#ورد_العمر
الحلقة :: 16 ::
جيداء خدت الكريمة ومروحة في الطريق خايفة مرة مرة تتلفت وراها وتشبح يمين ويسااار .. جلال مركبلها الرعب ..
وفجأة :O
جبدها واحد من ايدها .. صيحت
جيداء: آآآه
جلال: كنتي ادوري فيا ؟؟
جيداء: بالله عليك
جلال: اسسس مانيش قاربك ولا ماسك .. انا وصلت كل الدوة لبوك
جيداء اذكرت معاملة بوها ليها وكيف كانت وكيف ولت !!
جلال رخالها ايدها ولوح السبسي وعفس عليه .. طلع الدخان من فمه وشبحلها .. وهيا كانت كلها خوف وترعش مع بعضها
جيداء: خ خ خ خليني ن ن ن مشي بالله علي ي ي ك
جلال: هئئ
جيداء تلفتت وراها ومشت .. جبدها من ايدها بقوة لين جت في حضنه .. دفاته وقعدت تعيط
جلال: انا ماقلتش امشي معناها ماتمشيش فاهمة ولاه >_<
بالصدفة محمد كان جاي لزياد وشافها تبكي وجلال يستفز فيها بنظراته .. والشارع خالي مافيه حد البرا سمعها غير محمد .. درس سيارته ونزل يجري جبده من سوريته
جلال: خيرك يااااا
محمد: انت اللي خيرك وشن قاعد ادير مع بنية ؟؟
جلال: صاحبتي وحبيبتي وبنت جاري .. انت من تكون ؟؟
جيداء: كداااب والله كدااااب
ضربه بونية محمد لين طيحه لووطة .. وقف جلال نفض حوايجه وتلفت لمحمد : تي باهي باه .. والله لما نوريك عليها يا@$@%&#
محمد: -_-
مشي جلال يهرول لحوشهم .. لانه كان اجبن الجبناء ..
جيداء تلفتت لمحمد : انت ديما نشوف فيك مع عمي زياد ولاه ؟؟
محمد: ايه
جيداء: بالله عليك ماتقولاش ع اللي صار .. والله الولد هدا مانكلم فيه هوا حقير ويلحق فيا
محمد: ولا يهمك عادي .. المهم انتي ماصارلك شي ولاه ^_^
جيداء: مشكوووور عمي محمد ربي يحفظك
محمد: عمي !!.. ههههههههه
جيداء ماردتش ع ضحكته ومشت تجري للحوش قبل مايشوفها حد مع محمد وتصير مشكلة
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ميار: والله يابابا يكدب مافي شي بيني وبينه وجدي اقسم بالله
حميد: تو خوك ياكلبة بيتبلى عليك ؟؟.. ياريته العار درتيه مع اي حد مش مع صاحبه وتواطيله راسه .. لكن والله طلع كوويس بيلمك ويستر عليك
ميار: اقسم بالله .. باش تبيني نحلفلك والله مانعرفه يابابا والله الله
جبدها حميد من شعرها ودفها طيحها بغل غله .. جي راسها ع حاشية السرير واغمى عليها المسكينة
ابتهال: مياااااااااار بنتي .. كله منكم والله ماني مسامحتكم كان صارتلها حاجة بنتي الله
ع خشة معاذ وشاف المنظر ع طوول خداها في غمره وركبها للسيارة وطاار بيها للمستشفى وماراجاش أمه تحكيله شن صار .. أما حميد فــ قعمز ع أول كرسي قابله وحط ايده ع راسه .. بنته الوحيدة اكيد توا بين الحياة والموت .. والسبب سببه .. مامشاش معاهم حدها اتصل بمصعب ..
مصعب: نعم يابوي
حميد: ميار في المستفى
مصعب: خيرهااا ؟؟.. بالك تتدلع في جو البنات باش ماتاخدش وجدي بس
حميد: انا ضربتها وأغمى عليها
مصعب:آآه مني رفعها ؟؟
حميد: خوك معاذ .. يللي نبيك اديره توا كلم زياد وفهمه بطريقتك المهم يسيبها المسخة هادي
مصعب: لا بطريقتي لا سو .. الموضوع خش ليكم يطلع منكم مش شووووري بكل هذا
حميد: لا حول ولا قوة الا بالله .. مافيش منك فايدة -_-
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
جت أم يوسف ولغت كل شي بينها وبين عيلة عبير .. وانتهت فسخة الخطوبة بصدمة لعبير .. خلاها تلازم دارها وماتطلعش منها ..
أما يوسف فــ ربي بس اللي عالم بحاله .. كل يوم يفتح ع صورة عبير ويتفرج عليها ويحاول يتناسى وجعه بس مافيش فايدة .. أمه يللي خطفت منه فرحته وكل يوم توصفله في بنت شكل وهوا مسكر راسه
جيداء أول ماوصلت دارت الكيكة ومن داخلها خووف من اللي جاي
غيداء مسكرة فونها الفترة هادي كلها خوفا من منذر يكلمها ع الزواج مرة تانية وهيا مش مجهزة الكلام يللي بتقوله :*
زياد اتصل مرتين بميار وماردتش عليه كان فونها صامت وماحد شافه .. وهيا حالتها حالة في المستشفى دكتور خاش وممرض طالع ومافي حد طمن قلب أمها عليها .. معاذ الوقت مش مواتيه باش يسأل امه ع اللي خلا بوه يضرب ميار ويطيحها ..
الدكتور: وين أهلها؟؟
ابتهال: طمنها عليها بالله عليك يادكتور ؟؟
الدكتور: حالتها مستقرة والحمد لله .. خفنا يكون صايرلها نزيف داخلي بس الحمد لله مافيش منه .. المهم تي عناية كووويسة .. وكدمات في راسها شوي وتبرا ماتخافوش .. والحمد لله ع سلامتها ^_^
معاذ: بارك الله فيك يادكتور .. تقدر تكتبلها خروج ولاه؟؟
الدكتور: ايه ان شا الله تفضل معاي
خشت ابتهال لبنتها وشافتها كيف راقدة زي الملاك <3
ابتهال: ياناري عليك يابنيتي ياما بيجوك ايام ماكنتيش تشوفي فيها .. كله من مصعب الله لا تربحه .. يارب اهديهم يااارب بنتي والله ماديرها نعرفها.. وزياد شن بيصير زعما وين يعرف ؟
,,,,,,,,,,,,,,,,,,,,,,,,,,,,,,,,,,,,,,
