#ورد_العمر
الحلقة :: 26 ::
ريهام: ايه تعالي اهني وخلاص بلاها سيرة النكد دي ههههههههههه
نهلة: هههههههههههههههههههههه
,,,,,,,,,,,,,,,,,,,,,,,,,,,,,,,,,,,,,,
مريم: ايه وليدي نسمع فيك :)
زياد: حاس صوتك متغير .. شن يام احكيلي :\
مريم: مافي شي ياولدي هالزكمة مدرهتلي كبدي :(
زياد: باهي ان شا الله لاباس .. قولي لولادك يرفعو يعاينوك :)
مريم: ايه بالله .. تي زكمة مش حاجة كبيرة .. غير احكيلي انت شن درت تغديت ؟؟.. وين طلعت امبكري قالت عبير مسكر النت !!
زياد: ههههه كنت في الكورس مالياش هلبا كيف روحت .. تغديت ايه عندهم مكرونة صالصة احلا ماللي ادير فيها عبير هههههههههههه
مريم: حاجة الحوش مايعلا عليها شي ياوليدي .. ههههه هي رد بالك ع روحك .. وخش ارقد ارتاح وليدي :)
زياد: ان شا الله هي سلامات :)
سكرت الحاجة مريم من زياد وقعدت تبكي .. ياغافل معاك الله .. ماعنداش علم بللي صار .. وانهم باعو الحوش وكل واحد خدي حوش بعيد ع التاني .. والحاجة مريم قعدت هي وعبير بروحهم .. بسبب محمود رفع فيهم قضية استيلاء ع الورث كله .. وخوته مابوش يطولوها ويضحكو الناس عليهم وخوت يتعاركو ع الورث .. فــ سايروه وباعو الارض والعمارة وعطوه حصته وتوكل بيها للاردن .. صالح بينه وبين امه شارع بس .. وعلاء بعيد بس مش هلباااا .. أما محمود في وادي الربيع وبعيد عليهم كل البعد ..
,,,,,,,,,,,,,,,,,,,,,,,,,,,,,
محمد في يوم من الايام فتح الفيس لقي جيداء اون لاين ع طووول خشلها
محمد: اهلا جيداء
جيداء: اهلين بيك .. كيف حالك ؟؟
محمد: الحمد لله .. وينك معاش تفتحي في الفيس ؟؟
جيداء: علاش بنفتحه يعني !! ..
محمد: ع خاطري انا نراجي فيك قداش ليا :)
جيداء: اها ان شا الله خير :\
محمد: جيداء ح نقولك شي وانتي احكمي عليه اوكي !!
جيداء: تفضل :\
محمد: نحبك <3 .. وحق ربي يابنت الناس نحبك ..وواثق ان يلللي صار معاك غصبا عنك وانا مستعد نوقف معاك بكل مانقدر .. وح نتزوجك ونصرّ عليك لين ناخدك اوكي !!
جيداء: انا قلتلك مالاول .. ماحكيتلكش يللي صار باش تقولي نتزوجك ونستر عليك .. انا قلتلك باش ماتحطش الامل في حاجة مستحيلة :(
محمد: ليش مستحيلة !! .. انتي ماغلطتيش .. انتي نظيفة واللي صار انسيه خلااااص .. وانا معاك والله ماني مخليك مهما تقوليلي وتبعدي روحك لما نشد ع ايدك ونوقف معاك
جيداء: بس صعب ع اهلك يتقبلوني :(
محمد: ومن قالك بنقوللهم انا !! .. ح نتزوجك ونطير بيك ونعيشو في تركيا <3
جيداء: ههههههه من قالك تحبها تركيا !!
محمد: ايواااااه هكي اضحكي .. وراس جودي انا ليك مش لغيرك .. ولما نحطك في عيوني .. وماتكوني غير حلالي .. اصبري عليا شوي ونفاتح اهلي بالموضوع ويروحو يخطبوك رسمي مانبيش نوقف ع بوك مرة تانية :)
جيداء: بجديات !!
محمد: ايه بجديات .. والا انتي عاجبك حد غيري وماتبينيش ؟؟
جيداء: هههههه مستحيل نلقى غيرك يوقف معاي هالوقفة يللي وقفتها انت :)
محمد: ربي يخليك ويحميك .. هي سكري خللي نكلم امي <3
جيداء: اوكي بارك الله فيك محمد :)
محمد: الحمد لله ماقلتيش عمي محمد جيت بنقتلك هههههههه
جيداء: ههههههه كبيرة عليك عمي قصدك ؟؟
محمد: تي ايه عمري 28 بس مش 48 هههههههه
جيداء: بطووول عمرك يارب :)
محمد: انا وياك ياغلاتي .. سلامات
ومن هنا انفتح باب حب جديد .. بطلاه محمد <3 جيداء
,,,,,,,,,,,,,,,,,,,,,,,,,,,,,,,
قرب موعد عرس عبير .. توتي ليه ليه .. مرة يرفعها عليوة ومرة يرفعها علاء .. ونهلة في الشهر السابع وقالولها بنية وبتسميها (( مريم <3 )) محبة في عزوزتها الطيبة مش نفاق .. علاء كان يوتي لبنته ولاخته .. كل وحدة فيهم بتبدا حياة جديدة .. عبير مع اسعد .. ومريم بين خواتها وبوها .. والقفطان يللي يعجبه ياخده .. علاء ماكانش عنصري ويبي الولاد .. لا بالعكس كان يحب البنات .. ولتوا ربي ماطعماش بالصبي .. نسيم ورنيم وجني الله يرحمها وتوا مريم <3 ..
يابنات يابنات يابنات اللي ماخلفش بنات .. ماشبعش من الحنية وماذائش الحلويات <3
::::
البنوتة فراشة حب ترسم احلا الالوان .. هي دقات القلب هي زينة هالزمان <3
(( انا عنصرية ههههههه نحب البنات وقايمتها بيهم في هالرواية هههه <3 ))
,,,,,,,,,,,,,,,,,,,,,,,,,,,,,,,,,,
منذر: يمة نبي نخطب :(
ابتهال: هههههه شن جاك ؟
منذر: بجديات قصدي كملت قرايتي وحوشي واتي علاش ماتخطبيليش ؟؟
ابتهال: باهي من هيا يللي تبيها !!
منذر: غيداء (...)
ابتهال: باهي كلمها وحدد معاها اليوم يللي بنجو :)
منذر: مانعرفهاش
ابتهال: ترا كيف هادي ّ!! .. فجاءة بنكتشف ولدي الصايع مايكلمش في البنت يللي يبيها ؟؟
منذر: مش انا ولدك الصايع .. مصعب الصايع .. غير شن قلتي توا ؟؟
ابتهال: ماعنديش مشكلة وبوك نفس الشي من قبل فاتحتله الموضوع .. خللي نسألو ع عيلة البنت قبل :)
منذر: تقرب لزياد يللي مرة خطب ميار :)
ابتهال: آآآخ ماتفكرنيش فيها بالله عليك هديك الايام :(
منذر: الله غالب .. هي توا بنستاذن :)
ابتهال: باهي مع السلامة :(
,,,,,,,,,,,,,,,,,,,,,,,,
غيداء: آآه الحمد لله كملت :)
نسرين: البركة في عمك زيزو :)
غيداء: اسمعي نوسة .. وراس صاحبتي نحيه من راسك يللي تفكري فيه توا اوكي !!
نسرين: شن نفكر انا ؟؟
غيداء: في زياد .. عمي ونعرفه مستحيل يحبك :(
نسرين: وليش شن فيا ناقص ؟؟
غيداء: مافيك شي ناقص بس زياد يحب بنت ومستحيل يحب غيرها
نسرين: قلتيلي تزوجت صح ولاه !!
غيداء: ايه صح :\
نسرين: باهي شن يحب وحدة متزوجة ؟؟.. يراجي فيها تتطلق متلا -_-
غيداء: ايه :(
نسرين: طيح سعدك يامريضة .. توهناك واحد بيراجي وحدة .. بعدين هيا باعاته وتزوجت غيره اكيد توا مايفكرش حتي فيها :)
غيداء: ارفسي .. غصبا عنها تزوجت .. وبعدين انا حدرتك ومعاش دخلي فيك -_-
نسرين: خللي نصايحك ليك وراسك انتي لما نخليه يحبني :)
غيداء: آآآآح -_-
,,,,,,,,,,,,,,,,,,,,,,,,,,,,
بعد جهد جهيد .. أم محمد وافقت وقالتله الاسبوع الجاي انكون عندك ونمشو نخطبوها .. فرحة محمد مش قادر يوصفها لحد .. قعد ع تواصل مع جيداء يللي كانت نفس الشي فرحانة بيه ..
زياد استمر في الكورس متاعه ومر عليه شهر وبيرجع يحضر عرس اخته عبير
عبير كانت تهدرز ع اسعد كل ليلة وتحكيله شن خدت وشن دارت .. كانت فرحانة وهوا نفس الشي وعوضها ع كل شي <3
,,,,,,,,,,,,,,,,,,,,,,,,,,,,,,,
وجدي: مياااااار نوضي حطيلي فطوري تأخرت ع العمل
ميار: ماخاطريش نوض بروحك
وجدي: هيا كلمة نوووضي
ميار: مانبيش شن عندك ماادير هي :\
وجدي: عندي شووووق .. فنوضي بالطيبة خيرلك
ميار: اسمع وجدي انت مش جايبني اهني شغالة سبحان الله
وجدي: لا انتي اقل من الشغالة .. حبيبتي ماتنسيش ان خوتك باعوك بالرخيص ليا .. حتي الشغالة اغلا منك .. وردي بالك تنسي بوكوين قعد يتجدى باش ناخدك :)
ميار: بابا مايديرهاش انت واحد كذاااب
وجدي: انا كذاب !! .. باهي ياودي مش مصدقة نقولك قداش دفعت فيك ؟؟
ميار انفعلت وناضت ضرباته كف قوي ..
ميار: انت واحد حقير .. وعمرك ماح تكون راجل .. بوي انخدع فيك يحسابك راجل
شد خده وجدي ويشبحله بكل غل: هدا الكلام قوليه لخوتك مش ليا انا .. اساسا لو كنتي غالية عليهم راهو ماعطاك خوك ليا .. لان عارف انا من نكون .. بس ياحبيبتي شافو الفلوس يللي عندي انعمي قلبهم وعيونهم وحدفوك
ميار: كيف يعني من تكون ؟؟
وجدي: ههههههه الباين خوك مش مقايلك ؟؟
ميار: شن بيقول .. مش انت صاحبه والقريب ليه ؟؟
وجدي: هههههههههههههههآآآي تشوفي في خوك كويس انتي ؟؟
ميار جت بتضربه كف تاني شدلها ايدها
وجدي: كان سكتلك مرة مش معناها ديما ياحلوة .. تي انتي من لما تزوجتك معاد حد سأل عليك ... نضرب فيك كل ليلة ونهار ومافيش حد جي شافك .. عيشي الواااقع ياحبي اماليك باااااااعووووووك ياعيوني هههههآآآي
ميار: نحي ايدك .. حتي لو باعوني زياد مستحيل يبعني .. وح نتطلق منك ونتزوجه .. انت واحد وسخ ومستحيل نخليك تمسني لين يجي اليوم يللي بنتطلق فيه .. هداك الوقت معاش نخليك حتي تشوف خليقتي .. تسمع فيا ولاه !!
وجدي: شن تهددي فيا انتي !!
ميار: من حقارتك .. لو كنت راجل راهو ماخديتش وحدة تحب غيرك .. وماخداتك برضاها .. غصبو عليها اماليها بالضرب والاهانات .. ربي ح يعوضني عن حبهم بزياد .. وثق وتأكد انت مش ح تكون راجلي الا ع الورق .. زياد هوا راجلي وحبي الاول والاخير وهوا يللي بنجيب منه صغاري .. فهمت عليا !!
حرقاته وجدي بكلامها وخلاته يعصب
وجدي: ايه تو نوريك كيف ح يكون راجلك وحلالك زياد يامسخة ياحقيرة والله بوك ماعرف يربي .. وخوتك والله مايجو رجالة
وشدها وضربها وهيا تبكي وتترجى فيه ... بس يللي صار اقوا منها ..
,,,,,,,,,,,,,,,,,,,,,,,,,,,,,,,,,,,,,,,,
زياد كان يتصفح الفيس بوك .. لين جاته رسالة (( انا اعمى في هذه الحياة وانت لي كل العيون ))
طبعا مافهم شي .. فاتها وكمل تصفحه.. بعتت مسج تاني (( اشتقت لرؤياك .. فتحدث القلب عني ))
بعتله مسج (( والله نزار القباني حاليا مش موجود ))
.....: ايه عارفاته هههههههه .. حلو ودمك خفيف هلبا عليا ره
زياد: المطلوب ؟؟
.....: اضيفني :)
زياد: ولو مانبيش ؟؟
....: اضيفني هههههه
زياد: من كاذب عليك وقالك دمك خفيف ؟؟
...: ضيفني وبعدين احكم عليا عاد
زياد: شن قالولك قاضي انا باش نحكم عليك .. شكلك ياوخيتي فاضية شوفي غيري يسمع لاشعارك الغير مفهومة :\
....: ماهو الغير مفهوم ليك وبس .. الحق من لما شفتك خديت عقلي والخاطر
زياد: انا خاطب ره
....: انت تحب .. ويللي تحبها تزوجت صح ولاه !!
زياد: انتي مني ؟؟
....: مالكش علاقة مني نكون .. المهم انت بالنسبة ليا الانسان يللي حبيته من اول نظرة
زياد: فكيني من لعب الصغار وقولي انتي مني ؟؟
....: مجهولة ونحبك <3
زياد: آآه قصدك فاضية ومكسدة .. تي زيدي عليا غادي ترا
سكر الفيس وقعد حاااير تي مني هادي يللي تعرف بقصة ميار .. زعما مايكوونش كمين من ميار وتبي تختبرني ؟؟..لا ميار ماديرهاش ؟.. خلاته يدور في كسبرة ومش عارف مني هادي ؟؟.. وهدا يللي تبيه هيا .. تبي تحيره باش يزيد يتعمق في الحديث معاها :(
,,,,,,,,,,,,,,,,,,,,,,,,,,,,,,,,,,,,,,,,,,,
وجدي: ايوااااااه هكي وليتي مرتي ع الورق وع غير الورق ياحلوة
ميار: آآآه حقير والله ماتتحشم .. حسبي الله ونعم الوكيل فيك
وجدي: باش مرة تانية تعرفي من تهددي ؟؟.. تي فرخة زيك بتهددني انا بجسمها .. آهو توا صار يللي ماتبيشي يصير .. دوري الحل لعمرك توا ؟
ميار: حسبي الله ونعم الوكيل فيك يامريض .. ربي يجازي الظالم ان شا الله
وجدي: اصلا ربي مش ح يعاقبني .. لانك حلالي وقاري عليك الفاتحة .. بيعاقبك انتي يللي تحبي غير راجلك :)
ميار: حقير والله حقير .. وح نقعد نحبه زياد لأخر يوم في عمري تسمع فيا ولاه ؟
وجدي: سمي ولدك وولدي انا . يللي جاي في الطريق .. سميه زياد اوكي هههههههههههههآآآي
ميار: حيواااااااااااان
وقعدت تبكي ميار بصوت عالي وهوا طلع خلاها تحوس بين افكارها .. شن الحل من هالورطة .. وكان حملت من وجدي هيا الطامة :(
,,,,,,,,,,,,,,,,,,,,,,,,,,,,,,,,,,,,,,
مــــر شهــــر تاني ::
نهلة: علاااااء نووووض
علاء: شن في؟؟
نهلة: شكلني بنولد بالله عليك نووووض بنمووووووووووت ره
علاء: حي حي مريومتي بتجي .. هي البسي عباتك بسرعة بنولع السيارة
نهلة: آآآآآآه ساعدني بالله عليك
علاء: هي ساعدي روحك .. ايوااااااه بالشويا عليك
ركبها للسيارة وطااار بيها للمستشفى وسكر الحوش ع بناته يللي راقدات مايندرو عليها منين زارقة ..
,,,,,,,,,,,,,,,,,,,,,,,,,,,,,,,,,
الساعة 4:00 الفجر ::
عبير: آلو
علاء: راقدة؟
عبير: تي ماشفتش الساعة وانت تتصل ياعلاء والا كيف ؟؟.. الفجر توا
علاء: ههههههههه نوضي نوضي جتنا مريومة الصغيرة
عبير: حيييييي كذاااااب
علاء: والله ماتتحشمي تقولي ع خوك الكبير هكي ؟؟
عبير: هههههههههههه من الفرحة .. هي خللي نقول لامي ونجوووك
علاء: ايه كلمي حتي ريهام تعالو شوفوها طالعة تشبهلي
عبير: وووووه ياناري عليها بنية خوي .. مشت عنست ههههههه
علاء: قردة -_-
عبير: هي سكر سكر خللي نبشر امي <3
,,,,,,,,,,,,,,,,,,,,,,,,,,,,,,,,,
نهلة: علاااااء
علاء: نعم ياروحي <3
نهلة: وين مريومة ؟؟
علاء: ههههه توا كنت عندها تسلم عليك :)
نهلة: باهي جيبهالي نبي نشوفها :)
علاء: حااااضر خللي نشوف السستر تجيبهالك <3
نهلة: كلمتهم اماليك ؟؟
علاء: ايه .. ماكلمتش خوك خفت نزعجه وهيا بنتك مستعجلة جت الفجر ههههه
نهلة: هههههه حي بناتي وين ؟؟
علاء: خليتهم في الحوش .. خللي تجيك عبير وامي تو نروح نرفعهم للمدرسة ومش ح نقوللهم باش مايبدووش يزنو بنمشو بنمشو وانتي تعرفيهم عاد هههههه
نهلة: ايه ماتحكليش عليهم هههههه
علاء: الفرخة مستعجلة ع عرس عمتها تبي تحضره هههههههه
نهلة: ايه ريت ولاه هههههههههههه
علاء: ربي يخليك ليا ونجيبو عرم بنات <3
نهلة: ماتبيش وليد بكل؟؟
علاء: ههههههه خايفه يطلع زيني واانا مادرتش خير في امي وبوي شيطتلهم ريقهم وين كنت صغير
نهلة: هههههه انا نبي وليد ويطلع يشبهلك في كل شي <3
علاء: تجاملي فيا عارفتيني عصبي وسلبي ويامات سود هههههه
نهلة: هدا كله نشوف فيه ميزات مش عيوب :)
علاء: اضرب يااا .. كان نحساب مريم بتجيب الرومانسية لامها راهو من أمتى جبتيها ههههه ماخليتكش تعطلي بيها ههههههههه
نهلة: خزززي والله ماتتحشم .. اهو حسه الباب يطق شكلها مريومة :)
علاء: ماد وجهي تقريبا جنبك ومامشيتش قلتلهم -_-
نهلة: امالا مني !!
علاء: آآه خشي عبير .. شكله علي جابهم .. خلوكم هنا معاها بنرفع البنات للمدرسة
عبير: ايه باه في طريقك قوللهم يجيبوها <3
مريم: الحمد لله ع سلامتك يابنيتي :)
نهلة: الله يسلمك اللآي .. جبتلك مريومة الصغيرة <3
مريم: ربي يحفظهالكم <3
ريهام: بتسميها مريم خلاااص :\
نهلة: ايه عاجبتني اللآي ونبيها زيها <3
عبير: هههههه اضربي يمة هي كناينك الملسنات
مريم: ايه والله حتي انتم عاجبيني ربي يخليكم لبعض ان شا الله <3
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
زياد: بالله حق .. مبرووووك ياخوي مبرووووك ربي يجعلها من حفظة كتاب الله
علاء: لمن بتطلع حفظة كتاب الله لعمها زياد امالا هههههههه
زياد: ههههههه شكلك فرحان هلبا
علاء: ايه والله هههههه .. بس ان شا الله تطلعي شيخة وترفعلي راسي فوووق
نسيم كانت واقفة ع الباب وسمعت بوها يتكلم
علاء: مريم .. اصلا من اول كنت نبي نسميها هكي <3
زياد: عاشت الاسامي .. مافيش احلي من اسم امي ره ههههه
نسيم: هييييي جتنا مريم <3
علاء: اسم لله تي من وين طلعتي يافرخة ؟؟
زياد: ههههههههههههههه
نسيم: بابا جت مريم :)
علاء: ايه ياودي :\
نسيم: مانبيش نمشي للمدرسة ارفعنا لماما بالله عليك
رنيم: ماام جابت بيبي ؟؟
نسيم: جابت مريومة <3
علاء: الله يامات مباركة ..دور شن يحزها معاهم توا ..
زياد: ارفعهم حرام عليك هههههه
علاء: هدا يللي بيصير ..برو بدلوو ماتعطلوش بنخطمكم عليها بعدين نحطكم في المدرسة باهي !!
نسيم & رنيم : حااااضر
علاء: امتى مروح انت ؟؟
زياد: الاسبوع الجاي ان شا الله نكون عندكم :)
علاء: معناها بنعطل باسبوع لين تجي انت اوكي !
زياد: بدير اسبوع قصدك ؟؟
علاء: في الصالة زيادة ههههههههههه
زياد: ههههههه باهي ربي يتمم ع خير .. هي طير بنمشي للكورس توا :)
علاء: اوكي سلامات
,,,,,,,,,,,,,,,,,,,,,,,,,,,,,,,,,,,,,,,,
ميار كانت في الحمام .. حست بدوخة وبدت فيها ترجيع (( حشاكم )) .. وليها فترة ع هالموال .. وين دارت اختبار الحمل .. النتيجة موجبة .. قعدت تشوف لروحها في المراية .. كيف ضاعفة من قلة الماكلة ..وكيف متشوهة من الضرب .. وين شافت روحها حامل طلعت من الحمام وقعدت تعيط وتخبط
ميار: مانبييييييييييييش ياربي مانبيييييييييييييشي
لين داخت واغمى عليها :(
,,,,,,,,,,,,,,,,,,,,,,,,,,,,,,,,,,,,,,,,
جيداء: بيسميها مريم :)
محمد: آها .. تترى في عزكم ان شا الله
جيداء: الله يسلمك .. تو بنستنو لين عمي زياد بيروح بيدير اسبوع
محمد: حي حي معناها جاية انتي لطرابلس :)
جيداء: ههههههه ايه
محمد: واخيراااا بنشوفك :)
جيداء: :)
محمد: ههههههه يؤبرني الخجلان انا .. اسمعي جودي ...
جيداء: آها نعم :\
#Dudu
