#ورد_العمر
الحلقة :: 18 ::
روايدا: خير دعوتك ؟؟.. وين سرحتي ؟؟.. ماتقوليش تفكري فيه القرد هداك ؟؟
عبير: لا مافكرت في حد .. اسمعي بنقولك تفضلو امتي ماتبو :(
روايدا: متأكدة !! .. توقعتك ترفضي الحق :)
عبير: علاش بنرفض ؟؟.. وين بنلاقي احسن منكم :)
روايدا: ههههه يعني نقول مبروووك <3
عبير: من غير ماتسألي اصلا هههه :(
كانت الضحكة ممزوجة بالدمعة خفية .. ومن هنا بدأت رحلة عذاب ضمير لــعبير :(
,,,,,,,,,,,,,,,,,,,,,,,,,,
غيداء تمشي بين ممرات الجامعة وهيا تبكي ومنهارة .. فات من جنبها كريم وقف مصدوم :o
كريم: غيداء !!
غيداء شبحتله بحقد وكره معبي قلبها وكملت طريقها .. شدها من ايدها
كريم: شن فيك؟؟
غيداء: نحي ايدك انا نكرهك خيرك ماتفهمش انت !!
كريم: ماتقوليليش قلتيله بس :o
غيداء: ايه قلتله ع حقارتك :(
كريم حط ايديه ع راسه ونفخ : آوووووف منك بس
غيداء: دوور كيف تحلها مع صاحبك توا :\
كريم: تي علاااش ياغبية علاااش !!
غيداء: غبية وين صدقت كذبك عليا .. توا بعد من طريقي معاش نبيلك شبح >_<
كريم: استغفر الله ياربي -_-
مشي كريم وكملت غيداء طريق الظلم والخيانة الطووويل وان شا الله تلاقي النور في نهاية الطريق بس !!
,,,,,,,,,,,,,,,,,,,,,,,,,,,,,,,,,,,,,,,
مريم: خيرك يابنتي مضايقة ؟؟
نهلة: مافي شي ياللآي تاعبة بس .. قوليلي وين تحطو في البزار ؟؟
مريم: تلقيه في حفاظة في الدولاب التاني :\
نهلة: آها لقيته .. قولي مانزلت سوسن ليك ؟؟
مريم: نزل محمود قال رافعها للشيخ حاجة زي هكي :\
نهلة: هئ خيرها اسم لله !!
مريم: مسحورة والا اشبح شني .. ربي يشفيها ويعافيها وخلاص
نهلة: اي والله .. وريهام !!
مريم: قالتلي قالبة الحوش فوقي لوطي .. جابتلي امبكري صونية باسطي :)
نهلة: يعني مافيش غيري انا هنا -_-
مريم: نعم !!.. قلتي حاجة يابنتي ؟؟
نهلة: لا سلامتك -_-
مريم: بنطلع نسقي الغرسات :)
نهلة: باهي ..
نهلة كيف تلفتت بنكمل غداها .. حست بالارض ادووور بيها وطاحت
مريم: حي عليا بنتي !!!!
,,,,,,,,,,,,,,,,,,,,,,,,,,,,,,,,,,,,,,,,,,
سوسن: شن فيا بس ؟؟
الشيخ: يابنتي هدا سحر مدايرنهولك .. في الحوش .. اسمعيني كووويس لازم تواظبي ع صلاتك .. وتغيري عتبة الحوش وتفتحي كل يوم سورة البقرة .. وراك تنسي اذكارك بس .. والله اعلم :(
سوسن: مني بس يللي مدايرلي السحر :(
الشيخ: تو يابنتي تبي تتعالجي والا تبي تعرفي من دارلك السحر -_-
سوسن: اسفة ياشيخ ..
محمود: بارك الله فيك ياشيخي .. في ميزان حسناتك ان شا الله .. هي نوضي معاي ياسوسن :)
سوسن: ان شا الله .. هي السلام عليكم :(
الشيخ: وعليكم السلام .. اسأل الله رب العرش العظيم ان يشفيك <3
,,,,,,,,,,,,,,,,,,,,,,,,,,,,,,,,,,,,,
حميد: آلو السلام عليكم :)
زياد: وعليكم السلام .. كيف حالك ياعمي ؟؟
حميد: الحمد لله .. معليشي ياولدي سامحنا ع تأخير الرد عليكم
زيياد: عادي ولا يهمك .. كل حد وظروفه :)
حميد: والله شن بنقولك ياولدي .. مافيش نصيب
زياد جاته صدمة قوية غير متوقعة : علاش ياعمي بس؟؟
حميد: البنت تبي حوش بروحها وانت قلتلي بتعيش مع امك وبيكون حوش العيلة .. يعني مش ح تقدر تاخد راحتها .. اكيد في كل مناسبة ح يحوسو عندها وبنتي صغيرة ماتبيش هالدوشة كلها .. والله انك ولد اكابر وينفرح بيك .. بس بنتي مانقدرش نجبرها ع شي ماتبيشي .. سامحنا بس :(
زياد: ان شا الله بنتك تلقى من يناسبها .. انا مانقدرش نتخلى عن امي ع خاطرها .. هي سلامات >_<
سكر زياد الاتصال وكان عارف انه خوها مصعب ورا هالموضوع .. بس شن الحل يللي بيديره !!.. وتفكر ميار وين قالتله (( بوي يازياد :( )) ملامحها مااختفو عن مخيلته لتوا .. تنهد وكمل طريقه لمكتبه :(
,,,,,,,,,,,,,,,,,,,,,,,,,,,,,,,,,,,,,,,
ابتهال: مش حرام عليك لعبت في نصيب البنت ؟؟
حميد: حرام عليا لمانظلم الولد معاي .. وبالله عليك سكريه الموضوع >_<
ابتهال: والله بنتك مادارت شي غلط ولدك غلط والله :(
حميد: آووووف صبح وليل وانتي تنقي تي ياااسر ماتعييش منه >_<
طلع وخلاها تفكر كيف بتقول لبنتها ع المصيبة هادي .. وهوا طالع لقي ميار واقفة مصدومة وحابسة دمعتها ....شبحلها من فوق لللوطة وطلع من الحوش
طلعت امها وراه لقتها واقفة نفس الوقفة والحزن أسير عيونها :(
ابتهال: يابنتي :(
ميار: س سمعت ك كل شي ياماما .. علاش دار هــ هكي بابا بس علااااااااااااش :(
ابتهال: وكلي أمرك لله يابنتي .. ويللي فيه الخيرة ربي يجيبه :(
ميار: معاااش نبي شي اناا خلااااص تعبت والله تعبت .. يتحكمو فيا تقول رجل آلي ماعنديش احسااااس .. بالله عليك علااااااااااش >_<
ابتهال: ماعندي من حل يابنتي خوك وبوك مسكرين روسهم :(
ميار: آآآآآآآآآآآآآآآآخ ياربي آأأأأأأأخ ياربي بس >_<
,,,,,,,,,,,,,,,,,,,,,,,,,,,,,,,,,,,,,,,,,,
مصعب: ماشي يابوي .. هكي الصح ههههه هي تشاوات
وجدي: خيرك تضحك ؟؟.. فرحنا معاك ؟؟
مصعب: تي افرح يارااااجل من حقك الفرح توا ههههههههآآآي
وجدي: مافهمتش لتوا :\
مصعب: خلاااص من اليوم انت نسيبنا يااارااااص :)
وجدي: كذاااب !!
مصعب: اقسم بالله .. خلااص زيااااد بح بح تمينا منه ههههه
وجدي: ووووووووووووووك خشيييييييييي
مصعب: هههههههههههههههه
,,,,,,,,,,,,,,,,,,,,,,,,,,,,,,,,,,,,,,,,,,
عبير خشت للحوش وقربعت الباب بقوة جهدها >_<
مريم: اسم لله خيرك يابنت ؟؟
عبير: انا تاعبة ماحد يجي ينوضني اوكي !!
نهلة: هادي كانت عند صابحتها تهيج روحت متعصبة .. شن دراتلك ؟؟
عبير(( تنحي في وشاحها )): ريحيني من فلسفتك نهلة خانم والهي في عمرك -_-
نهلة: هئ .. ريتيها ياللآي شن تقول ولاه !!
مريم: شن فيك تعالي جاي :\
عبير: مافيا شي يمة تاعبة ونبي نرقد .. ممكن تخلوني نرتااااح :(
نهلة: خلاااص ياللآي شنو نبو فيها خليها ترقد والا تقعمز -_-
مريم: لا حول ولا قوة الا بالله :\
,,,,,,,,,,,,,,,,,,,,,,,,,,,,,,,,,,,,,,,,,,,,
محمد: معقولة تغير رايها فيك ميار !!.. قول غير هالكلام ياراجل :\
زياد: ميار مادخلهاش في الموضوع .. بوها ومصعب وراها
محمد: باهي شن بدير توا ؟؟.. ماتنساش انك بتسافرر الشهر الجاي ؟؟.. استعجل بالحل معناها
زياد: مانعرفش شن بيصير توا ؟؟.. نبي نفهم بس علاش كارهني مصعب ؟؟
محمد: تي هوا من يحب اصلا .. عايش عالنفاق -_-
زياد: مش معقولة يدمر اخته .. في ناس هكي ؟؟
محمد: في في ياصاحبي اكتر من هكي .. غير مازال ماريناهمش بس
زياد: آوووف .. الصبر بس .. فكر معاي في حل لهالمصيبة >_<
محمد: انا بروحي متلخبط مابعدك بس :(
,,,,,,,,,,,,,,,,,,,,,,,,,
أما منذر يسوق في سيارته ويبكي .. اكتر من اتصال جاه من كريم ماردش عليه .. حتي أمه يللي بتقوله ع الخبر بالك يجي يتصرف ماردش عليها .. وفجأة :o
يجيه اتصال من غيداء
منذر: شن تبي مني مازال >_<
غيداء: منذر بالله عليك اسمعني يللي صار غصبا عني :(
منذر: اطلعي منه الجو هذا .. اكيد واحد من وجوهك يللي تستعملي فيهم معاي بس خساااارة الوقت يللي ضيعته ع خاطرك بس >_<
غيداء: لا والله ماهكي انت تعرفني
منذر: معاش نعرف حد انا .. هي تشاو
وسكر عليها وكمل طريقه ماأوعرهــــا الخيانة لما تجيك من حبيبتك .. فما بال حبيبتك وصاحبك .. كيف ح يكون وجعهـــا :\
,,,,,,,,,,,,,,,,,,,,,,,,,,,,,,,,,,,
زياد: فاهم فاهم عليك
ميار: انت مش ح تخليني صح !!
زياد: حبيبتي والله مانبي نخليك .. بس بوك مسكر راسه كيف الحل معاه !!
ميار: نهرب معاك المهم ماتخلينيش :(
زياد: ماناش اتراك ولا اجانب باش نهربك .. احني عندنا عادات وتقاليد واهم شي الدين ولازم مانحترموها .. آآخ لو نعرف علاش يكرهني مصعب بس؟؟
ميار: مايهمنيش هدا كله ..زياد انا والله نحبك انت وماقلت حاجة لبوي ضدك :(
زياد: خلاااص حبيبتي اووووش .. مانبوش نتهورو خلينا نفكرو في حل كوويس يقنعهم .. اصبري عليا ومايكون فالك الا طيب اوكي !!
ميار: كيف باه ؟؟
زياد: توا ماعليك الا تمسحي دموعك وتمشي تصلي ركعتين وادعيلنا نكونو لبعض اوكي !!
ميار: اوكي :)
,,,,,,,,,,,,,,,,,,,,,,,,,,,,,,,,,,,,,,
عبير بعتت مسج ليوسف (( .....................))
#Dudu
