#ورد_العمر
الحلقة :: 2 ::
فاق زياد علي صوت تليفونه .. دوووب مافتح عيونه يللي منفخات من البكي ع بوه
زياد : الووو ؟؟
ميار: صباحووو .. نوض يابخيل الساعة 10 توا
زياد: بجديات ؟؟.. والله ماحسيت بروحي .. شن اديري؟؟
ميار: والله كيف طلعت من محاضرتي الاولة نراجي في بسمة بترفعني للمدرج شمس ماخاطريش نمشي ع رجليا الحق
زياد: اها باهي ردي بالك ع روحك .. فكيني من الدوران وراس حبي كملي محاضرتك للحوش طووول ..
ميار: اوكي حاااضر .. اطمن
زياد: هنيني عليك ياغزالي
ميار: كوون هاني .. شن عندك ماادير اليوم ؟؟
زياد: والله قاعد اجازة توا بنشوف الحوش بالك يبو حاجة وطالع مع محمد بعدين
ميار: اها .. رد بالك ع روحك تمام حبوبي
زياد: اوكي تمام .. هي تشاويتو
سكر وناض خش للحمام .. توضى وصلى الصبح وطلع لقي امه في المطبخ تقلي في دحي وحاطة الشاهي ع النار .. باس ع ايدها وع جبهتها
زياد: صباح الخير يمي
مريم : صباح النور وليدي ..كيف جيت بنوضك تفطر معاي
زياد: اها .. وين علا وعبير ؟؟
مريم: عبير ياحنتي عليها راقدة مسكينة امس كله تبكي .. وعلا جي خداها راجلها امبكري في حاجات ناقصينها بتمشي تجيبهم وخلتهم ولادها معاي
زياد: اها .. باهي خللي اناديهم يفطرو
مريم : باهي .. هاك ارفع الصفرة معاك
زياد: اوكي حاااضر
مريم : قول ياوليدي مش ماشي لخدمتك اليوم ؟؟
زياد: لااا واخد اجازة شهر
مريم: لاواااه ياكبدي .. هلبا شهر
زياد: خللي لين نرتاح واعصابي تروق تو نمشي توا اي واحد بيكلمني بنتمشكل معاه وانتي ماتبينيش اندير المشاكل
مريم: ربي مايجيب مشاكل ان شا الله
زياد: ان شا الله هي زودي باش نفطرو
,,,,,,,,,,,,,,,,,,,,,,,,,,,,,,,,,,,,,,,,,,,,,
علاء: هي سلم بنياتي اليوم دارولي فطور
جني : وحيرني انا مس نيتك
علاء: تي انتي احسن وحدة في العالم
جني: باهي اينه زدو ؟؟
علاء: جدو تو يجي .. مشي عنده عمل .. بري جيبيلي مخدة من الدار
ناضت جني تجري بتجيب مخدة لبوها .. شبح لنهلة وجعاته بنته
علاء: والله تقطع القلب البنت شن بنقوللها ؟؟
نهلة: كمل الكدبة عليها لين تكبر تو تعرف
علاء: رنيم ونسيم ردو بالكم تقوللها باهي
رنيم : حاضر بابا .. بترفعنا اليوم لحوش خالو ؟؟
علاء: لا مش كل يوم ..كان تبو تنزلو تلعبو مع اياد قاعد اليوم
نسيم: حقاااا .. عادي ماما ننزلو توا ؟؟
نهلة: بدلي حوايجك انتي وياها وانزلو وياويلكم اديرو الشطانة والعار وعمتكم تشكي منكم والله نحرمكم من النزول مرة تانية
نسيم و رنيم : اوكي حااااضر .. مع السلامة
ناضو يجرووو بيبدلو حوايجهم مستعجلين ع اللعب .. صغار ومايعرفو شي
نهلة : نزلت للآي اليوم ؟؟
علاء: ايه رفعتلها خبزة .. والله ماقادر نخشله الحوش صورة بوي ماغابت عن خيالي
نهلة: الله غالب شن بنديرو هي .. ربي يرحمه .. افطر ماتقعدش هكي
علاء: باه .. صبيلي شاهي ترا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في حوش صالح ..
صالح: وين البنات ؟؟
ريهام: راقدات تعرفهم ماينوضو لين الظهر يأذن
صالح: باهي عليوة وين ؟؟
ريهام: نزل لعمه زياد مش عارفة شن يبيه ؟؟
صالح: باهي ترا مديلي دجاكتي خللي ننزل لامي وانتي نوضي البنات والحقيني
ريهام: باهي حاضر .. حق امي جايتني اليوم ؟
صالح: علي سلامتها تفضل امتي ماتبي .. هي السلام عليكم
نزل صالح يشوف امه تلاقى ع الدروج محمود ومرته صبح عليهم ونزل هوا وياهم
,,,,,,,,,,,,,,,,,,,,,,,,,,,,,,,,,,,,,
مريم : يامرحبا .. تفضلو
سوسن: صباح الخير اللآي شن اخبارك اليوم ؟؟
مريم: والله الحمد لله .. هي خشو كيف بنحط الغدي
سوسن: والله ماك مدايرتيه تو نخش انا والبنات انديروه
مريم: هونا راقدة امشي نوضيها
سوسن: باهي حاضر هي
خشو الرجالة قعمزو مع امهم يهدرزو عليها ويواسو فيها ... رغم انه الواحد مش عارف يواسي روحه والا يواسي امه
محمود: امالا وين زياد؟؟
مريم: زياد طلع هوا وصاحبه والله ماواجعني غير هالوليد
صالح: وخيرنا احني يمة مش ولادك ههههههه
محمود: غلا زيزو مايطوله حد هههههه
علاء: لان الدوة صح امي وجهها مولي احمر زي الطماطمة
مريم: لا والله كلهم ولادي بس زياد من كان صغير وهوا مع بوه خطوة بخطوة .. لحد الان ماكلي حاجة الا كان انتيفات صغيرة بعد حلفتي انا
صالح: لا هكي بيساهم في روحه هدا .. لازم ياكل ويللي صار مامنه فرار .. الله غالب ربي يصبرنا وخلاص
علاء: ايه صح كلنا واجعنا ببونا بس الواحد لازم يتحمل ويصبر علي خاطر عيلته
علي خشت علا وراجلها بعد مااستاذن لقي الرجالة ملتمين .. سلم عليهم وقعمز
خالد: شن اخباركم ؟؟؟
صالح: والله الحمد لله .. كيف حال بوك وكل العيلة الكريمة؟؟
خالد: والله الحمد لله بخير ونعمة .. قلت خللي نسلم عليكم قبل مانسافر؟
محمود: بتسافر .. وين مسافر ؟؟
خالد: والله الشركة باعتتني دورة وماقدرتش انأجلها لان زي ماتعرفو علا ماتبيش تمشي معاي
مريم: ايه خليها تقعد هنا معاي تونسني
خالد: لا سامحيني عمتي تبات في حوشها مع امي وخواتي .. وتو يجيبها خوي هشام كل يوم ان شا الله
علاء: اااه عندك الحق .. شن تسيب عزوزتها وتقعد عندنا
خالد: ايه ونفس الشي خللي تجيكم يوماتي لين ماتنقص عليكم الرجل .. حتي هوا عيب يجي حد بيعزيها ومايلقاهاش
مريم: اللي قلته ياوليدي عين العقل .. وربي يردك بالسلامة ان شا الله
خالد: ان شا الله .. هيا حرجانة بالله تفاهمو معاها
صالح: هههههه لا اطمن امي تو نقنعها .. انت برا لحق ع طيارتك وتو نروح بيها انا
خالد: تمام .. بارك الله فيكم .. هي السلام عليكم
محمود: بالك تبيني نوصلك للمطار؟؟
خالد: لا منور حودا .. هشام برا يراجي فيا
سلم عليهم وعلي ولاده ومرته وطلع لهشام بيرفعه للمطار
,,,,,,,,,,,,,,,,,,,,,,,,,,,,,
زياد ومحمد كانو مقعمزين في القهوة .. زياد قعد يتفكر لما رفع بوه للقهوة هادي وقعد يتفرج علي مباراة ريال مدريد وبرشلونة .. كيف هبله بوه وقاله
الحاج علي: تو هادي قهوة ترفعني ليها ؟؟..تي متاع فروخ
زياد: هههههههه والله يابوي قهوتها ماعادية نوصيلك ع رقيلة تشربها
الحاج علي: امشي عصا ان شا الله .. لا رقيلة لا دوة فاضية ربي مايكتبها عليا
زياد: بالله يابوي قوللي اما احسن ريال مدريد والا برشلونة
الحاج علي: فكني منهم وهوا يفرح كان طاح باش يشمر علي سيقانه .. نوض روح بيا
زياد: تي غير ريحنا يابوي خللي نكملو الشوط مش قلتلي مكسد قلني معاك ههههه
الحاج علي: مانحسابك بترفعني لقهوة الازفات اهيا
زياد: حرام عليك يابوي .. تي را يسمعنا صاحبها يطلعنا برا
الحاج علي: تحسابها ساهلة كلمة يطلعنا .. تي نحرفله اياماته بعدين
زياد: ههههههههههههه شوف شوف .. هي تي شوووووط .. قووووووووووووووووووووووول
وناض زياد ينقز ويرقص هوا وكل الشباب يللي في القهوة .. ضربه بوه بالعكوز
الحاج علي: ايبس يبسة كان قلتلك قيم معاي الجريد راهو قلت ماعنديش جهد .. والهبال وصلت للسمي ماشا الله وتترقص زي النسون
زياد: ههههههه تو علاش هكي حشمتني قدام التريس
الحاج علي: تريس ؟؟.. التريس في الجبهة مش مسيب حوشه ويتفرج ع مباراة الشياطين اهيا .. نوض قلني للحوش هدا ييللي ايتبع الفروخ ييللي زيك
زياد: تمام يابرو هي تفضل هههههههههههه
طلع زياد من شريط ذكرياته وضحك لقي محمد يشبحله ومستغرب ..
محمد: اضحك فيك ملايكتك ؟؟
زياد: لا ..نفس المكان هدا قعمزت انا وبوي العام يللي فات
محمد: الله يرحمه ان شا الله .. تليفونك من امبكري يرن صدعلي راسي
زياد: اه .. هادي امي اكيد بتسالني علي الغدي
رد عليها : نعم يام ؟؟
عبير: انا عبير .. انت وين ؟؟
زياد: في القهوة مع محمد .. تبي حاجة ؟؟
عبير: باهي جيبلنا معاك دحي ماعندناش
زياد: باهي هي تشاو
سكر زياد وشبح لمحمد .. كان خاطره يحكيله شن يللي مضايقه لكن عارف محمد ماعنداش حل ولا يقدر يساعده بشي .. قاعد يحاول يغيرله جوه يرفع فيه من مكان لمكان وخلاص .. بس في كل مكان كانت في ذكرى مع الحاج علي ..
زياد: هي انا بنووض العويلة يبو قضية
محمد: اسمع زياد كان خاطرك بتقول حاجة ادوي ياطيري انا صاحبك ونفهم عليك
زياد: ههههه ان شا الله لما خاطري ندوي تو ندويلك حاااضر
محمد: باهي نوض روح بروحك وين تحس روحك مضايق كلمني انت عارفني قاعد بروحي في هالبلاد لافي من يونسني ولا مني يهدرز عليا غيرك
زياد: مش ناويين يروحو اماليك من دبي ؟؟
محمد: لا .. بوي استقر غادي ويبيني نلحقه وانا مش هاين عليا نسيبك في ازمتك هادي ولا هاين عليا نسيب رفقتنا والعشرة يللي بينا ونمشي نعيش في بلاد تانية
زياد: شوف مصلحتك وين .. مادورنيش انا شن نبي راني انا كان نلقى نكتبك معاي في كتيب العايلة هههههه
محمد: نفس الشي وخيي .. خليني هنا وين نمل تو نروح للحوش
زياد: كان عندي اخت عزابية والله ماك واخد غيرها ههههه بس الله غالب يوسف سبقك عليها ههههه
محمد: هههههه عارفك اصيل وولد اصيل تي برا روح وانت سكنت
زياد: تمام برو هي تشاو
,,,,,,,,,,,,,,,,,,,,,,,,,
اما عند ميار ف ركبت مع بسمة بتروح بيها لان بوها مش فاضي استاذنت منه ونست ماكلمت زياد تقوله وهيا في الطريق شافت زياد كيف بيركب سيارته قدام القهوة ..
يتبع
#Dudu
