعد ماحملت مازال تبيه زياد ياعليك عااار وخلاااص .. ياماتنا احني ...........
ريهام: ماتكدبيش .. حتي انتي درتي شويا باش خديتي علاء آآوو ؟؟
نهلة: هههههه الواحد يندم يحكيلك .. بس الحمد لله تزوجني واهو جبت منه 4 بنات .. الله يرحمها جنونتي الصغيرة :(
ريهام: الله يرحمها .. خللي انوض نحطلهم شاهي :)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
عبير: آووووف شن يبي هدا ؟؟
غيداء: من يللي يتصل ؟؟
عبير: يوسف .. ماسد امه قالتلي كلام يغم القلب ماسد هوا بيزيد يللي نساته امه :(
غيداء: ردي مرات يبي يعزيك بس :)
عبير: آآآه الصبر .. غير احكيلي شن صار معاك في منذر؟؟
غيداء: مبدئيا موافقين امبكري نسمع فيهم عمامي يتكلمو في الموضوع :)
عبير: وانتي !!
غيداء: ههههههه بجد بجد ع اللي صار معاي كله مازلت نحبه الفرخ منذر .. مافيش زيه .. حي ماقلتلكش :(
عبير: شني في؟؟
غيداء: ميار شن قلتلها من كلام هههههههههههه .. وين روحت قعدت نضحك بروحي
عبير: حرام عليك .. شن قلتي ؟؟
غيداء: قلتلها عمي ينضم في اموره مع صاحبتي وتعرفو ع بعض وشكله بدي يحبها .. هكي بينتلها طبعا .. طووول التقعميزة وهيا سارحة وحتي تهدريز ماهدرزت هههه
عبير: حي عليك كان يسمع زياد !!
غيداء: منين بيسمع كان انتي ماقلتيش -_-
عبير: ياغبية كان تتصل بيه وتقوله ؟؟
غيداء: تي مش ح تتصل .. حارقتها وصدقيني ح تبدا تعيش حياتها وتفوته زي مافاتاته توا :(
عبير: ومن قالك نساته هيا توا ؟؟
غيداء: حااااامل يابنتي حاااامل .. في الشهر التالت تقريبا :\
عبير: وكان حامل معناها نساته ومعاش تبيه ؟؟
غيداء: اييييح عاد ماتركزيش :\
عبير: آآوووف معاش بطل اتصالات خللي نرد عليه .. آلو السلام عليكم
يوسف: وعليكم السلام :)
عبير: كيف حالك ؟
يوسف: ................
#Dudu
