#ورد_العمر
الحلقة :: 32 ::
وجدي: مياااار حبيبتي انتي وين ؟؟
ميار: انا هنا ،، شن في ؟؟
وجدي: شن رايك نطلعو نتعشو البرا اليوم ؟؟
ميار: ماخاطريش ،، نبي نرقد اقعد مع قسومي مابين مانضت اوكي !!
وجدي: اوكي 😔
طلع وجدي من الدار بعد ماسكر عليها الضي والباب ،،،
ميار تتكلم بينها وبين نفسها (( علاش عذبتي نفسك ياميار ،، كيف قدرتي تطوي صفحة زياد وتخلي وجعك كل يوم في زيادة ،،، اااااخ يازياد كان تعرف شن صاير معاي،، اكيد قطعت فيا الامل بعد المسج ،، بس والله كلامي مش من قلبي ،، اكيد انت عارف وواثق بزيادة ،، بس شن ينفع الندم توا ،، يارب صبرني وبعدني عن هالوهم والا خللي نموووت ونرتاح من عذاب الضمير ،، باهي وقاسم شن ذنبه !! ،، الصبر ياربي 😩 ))
،،،،،،،،،،،،،،،،،،،،،،،،،،،،،،،،،،،،،،،،،
فاتت الايام ::
#زياد مستمر في الكلام مع حنين وبدي يقنع في نفسه بيها ،، اما #حنين ف هيا فعلا تحبه واكيد بتعوضه ع اللي خسره 😥
#عبير كما هو الحال عليه ،،، لا جديد يذكر ولا قديم يعاد ،، والله اعلم ع الايام الجاية 🙂
#غيداء بدي الحب والشوق يكبر ويبان في العيون 😍
#جيداء و #محمد فرحانين ببعض ،، ومازالت تماطل في موضوع الخطبة ،، ورجعت المياه لمجاريها مع اماليها 😚
#ميار حاولت تحب وجدي بس مش قادرة كل يوم في المنام يمر عليها طيف زياد ومش مستوعبة ان زياد ممكن في يوم نساها وبدي يعيش حياته الطبيعية 😕
#سوسن من كتر حقدها وغيرتها من سلفاتها قاعدة تخطط وتعاود ليهم ،، ومازالت في الاستمرار
#مريم تحاول تصلح بين كناينها وبناتها 😇
،،،،،،،،،،،،،،،،،،،،،،،،،،
وجي عرس غيداء المنتظر 💝💝
عبير: جيدااااااء تعالي يابنت ارفعي العصير للنساوين يللي خشو توا
جيداء: اووووف والله ظهري خلاااص
عبير: خلاااص اسس كلها تلات ايام ويتم مبردك 😒
جيداء: حي حي محمد يتصل ،، خللي نرد عليه ونجي نرفعهم اوكي ☺️
عبير: اقسم بربي مانحصل منك تمرة انتم ،، بري تو نرفعهم انا 😠
جيداء: هههههههههه اوكي ،،،الو حمودي 😍
محمد: اهلين بجودي ،، شن الجو غزالتي ؟؟
جيداء: الحمد لله ،، شن جوك انت ؟؟
محمد: الحمد لله ،، كيف روحت من عرسكم هههههههه
جيداء: اها شن رايك في غدانا ؟؟
محمد: هههههههههه ع اساس انتي درتيه 😂😂
جيداء: مبردك 😒
محمد: حبيبتي خاطري نسمعها منك قبل مانرقد 😁
جيداء: شن هيا ؟؟؟
محمد: انتي عارفتيها ،، بالله عليك انشطي وقوليها 😘
جيداء: امممممم ،، نحبك ☺️
محمد: ايوااااااااه ،، ربي يخليك ليا ان شا الله
ريهام: جيدااااااء ،، تعالي يابنت من تكلمي ؟؟
جيداء: حي حي ماما،، هي نتلاقو نوسة سلامات ☺️
ريهام: من كنتي تكلمي ؟؟
جيداء: ءءء نوسة صاحبة غيداء 😳
ريهام: اممممم بري وتي الحلويات مع رحمة في دار الخزين تلقيها 😠
جيداء: اوكي حاضر 😚
،،،،،،،،،،،،،،،،،،،،،،،،،
محمد لما سكر قعد يضحك عليها وع براءتها وشطانتها 😜
طق عليه باب داره ،، اخته منال الصغيرة
محمد: خشي منال
منال: شن ادير ؟؟؟
محمد: شي ،، كنت في عرس بنت خو زياد 😉
منال: اها ،، مش يللي تبيها انت ولاه ؟؟
محمد: لا بعيد السو ،،، هههههههههه شن تبي ؟؟
منال: عادي ترفعني للحفلة خااااطري نحضر عرس ليبي 😔
محمد: هههههه مش مشكلة نرفعك عادي ،، لكن ماتقوليليش عرس ليبي ،، غيرو فيه هلباااا يااختي ،، بدو يديرو في عادات وتقاليد جديدة ،،، معاش شي قعد ع حاله ،، هدا المقروض والغريبة معاش نشوف فيها بكل هههههه،، ولو في عرس دارو هكي يعتبرو شلافتية 😂😂
منال: شلافتية صار 😑
محمد: نتقلد فيهم بس راك تحسابيني سحنون زي جماعة دبي هههههههههه
منال: هههههههه مبردك ،، يعني بترفعني معاك ؟؟
محمد: ايه وتي روحك يوم الخميس حفلتها 🌺🌺
منال: هيييييي تمام خيووو شكررااااا 😘
(( منال مواليد 2000 اصغر وحدة ،، قنينة بيضا ونقشها ع الاسود ،، شعرها طويل ونااااعم ،، كان قوامها متناسق ،، طيوبة ومش زي خواتها ماعندهاش ع الجكترة والدوة الفاضية 😇😇))
خواتها التانيات مها مواليد 1990 لسانها ملوي ع رقبتها ،، ماتبيش تجي لليبيا بس غصبا عنها روحت لخطبة خوها ،،قنينة وشايفها روحها
اما ميس مواليد 1996 نفس الطباع غير هادي زايدتها بالجكترة والدلع فوق اللازم ،، ديما عراكات هيا ومحمد رغم انه كبير بس مش محترماته
،،،،،،،،،،،،،،،،،،،،،،،،،،،،،،،،،،
زياد: عليوة ياعليوة
علي: اها شنو ؟؟؟
زياد: اسمع كلم جماعتك مايجوش
علي: والنبي !! ،، تي علاش هناك عرس بلا نوبة والا غيد عيلتنا بعفايسهم 😒😒
زياد: هدا هوا ،، شن بدير هي بوك وصاني
علي: وااااك من بوي ديما عافس فيا ومحشمني قدام الشباب ،، تو شن بنقوللهم هي ،، بنقول بوي قاللي لا بيضحكو ويتسهوكو عليا ،،، مش عارف شن بندير اوووف
زياد: تي ياسر ياراجل وانت مولي زي البناويت يحاحو ويلحلحو 😒
علي: واااااااااك الصبر بس شن بيقول الواحد
،،،،،،،،،،،،،،،،،،،،،،،،،،،
نسرين: حبيبتي رودي ،، افتحيلي دارك بنتكلم في الفون ☺️
غيداء: من بتكلمي ؟؟ 😳
نسرين: مادخلكش فيا غير خليني نتكلم بعدين ساهل
غيداء: صاحبتك بتتزوج وانتي اقعدي مع حركات المراهقين 😷
نسرين: شن تبي فيا انتي توا ،، خليني نعيش حياتي مانبيش نغم روحي زيك 😏
غيداء: هاك المفتاح ،، خشي وماتفتحي لحد كملي وجيبهولي اوكي 😉
نسرين: تمام حبي 😘
،،،،،،،،،،،،،،،،،،،،،،،،،،،،،،
زياد: والله الحمد لله ،، كيف حال الشباب عندك ؟؟
عامر: الحمد لله ياوليدي ،، وين خوك محمود ؟؟
زياد: مشي للعمرة ياعمي 🙁
عامر: هدا خوك من يومه عنايدي وماشي عكس الناش يحساب روحه بيربح 😞
زياد: ههههههه ادعيله بالهداية وخلاص ياعمي الله غالب
علي رنة فونه ،،،
زياد: معليشي ياعمي بنستاذن الهاتف يرن
عامر: رد رد بالك حد ماعرفش الطريق 😊
زياد: اوكي ،،، آلووو
نسرين: طالع عليك الزبون مش عااااادي
زياد: مني انتي ؟؟
نسرين: حنين
زياد: اااه حنين شن اخبارك ؟؟
نسرين: الحمد لله ،، شن ادير ؟؟
زياد: والله ياحنين ،، الحق مش فاضي ،، انتي كيف عرفتيني لابس زبون ؟؟
نسرين: ههههههه مش قلتلك انا نعرف عليك كل شي ،، شوف حواليك
زياد قعد يلف ع روحه ويدور ماشاف شي ،، ماتوقعش نسرين منزلة ستار دار غيداء وتراقب فيه
زياد: ماريت شي ،،، انتي وين ياحنين ماتهبلينيش 😳
نسرين قامت الستار شوي بعد مانزل راسه زياد
نسرين: ههههه مش ح نقولك لازم تعرفني بروحك زي ماعرفت نوصلك بروحي ،، يلا سلامات 😍
سكرت الاتصال وابتسمت 😄😄 ،، طلعت من الدار وقعمزت مع رودي وع قد ماحاول يتصل بيها زياد ماردتش ،، مدايرة فونها صامت قصدا ،،
،،،،،،،،،،،،،،،،،،،،،،،،،،،،،،،،،،،،،،،،،،
وجدي: ميوووووورة
ميار: اوووف ،، نعم ياوجدي 😒😒
وجدي خشلها للدار توتي في قاسم بترفعه معاها لعرس خوها وشاد باقة ورد احمر كبيرة 🌹🌺🌹🌺
ميار: حي وجدي شن جايبلي 😳😱
وجدي: تستاهلي اكتر من هكي ياروحي
ميار: ربي يخليك ليا يااارب 😘
وقفت ع روس صوابعها وباساته ع خده ،، وهوا مش مصدق روحه ،، خدت منه الباقة وقعدت تشم وفرحانة 😍😍
وجدي: ميااار 😞😞
ميار: نعم ☺️
وجدي: تحبيني ؟؟
ميار: 😱
وجدي: علاش متفاجأة !!
ميار: انت لتوا ماتعرفش قصدك ؟؟
وجدي: اها شن نعرف !!
ميار: انا مش نحبك بس انا نعشقك ياوجدي وانت بو صغاري ربي يخليك ليا
وجدي: اعطيني بوسة تانية 😘
ميار: نخاف معاش يصير من العرس بكل هههههههههههه
قامت ولدها وطلعت من الدار ،، حطاته في الكراسيلا وخشت عدلت مكياجها ،، وهوا يراقب فيها بحب 😍
،،،،،،،،،،،،،،،،،،،،،،،،،،
محمد: شن اديري ؟؟
جيداء: كيف اتكيت ظهري خلااااص
محمد: سلامتك ياروحي ،، هادي وخيتك الوحيدة لازم تقيمي واجبك كاااامل 😠
جيداء: هههههه علاش تكشخ
محمد: هكي جو هههههههه ،، ماتبي شي بنرقد
جيداء: اشي نبيك قبل تسهر معاي وتقولي كلمتين حلوات ،، لكن شي مانلقى مني يساير
محمد: حق بنقولك ،،،،،،،،،،
جيداء: 😱😱
#Dudu
