#ورد_العمر
الحلقة :: 24 ::
من الفرحة ميار ناضت بدلت حوايجها .. طبعا لبس محترم قدام وجدي ماتبيش تغريه بآي شي كان .. ودارت نسكافي وحطت تورتة امبارح وكلت
خش وجدي لقاها مقعمزة قدام التلفزيون وتاكل :\
وجدي: الله اكبررر.. نحسابك غير بتموتي امس !!
ميار: -_-
وجدي: اسمعيني ميار انا والله مازي خوك عصبي وراسه مسكر .. حبيتك من اول مرة شفتك فيها وقعدتي في بالي .. قصدي حرام عليك تعامليني بهالطريقة :\
ميار: انت ماكنتش جاهل بعلاقتي مع زياد قبل لتتزوجني .. كنت تتجاهل في الموضوع ماتراجيش مني شي ياوجدي من الاول مقايلتلك انا نحب زياد ونبيه يكون حلالي ... وانت مستحيل تكووون حتي شي صغير في حياتي .. فهمت عليا !!
وجدي: ايه فهمت .. يقولو فيها حبي يللي يحبك وسيجعلك ملكة .. وان احببتي من تحبي فلن تكوني سوا دمية له :(
ميار: ههههههه بس زياد يحبني وانا نحبه ريت كيف بنخليه ملك وهوا بيخليني ملكة <3
وجدي: بس انا تزوجتك خلاااص -_-
ميار: مش ح نستمرو اكيد .. اصلا نبي نكلمك في موضوع ؟
وجدي: شني ؟؟
ميار: طلقني :)
وجدي: نطلقك ؟؟
ميار: ايه طبعا .. في خلال هالشهر لازم اطلقني :)
وجدي: فكرة مني هادي !!
ميار: ههههههه فكرتي انا .. وضروري ماتتنفذ كانك فعلا تحبني .. خليني نعيش حياتي مع الانسان يللي نحبه .. باش تشوفني مرتاحة :)
وجدي: اسمعي حبيبتي .. انتي بترتاحي غصبا عنك معاي .. ومش ح نطلقك لا توا ولا بعدين .. ممكن تكوني أرملة بس مطلقة مستحيييل وخللي زياد يراجيك لهداك الوقت .. وصدقيني ياعمري مش ح تقعد هكي معاملتي معاك لو أصريتي ع الطلاق .. اوكي !!
ميار: مايهمش اصلا :\
وجدي: خلاص حتي انا مايهمونيش افكارك .. اوكي !! هئ
ناض وجدي وخلاها تسحن وتترد .. كانت شادة الصحن حطاته بغل غلها ع الطاولة وتنهدت بعصبية وقعدت تنفخ (( آوووووف )) .. وشدت تليفونها وفتجت النت تبي تغير جوها بالشويا :\
,,,,,,,,,,,,,,,,,,,,,,,,,,,,,,,,,,,,,,,,,,,
غيداء: آه عمي زياد
زياد: آها نعم !!
غيداء: انا بنبدا في مشروعي ونبيك تساعدني انا ونوسة صاحبتي :)
زياد: أوكي مافيش مشكلة .. غدوا ان شا الله جيبيلي كتاباتك وعوالتك ونساعدك حااضر :)
غيداء: خلااص غدوا نروح من الجامعة ونقول لصاحبتي تجي معاي :)
زياد: تمام :)
,,,,,,,,,,,,,,,,,,,,,,,,,,,,,,,,,,
محمد دور ع مدرسة جيداء في مصراتة واخيرا حصلها .. ولقاها طالعة من المدرسة مروحة ومعاها صاحباتها .. شبحاته استغربت بعدين وزعتهم كلهم .. مشتله من التالي .. قعد يدور فيها خلعاته
جيداء: بخخخ
تلفت محمد وضحك: ههههههه خلعتيني :)
جيداء: ادور عليا !!
محمد: لا جاي لــ...
جيداء: للموضوع تبي تعرفه صح !!
محمد: لا مش هكي بس امس ماعطتنيش فرصة بكل :\
جيداء: ماهو قلتلك الموضوع شخصي .. هي توا ماتبي شي !!
محمد: نبي نهدرز معاك شوي لو سمحتي اعطيني فرصة وحدة بس
جيداء: مانقدرش نخاف خالي يشوفني معاك تكبر المشكلة وتوصل لبابا وبعدين يرحلوني ع طرابلس ههههههه
محمد: هههههههه مش ح يشوفك صدقيني .. شويا بس آهو كافي قريب مانعطلووش :\
جيداء: خليها غدوا اوكي !!
محمد: علاش مش اليوم باه !!
جيداء: غدوا بنظم اموري ونجيك :)
محمد: انا حبيتك لطبيعتك صدقيني :(
جيداء: هههههههه قصدي نحاول ناخد وقت اطول من هكي لان توا خالي شويا ويجي يروح بينا :)
محمد: آها اوكي انا اسف :(
جيداء: مش مشكلة .. يلا سلامات نتلاقو غدوا :)
محمد: آه اعطيني رقمك باه :\
جيداء: خلي نتلاقو غدوا زي اليوم في نفس المكان تمام ^_^
محمد: اوكي تمام
,,,,,,,,,,,,,,,,,,,,,,,,,,,,,,,,,,,,,,,
عبير اتصلت بأسعد اكتر من 3 مرات ماردش عليها .. حست بغيابه يوم واحد بس واضايقت لانه ماردش عليها :(
اسعد: نعم !!
عبير: خيرك ماتردش ؟؟
اسعد: شن في؟؟
عبير: بلا جو مراهقين اسعد
اسعد: اوكي اماليا اليوم جايينكم .. يلا سلامات
عبير: علاش بيجو باهي !!
سكر عليها .. اضايقت من كلامه وسكرت فونها ورقدت
,,,,,,,,,,,,,,,,,,,,,,,,,,,,,,,
جت العشية .. وشرفو عيلة أسعد
ام اسعد: والله يامريم حبيت نقولك ان أسعد أصر علينا نحددو العرس شهر 9
مريم: ان شا الله .. عبيييييييييييير ياعبيييير
عبير: جاية جاية
خشت وهيا طايرتلها مدتلهم القهوة وقعمزت
روايدا: افرديهم جايين نحددو موعد العرس
عبير: بجديااات !!
رويدا: والله هههههههه
عبير: :)
رويدا: نوضي كلمي اسعد قاللي خلعتها هههههههه
عبير: خززززي زي انتي زي خوك :(
رويدا: خزي ع وجهك ههعههههه
ناضت كلمت اسعد وهدرزو مع بعض وقامت بواجب عيلته وروحو <3
,,,,,,,,,,,,,,,,,,,,,,,,,,,,,,,,
ومـــر اليــــوم بســــلام ::
تاني يوم الصبح .. وتى روحه محمد وتأنق وطلع يدور من مكان لمكان لين تجي الساعة 1:00 موعد مرواح جيداء
ميار قاعدة ع نفس الحال ماتطلعش من الدار الا باش تاكل ويستفز فيها وجدي بكلامه
زياد كل فكره وتفكيره متجه لميار ولا غيرها .. بس الجديد يللي عليه حددله المدير موعد السفر بعد غدوا
عبير تصلحت مع اسعد وبدي الحب يتسلل لي #قلبها .. وان شا الله يستمر
,,,,,,,,,,,,,,,,,,,,,,,,,,,,,,
الساعة 1:00 الظهر ::
محمد واقف مقابل المدرسة لين شاف جيداء طالعة من المدرسة .. سلمت ع بنت خالها وروحت بنت خالها وهيا قعدت شوي ومشتله :)
محمد: كيف قدرتي توزعيها صاحبتك هههههه
جيداء: أول شي مش صاحبتي هادي بنت خالي يللي قاعدة عندهم
محمد: وكيف وزعتيها كان تقول لبوها باه !!
جيداء: اصلا انا وياك بنمشو للمكتبة :)
محمد: مانحبش القراية -_-
جيداء: ومن قالك اقرا انت هدرز بس هههههه
محمد: باهي بري بسرعة قبل مايشوفك حد
مشت هيا قدامه للمكتبة وهوا وراها وقعد يمثل انه مش معاها .. لين وصلت للمكتبة وخشت خدت طاولة .. وجي وراها وقعمز
محمد: نتعرفو ياحلوة ؟؟
جيداء: :)
محمد: هي احكيلي عليك شويا ؟؟
جيداء: لا مش ح نحكي ع روحي .. انا امس فكرت بيني وبين نفسي وقدرت تعبتك من طرابلس لمصراتة .. والطريق متعبة .. وفكرت حتي في الفندق يللي سكنت فيه من غير أهلك معاك :(
محمد: بس انا اهلي مش معاي من زمااااااااااااان
جيداء: كيف يعني !!
محمد: مهاجرين للامارات للاسف :(
جيداء: اها يعني قاعد بروحك ؟؟
محمد: ايه بروحي .. المهم توا شن فكرتي بينك وبين نفسك !!
جيداء: بنقولك ع السر يللي رفضتك ع خاطره
محمد: شن السر !!
جيداء: مالاول ماسمعتش بموضوع خطبتك ليا .. ولما سمعت الحق قعدت نفكر كيف بندير وشن بنقوله .. الحق سخفتني رغم اني حتي انا نسخف والله
محمد: كلامك كله رموز ومافهمت شي :\
جيداء: عرفت يوم يللي لقيت ولد شاد يهدد فيا !!
محمد: ايه باه !!
جيداء: كيف بنقولك !!.. آه .. ولد جيرانا هدا :(
محمد: جيداء قلبي بيوقف قولي شن في؟؟.. كنتي ع علاقة معاه صح !!
جيداء: لا علاقة شنو انا مستحيل اندير شي زي هدا مع اي ولد كان ؟.. جلال اعتدى عليا ياعمي :(
محمد: اعتدى عليك ؟... كيف يعني اعتدى عليك فهميني ؟؟
جيداء: انا مانبيش نظلمك والا نكدب عليك .. ربي عالم بحالي .. يوم عرفت بانك خطبتني .. قريب هبلت ومعاش عرفت نتصرف .. لين جي جلال وقال لبابا يللي صار .. روح بابا ضربني لين قريب قتلني بس والله ماذنبي الله .. كنت ماشية لبنت جيرانا بكل حسن نية ماكنتش نعرف ان جلال الوسخ قاعد في حوشهم .. خشيت لصالة هجم عليا من غير رحمة .. والله ياعمي محمد,,,,
محمد: معاش تقولي عمي وكملي >_<
جيداء: هدا يللي صار .. بس الحمد لله ربي ستر ماصارش شي تاني غلط :(
محمد: كيف شي تاني غلط ؟؟.. جيداء فهميني يعني انتي مش بنت !!
جيداء: آآآآآآه ايه :(
محمد: كيف صاااار هكي !!... علااااش ماقلتيش لاهلك من الاول شكو فيه وحبسوووه وربوه بطريحة مقومة .. علاش ماقلتيش لعمك زياد راهو قتله .. علااااش خليتي روحك تعاني بروحك .. علاااااااش جيداء ظلمتي روحك !!
جيداء: اسسس نقص صوتك تو يطلعنا :( .. ماكنتش نعرف هالشي ح يظلمني القدام .. كنت خايفة والله كنت خااايفة ماكنتش نعرف انه ح يعرف .. عاهدت نفسي انه ح نرفض الكل ومش ح نتزوج باش مانواطيش راس بابا .. بس والله يامحمد ماذنبي .. اعتدى عليا من غير علمي .. صدقني لااااااااازم تصدقني بالله عليك كلهم ظلموني ولوحوني هنا في مصراتة ومعاش حتي يتصلو بيا تصدق !!
محمد: اماليك معاش يتصلو بيك !!
جيداء: ايه اهئ اهئ اهئ .. انا خايفة يتبرو مني ويحسابوه درت هالشي درته برضاي ..والله اغتصبني غصبا عني :(
محمد: خلاااص معاش تحلفي صدقتك .. انا بنروح ماتبي شي!!
جيداء: حتي انت مش مصدقني صج !! .. اسمعني عمي محمد انا لما قلتلك السر يللي دسوووه عليك .. مانبيكش ترجع تخطبني من جديد .. ولا نبيك ترضى بيا زوجة فعلا مافيش حد يرضى بيا انا توا :( .. بس نبيك تصدق اني والله نظيفة وماذنبي الله :(
محمد: اوكي .. سلامات
طلع محمد وخلاها تبكي لما تفكرت الموقف يللي نحطت فيه بس كان لازم من الصراحة معاه باش معاش يقعد يلاحقها في كل مكان ويحط الأمل فيها من جديد .. وهنا جيداء تنهدت وارتاحت خدت بعضها وروحت :)
,,,,,,,,,,,,,,,,,,,,,,,,,,,,,,,,,,,,,,,,,,
الساعة 2:00 الظهر ::
نسرين ركبت السيارة مع غيداء بتروح بيها لحوشها ويتعاونو في المشروع مع بعض بيساعدهم زياد :)
نزل زياد بياخد حاجات للحوش
نسرين: ياكلبة تعالي هنا
تلفتتلها غيداء: هآآ
نسرين: عندك عم طرف هكي وسنجل معاها ماتقوليش تحسب صاحبتي فيه <3
غيداء: تي شن بشكطي هوا -_-
نسرين: آووووف والله طرف الصبر ياربي .. ماناقصه غير انا
غيداء: احلمي اصلا يحب -_-
نسرين: تي عادي عادي
غيداء: ان شا الله تبري -_-
,,,,,,,,,,,,,,,,,,,,,,,,,,,,,,,,,,,,,,,,
وجدي: نورت الحوش والله يابونسيب <3
مصعب: النور نورك .. وين ميار !!
وجدي: آآه تلبس تو تجي .. خللي نشوفها :)
مصعب: اوكي :)
خش لميار لقاها متكية ع سريرها
وجدي: ميورتي نوضي خوك جي :)
ميار: مانييش طالعتله هدرز عليه وخللي يروح -_-
وجدي: بلا جوو عاد .. نوضي باش مايحسش بشي :)
ميار: اصلا انا نبيه يحس فكني منك ومنه -_-
وجدي: براحتك :\
طلع لمصعب
مصعب: ماتبيش تطلع ولاه !!
وجدي: ايه .. حاولت نقنعها بس ماتبيش مش متقبلاتك :(
مصعب: تي عادي عادي المهم يللي في بالي صار .. هي خليني نتوكل
وجدي: اقعد يامان نتغدو مع بعض :)
مصعب: مش لازم يلا سلامات
طلع مصعب طايرتله من ميار .. خش وجدي لميار ..
وجدي: ماتقوليليش خيرك شادتيها نكد اماليك ماترديش عليهم اماليا مامشتيلهم وخوك ماطلعتيله :\
ميار: انا هكي عجبك باهي مش عاجبك طلقني -_-
وجدي: آها .. مانبيش نطلق ومش عاجبني .. والله لما نربيك من اول وجديد
ميار: تي من تكون انت اصلا !!
وجدي: تو نوريك انا مني ياكلبة >_<
قامها من السرير وطاح فيها ضرب في كل مكان قعدت تعيط
ميار: نحي ايدك كسرة ان شا الله .. الله يكسرك ياااارب .. نكرهك انا وكان تقتلني وكان تقطعني طرف طرف ح نقعد نقولك نكرهك نكرررررررررررررهك
وجدي حدفها ومشي .. قعدت تتلمس في جسمها وتبكي .. وقعدت تدعي وتتحسب في خوها وصاحبه (( حسبي الله ونعم الوكيل فيك يامصعب انت ووجدي الله ياخدكم ان شا الله .. آآآآه وينك يازيااااد وينك ))
,,,,,,,,,,,,,,,,,,,,,,,,,,,,,,,,,,,,,
محمد: آلووو
#Dudu
