#ورد_العمر
الحلقة :: 19 ::
,,,,,,,,,,,,,,,,,,,,,,,,,,,,,,,,,,,,,,
عبير بعتت مسج ليوسف (( ربي يهنيك ان شا الله .. شهور وانا مصدقة انك تحبني وأول ماأتحيتلك الفرصة وخليتك جدد عقد الحب عندك وحبيت جديد بس ماتخافش ولا دمعة ح انزلها ع خاطرك ومن اليوم انا انسانة جديدة ويللي فات انتهى وماات .. والحمد لله ربي رزقني بواحد احسن منك .. سلام ))
وحذفت فونها وقعدت تبكي ومسكرة ع روحها الباب علي قد ماحاولت امها تقنعها تفتح ماتبييش ومسكرة راسها :(
,,,,,,,,,,,,,,,,,,,,,,,,,,,,,,,,,,
جيداء قعمزت جنب امها تسردلها احداث يومها شن قالت وشن دارت .. غيداء نفس الشي حابسة روحها في الدار وماتطلعتش منها .. أما زياد الليل كله فوته في الدوران من شارع لشارع ويفكر في حل بس الي الآن مالقاش الحل المناسب !! .. منذر ماروحش للحووش ومدرس سيارته ع البحر ومتأثر بللي صار .. غيداء لو كانت مستغلاته ومستغلة ظروفه راهو كلمت كريم ومنذر في ذات الوقت .. وغيداء لو كانت انسانة غير سوية راهو لعبت عليهم وماحكت لواحد ع التاني .. وغيداء لو كانت فعلا تتسلى بعواطف منذر راهو دست الكذب طووول فترة علاقتهم .. كأن منذر بدي قلبه يرق ليها وفكر في الموضوع كووويس .. محمد مازال تفكيره عند جيداء يللي ماشالتاش من ارضه .. جلال يخطط كيف ينتقم منها وبس .. يوسف حاول تكرارا ومرارا يتصل بعبير بس يلقى في تليفونها مقفل :(
مريم كانت تصلي وتدعي لربي : يااارب هدي سرها واحفظهالي هادي امانة في رقبتي يااارب .. ياربي احميها عبورتي بنيتي ووفقها وافتح في وجهها كل ابوابك .. يااارب <3
عبير سمعت امها كيف تترجى في ربها ع خاطرها . وقفت ع حاشية الباب وكملت استماعها .. لما كملت امها : آمين يارب العالمين :(
عبير: ربي يستجيب دعواتك ياأحلى أم في الدنيا
قعمزت ع ركابها قدامها وباست جبينها <3
مريم: شغلتيني عليك يابنتي شن فيك ؟؟
عبير: يوسف ياماما :(
مريم: كلمك والا ضايقك ؟؟
عبير: لا لا .. ريتي وين مشيت مع روايدا اليوم ؟؟
مريم: لقيتيه ؟؟!!
عبير: عليك نووور .. بس مش بروحها :(
مريم: :\
عبير: معاه وحدة وكان باين عليه فرحان بيها :(
مريم: الله غالب يابنتي .. ادعي ربي يرزقك بخير منه وترتاحي ونتهنى عليك :)
عبير: اصلا ربي استجاب دعوات قلبك ياماما <3
مريم: كيف !!
عبير: خو روايدا اسعد عرفتيه !!
مريم: ايه هداكا ماشا الله وليد كووويس .. يللي كان يروح بيكم من الجامعة ولاه !!
عبير: ايوااااه ... كلمتني روايدا عليه وقالتلي بيخطبني <3
مريم: لولووووولي .. انتي شن رايك مبدئيا ؟؟
عبير: اللي تبوه انتم انا راضية بيه .. غير راك تنسي تقولي لزياد والباقي .. تصبحي ع خير <3
مريم: ربي يهنيك يابنيتي .. وانتي من اهله :)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
مر أسبوع وكل حد في حاله .. مافيش اي حركة ملحوظة من اي طرف :)
سوسن: افهمني يامحموود والله الشيخ قاللي غيري عتبة الحوش :\
محمود: ايه عتبة الحوش مش الحوش كله !!
سوسن: باهي كيف بنغير العتبة هي -_-
محمود: مالاخير مانبيش نسيب خوتي ولا ح نخلي حد براني يخش بين عيلتنا -_-
سوسن: اوكي اقعد طووول عمرك هكي .. انا نقعد مريضة وانت انسى موضوع الصغار -_-
محمود: آىوووووف وخلاااص >_<
,,,,,,,,,,,,,,,,,,,,,,,,,,,,,,,,,,,
ميار لا تأكل لا تشرب تبي تحاول تأنب ضمير بوها عليها بس مافيش فايدة .. يتفادى فيها كأنه ماشافهاش :(
خش مصعب عليها في الدار لقاها مقعمزة تبكي :(
مصعب: قلتلك انا انهي الموضوع بروحك ماتبيش تفهمي .. هآه شوفي شن صار فيك
ميار: شن تبي انت توا ؟!
مصعب: آخ كان تعرفي شن نبي بس !!
ميار: هئه
مصعب: آآآآآه هكي ارتحت انا توا هههههه
ميار: اجعنك ماتشوف الراحة لا توا لا القدام -_-
مصعب: كأنك تكلمتي ؟.. شن قلتي !!
ميار: شي .. ممكن اتنوض نبي نرقد -_-
مصعب: تؤتؤ مش ح انوض لين تسمعي كلمتين يللي بنقولهملك :\
ميار: -_-
مصعب: لو كنتي من الاول سمعتي كلامي راهو العار يللي صارلك ماصارش توا .. باش مرة تانية تعرفي مع من تلعبي بس هههههآآآي
ميار: نبي نفهم انا بس علاااش تكرهه زياد !!
مصعب: واااضحة لو كان ولد بيتية وعيلة راهو ماكلمكش من وراي :\
ميار: آهو انت تلعب وتهيج ع البنات ع الاقل هوا وعد ووفي بوعده اما انت !!.. واذكر بس دموع الولايا ودعي عليك -_-
مصعب: مش تبي ترقدي >_<
ميار: ايه ياريت تتفضل من غير مطرووود -_-
مصعب طلع وقربع باب الدار وراه بقوة جهده >_<
,,,,,,,,,,,,,,,,,,,,,,,,,,,,,,,,,,,,,,,,,,,,
المدير: وتي شنطتك ياولدي يازياد .. ربي يوفقك ان شا الله :)
زياد: امتى ؟!!
المدير: الاسبوع الجاي ان شا الله .. حجزنالك كل شي ونظمنالك امورك :)
زياد: اوكي بارك الله فيك :(
المدير: فيك بارك الله .. خير ياولدي فيك حاجة ليك ايام حاسك مضايق ؟؟
زياد: لا مافي شي الحمد لله .. هي بالسلامة :(
,,,,,,,,,,,,,,,,,,,,,,,,,,,,,,,,,,,,,
جيداء: تو هناك وحدة بعقلها ترفضه عمي زياد !!
ريهام: ماهو كان مشي لبنات الاصل المقومات راهو مش هكي .. لكن يجري في جرة صاحبته شوفي شن دارتله -_-
غيداء: ربي يهديها :(
جيداء: بس قصتها غريبة .. انتي قلتي لما مشينا خطبنا قريب اطير من الفرحة .. اشمعنا يعني تفكرت في الاخير تبي حوش بروحها !!
ريهام: مانعرف شي انا .. دلع بنوت مش اكتر ولا اقل .. نوضي جيبيلي فوني خللي نتصل بعلي خوك وين ذهب !!
جيداء: اوكي
غيداء اتكت وقعدت تقلب في القنوات وتفكر في منذر مسكر تليفونه ومش باين في الجامعة :(
,,,,,,,,,,,,,,,,,,,,,,,,,,,,,,,,,,,,,,
ابتهال: منذر بالله شوف من ع الباب !!
منذر: اوكي
ناض فتح الباب لقي كريم قدامه وكيف جي بيسكره شده كريم برجله :(
كريم: اسمعني ياصاحبي بنقولك ع شي :(
منذر: اطلع برا مانبيش نسمع حد خيرلك ره -_-
كريم: سمع اللي تبي تسمعه انا مش هامني حد غيرك .. انت صاحبي وعزيزي ولازم ماتفههمني .. غيداء لعبت عليا وعليك ره
ضربه كف لين طيحه لوطه وطلع وسكر باب الحوش باش امه ماتسمعمش :(
منذر: سيرة غيداء معاش تجيبها ع لسانك .. في النهاية حتي لو صح كلامك هيا بنت غريبة وقدرت تضحك عليك ياصاحبي من احني صغار .. اطلع اقلب وجهك خير ما نبدا نخرط وانت تعرفني لما نتعصب كيف >_<
كريم ويمسح في الدم من خشمه : اسمعني بس !!
منذر: مانبيش لا نسمعك لا نسمعها .. تعرف لما البنت تخون ماتوجعكش قد ماتوجعك خيانة صاحبك :( .. مالقيتش من بنات الكون كله الا غيداء تضحك عليها .. مالقيتش من تكلم وتكسد وعليها تكدب الا البنت يللي انا حبيتها وانت كنت عارف بس كنت تكذب عليا وتنافق .. بس هيا ماكذبتش قعدت تتفادى فيا لين جت الفرصة وحكتلي .. تعرف ولاه !!.. ح نعذرها هيا وانت والله والله والله طحت من عيني وح تقعد في نظري واحد كلب و@$%&!@# .. هي توا هوينا مش ناقص أنا >_<
خش منذر وقربع الباب في وجهه .. ناض كريم وساعد روحه وانسحب من الموضوع نهائيا وفكر انه يهاجر برا ويخليني .. بعد مااكتشف صاحبه حقارته وكان صاف مع غيداء .. شن مازال يبي منها ليبيا .. كريم عاش في عذاب الضمير ومش ح يقدر يحسن صورته لمنذر مهما داار .. فعلا غلط وتعاقب علي غلطه وسببله جرح عميق :(
,,,,,,,,,,,,,,,,,,,,,,,,,,,,,,,,,,,,,,,,,,,
روايدا: الف الف مبرووووك حبيبتي .. اسعد روح بيطير من الفرحة قال عجبتني وتمولي فيها <3
عبير: الله يبارك فيك هههههه بارك الله فيه :)
روايدا: تعرفي انا فرحانه واخيرا بيتحقق يللي سعيتله ايام الجامعة انكم اتكونو لبعض .. آهو الحمد لله بتولي مرت خوووي <3
عبير: هههههههههه ان شا الله تبري ياهبلة :)
روايدا: سكري سكري زوزي روح يبي مناوشة هههههه
عبير: سلميلي عليه وربي يحفظكم ان شا الله <3
سكرت عبير منها وحست روحها مضايقة .. فتحت النت ولقت الرسايل بينها وبين يوسف ع الفايبر .. قعدت تقرا بعدين مسحتهم وقررت معاش تبي ترجع للماضي ولو لذكرى بسيطة :( .. #جرح_الماضي !!
,,,,,,,,,,,,,,,,,,,,,,,,,,,,,,,,,,,
محمد لقي الفرصة المناسبة وصالح فاضي .. مشاله وقف عليه
محمد: السلام عليكم <3
صالح: وعليكم السلام اهلين حميدا :)
محمد: اهلين بيك <3 .. آه حاب نفتحلك موضوع لو ممكن :)
صالح: هي تفضل خش خش
دخله للمربوعة وقال لغيداء ادير قهوة :)
صالح: تفضل :)
محمد: آه شن بنقولك .. والله انت عارف انا بروحي في هالبلاد لا عندي من يونسني ولا شي .. وطووول غياب اهلي عليا امك الله يبارك فيها تبعتلي غداي وعشاي ومهتمة بيا الحق .. بس لأمتي نبي نقعد هكي !! .. فـ قررت نتزوج <3
صالح: آها .. حاط عينك ع وحدة وتبيني نمشي نتكلملك فيها !!
محمد: لا والله .. هالوحدة هادي ربي يحفظها ويللي هيا بنتك .. الحق شفتها اكتر من مرة حشمة وذوق واخلاق .. واكيد مش ح نلاقي احسن من نسبكم وكلمت حتي زياد في الموضوع بس مااهتمش ويللي فيه مكفيه .. قررت نجيك بروحي وان شا الله ماتردني خايب بس :)
صالح: لا انا وين بنلقي احسن منك ياحميدا صاحب وعزيز وغالي علينا .. بس اي وحدة من بناتي !!
محمد: الصغيرة يللي في التانوي <3
صالح: آها :\
محمد: كان في اي شي يخليك تتردد عادي ننسحب ره ماتتحشمش مني :)
صالح: لا غير صغيرة بس .. بس حاااضر نشوف رايها وراي امها ونرد عليك مش ح نطولو عليك باذن الله <3
محمد: كان بالموافقة خللي نكلم اهلي يجو يخطبوها رسمي :)
صالح: باذن الله يامحمد اطمن <3
محمد: بارك الله فيك .. هي السلام عليكم <3
وكيف بيطلع كانت ريهام تتصنت .. مشت تجري لوسط الحوش .. سقده صالح وخش لقي ريهام تراجي فيه بأسئلتها :\
ريهام: مني بيخطب ؟!!
صالح: ترا قولي مني هههههههه
ريهام: مني ياراجل فرحني <3
صالح: جيداء ههههه
ريهام: حييي الصغيرة .. كيف بنقول لغيداء بس؟؟
صالح: هدا يللي فكرتي فيه -_- .. غير بري شوفي راي بنتك قبل :)
ريهام: تمام .. الحمد لله ياربي نصيب وجانا لعندنا <3
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
حددو بيان عبير يوم الخميس .. واحني توا في يوم السبت .. وعبير طلعها علاء ونهلة تبضع للبيان .. شي قفطان شي مزين وشي عشي وتحلاية .. وهكذا من مجاميعووو بيان ليبي وانتم عارفين :)
,,,,,,,,,,,,,,,,,,,,,,,,,,,,,,,,,,,,,,,,,,
أما زياد قعد مالقاش الحل .. اتصلت بيه ميار :\
ميار: زياد !!
زياد: نعم ياميار :(
ميار: حددو العرس :(
زياد: بجد :o
ميار: يوم الخميس متاع الاسبوع الجاي :(
زياد: تي علاش كله بكري بكري ياميار بس علاااش !!
ميار: هدا مصعب الكلب هوا السبب يااارب خوده وريحني منه ياااارب
زياد: اسسس معاش تدعي ع خوك .. ميار شن في ايدي بندير باهي انا .. كل الحلول مامشتش مع بوك .. تي قريب نبوس رجله ماباش يوافق .. ويقولي مانبيش نظلمك .. تي شن صاير ياميار ماتخلينيش زي الاطرش في الزفة >_<
ميار: مصعب قاله كانت ع علاقة مع وجدي وهدا علاش بوي ضربني ورقدت في المستشفى :(
زياد: علااااش شن مصلحته يكذب ع اخته ؟؟؟؟.. كله لانك رفضتي صاحبه !!
ميار: مش لاني رفضت صاحبه .. لانه يكرهك يازياد مافهمتش علااااش .. انا نتهيت يازياد خلاااص كل شي ضاااااع .. ياااارب نموووت ولا يمس شعرة من شعراتي وجدي .. زياد انا نبي نموووووووووووت :(
زياد: خلاص حبيبتي معاش تبكي .. خليها ع ربي القادر ع كل شي وثقي وتأكدي ح ندير جهدي باش نقنع بوك ولو كان يوم حفلتك .. نأخدك بفيلووك واتية اوكي :)
ميار: اهئ اهئ
زياد: اضحكي خلااص وتعوذي من الشطان وبري صلي ركعتين لربي <3
ميار: ان شا الله .. نحبك رد بالك ع روحك <3
زياد: ان شا الله :(
سكر زياد وناض يخبط في الستيرسوو ويعيط بعاااالي صوته مش قادر يتخيل ميار بالفيلو لحد غيره :(
,,,,,,,,,,,,,,,,,,,,,,,,,,,,,,,,,,,,,,,,,
محمود: هدا يللي صار -_-
مريم: يعني بتسيبو الحوش هدا !!
محمود: ايه يمة ضروري ع خاطر الشيخ هكي قاللنا :(
مريم: باهي ربي يهنيكم ياوليدي غير ماتغيبوش عليا بس :(
سوسن: محموووووووووووووود !!
سمع صوتها تنادي من شقتها
محمود: هي يمة نستاذن بنزل البضاعة :)
مريم: حصلتو حوش ؟!!
محمود: ايه فيلا ارضية :)
مريم: وين ؟؟
محمود: في وادي الربيع .. بعيد ع الهمج هادم بنعيش في حوايز ههههه
مريم: ربي يهنيك :\
محمود: هي سوسن انا جاي .. هي سلميلي ع خوتي وقوليلهم اوكي !!
مريم: ان شا الله :(
,,,,,,,,,,,,,,,,,,,,,,,,,,,,,,,,,,,,,,,,,,,
علاء وين روح من العمل لقي طانطا فيها أثاث منزلي وعمال ينزلو في البضاعة لعمارتهم استغرب :\
علاء: عفوا .. وين خاش !!
الراجل واسمه الطيب: أجرت الشقة في الدور الثالت :)
علاء: ههه كيف مافهمتش ؟؟
الطيب: آها شكلك مش سامع .. مأجر من واحد اسمه محمود شقته :)
علاء: آه :o
قعد يشبحله علاء مصدوم .. أما الطيب فأستمر يكلم في العمال شن يديرو شن مايديرو :)
,,,,,,,,,,,,,,,,,,,,,,,,,,,,,,,,,,,
علاء: تي كيف يحول لا يشاور لا يناور .. شني مش عاجبينه احني !!
مريم: ياولدي شن بنديرله .. الشيخ هكي قالوللهم :\
علاء: تي اما شيخ يللي يقول حولو من الحوش مسحوور .. باهي والناس يللي بيأجرو اهني والا عادي عنده ؟؟... آهو نتصل بيه واقسم بالله لما نحرفله ايامه >_<
مريم: ياولدي صلي ع النبي وفكنا تربح من المشاكل :(
علاء: تي كيف يطلع .. لا مش هكي بس مأجر فيلا بهداك الحساب ع خاطر الخانم باش ماتعيطش وتشوف قطاطيس ؟؟؟؟؟؟؟
صالح: خيره صوتك واصل للشارع انت !!
علاء: هآ اهو شرف كبير العيلة .. تعالا شوووف خوك العاقل شن مداير >_<
صالح: من خوي !!
علاء: محمود من غيره ؟؟
صالح: شن في تكلم !!
علاء: أجر حوشه عن طريق مكتب عقاري ماعقاري .. ومشي سكن في فيلا ارضية في وادي ربيع .. يعني لما بينزلو بناويتك ونساوينا لازم مايغطو .. لان العمارة خشو فيها البرانية .. ومش هكي بس يللي أجرله انا شفت امبكري بصغاره .. ولا ماوقفتش ع هكي بيخليهم ينزلو يلعبو في الجنان .. انساها الراحة من اليوم وجاي في حوازتنا >_<
صالح: تي امتى صار هدا كله .. خيره ماتكلمش ؟؟
مريم: هوا قاللي انا نقوللكم :(
صالح: تي كيف يايمة انتي تقوليلنا .. المفروض يفهمنا تعرفو اصله من فصله الراجل يللي جايبه والا عادي يدخل من كان يكون !!
علاء: تي مش اهني المشكلة .. المشكلة هزوة الراجل عليا كيف خوي وماقاليش .. اقسم بالله كان نحصل عليه انطربقله رقبته .. معقولة يحطني في موقف زي هدا >_<
صالح: وسع بالك ياعلاء بالشويا .. برا بدل خللي نمشو نشوفوه :\
علاء: اييييييييح عاااد -_-
,,,,,,,,,,,,,,,,,,,,,,,,,,,,,,,,,,,,
منذر اتصل بغيداء :(
غيداء: اهلا منذر كيف حالك :)
منذر: غيداء انا...............
غيداء: بجديات تتكلم :o
#Dudu
